د.لەتیف رەشید سەرۆك كۆمار، لە بەغدا پێشوازیكرد لە وەفدێكی دەستەی گەشتوگوزاری هەرێمی كوردستان بەسەرۆكایەتیی ئەمەل جەلال سەرۆكی دەستەی گەشتوگوزار.
لە دیدارێكدا، سەرۆك كۆمار ئاماژەی بە پێویستیی دامەزراندنی ناوەندێكی رۆشنبیریی كوردی - عەرەبی لە سلێمانی كرد، لەگەڵ گرنگیدان بە مۆنۆمێنت و شوێنەوارەكان و مۆزەخانە و شوێنە گەشتیارییەكان و پێشكەشكردنی خزمەتگوزاری بە گەشتیاران بەشێوەیەك لەگەڵ پێگەی هونەریی و شارستانیەتی عیراقدا بگونجێت. ئاماژەشی كرد بە پێویستیی سوودوەرگرتن لە وێنە و تابلۆ هونەرییەكانی هونەرمەندانی عیراق لە هۆتێل و شوێنە گەشتیارییەكاندا، ئەوەش بە ئامانجی ناساندنی رەسەنایەتیی هونەری عیراقی و شارستانێتییەکەی.
لای خۆیەوە، سەرۆكی دەستەی گەشتوگوزار، ئەوەی خستەڕوو كە دەستەكەیان پلانی بۆ پەرەپێدانی كەرتی گەشتیاری لە هەرێمی كوردستان و ڤیستیڤاڵی جۆراوجۆر هەیە.