کۆنفڕانسی ئاسایشی میونشن، یەکێکە لە گرنگترین گردبوونەوە جیهانییەکان بۆ گفتوگۆکردن لەسەر پرسە ئەمنی و ستراتیژییەکان کە تێیدا سەرکردەکانی وڵاتان و بڕیاردەران کۆدەبنەوە بۆ گفتوگۆکردن لەسەر ئەو ئاستەنگە ئەمنییانەی رووبەڕووی جیهان دەبنەوە.
بەشداریکردنی سەرۆک بافڵ جەلال تاڵەبانی، سەرۆکی یەکێتیی نیشتمانیی کوردستان، لەم کۆنفڕانسەدا، تەنها ئامادەبوونێکی پرۆتۆکۆڵی نییە، بەڵکو رەنگدانەوەی ئەو رۆڵە سەرەکییەیە کە یەکێتی لە هاوسەنگییە ئەمنی و سیاسییەکانی ناوچەکەدا دەیگێڕێت.
رۆڵی بەرچاوی یەکێتیی نیشتمانیی کوردستان لە بۆشاییەوە نەهاتووە، بەڵکو ئەنجامی چەندین فاکتەرە، گرنگترینیان:
-1بەشداریکردنی کارای لە شەڕی دژە تیرۆردا: ی.ن.ک رۆڵی سەرەکیی گێڕاوە لە بەرەنگاربوونەوەی رێکخراوە تیرۆریستییەکان، چ لە شەڕەکانی دژی داعش، یان لەڕێگەی هەوڵە هەواڵگری و ئەمنییەکانەوە کە بەشداربوون لە سەقامگیرکردنی چەندین ناوچە.
-2پەیوەندییە هەرێمی و نێودەوڵەتییە هاوسەنگەکان: ی.ن.ک، خاوەنی تۆڕێکی پەیوەندیی بەرفراوانە لەگەڵ هێزە جیاوازەکانی ناوچەکە، چ نێودەوڵەتی بن یان ئیقلیمی.
سەرەڕای جیاوازیی بەرژەوەندیی ئەم هێزانە، حزبەکە توانیویەتی پەیوەندیی هاوسەنگ لەگەڵیان بپارێزێت کە وای کردووە ببێتە لایەنێکی سەرەکی لەهەر هاوکێشەیەکی ئەمنیی پەیوەست بە عیراق و کوردستان و ناوچەکە بە گشتی.
-3 رۆڵی ی.ن.ک، لە هاوکێشەی سیاسی عیراقدا: لە ناو عیراقدا، یەکێتی بە هێزێکی سیاسی خاوەن قورسایی دادەنرێت، کە بەشداریی لە پاراستنی سەقامگیریی سیاسی و ئەمنی دەکات، بەتایبەتی لە سایەی ئەو گۆڕانکارییە خێراییانەی کە وڵات بەخۆیەوە دەیبینێت.
ئامادەبوونی سەرۆک بافڵ، لە کۆنفڕانسی میونشن گرنگییەکی تایبەتیی هەیە، لە سایەی بارودۆخی ئەمنی و سیاسی ئێستادا.
کۆنفڕانسەکە لە کاتێکدا دەبەسترێت کە ناوچەکە رووبەڕووی ئاستەنگی گەورە دەبێتەوە، لە هەڕەشە ئەمنییەکانەوە، بە تێپەڕین بە گۆڕانکارییە جیۆپۆلۆتیکییەکان، تا دەگاتە کێبڕکێیی نێودەوڵەتی لەسەر هەژموون.
ئامادەبوونی سەرکردایەتی یەکێتیی نیشتمانیی کوردستان، لەم کۆڕە جیهانییەدا رەنگدانەوەی:
- دانپێدانانێکی نێودەوڵەتییە بە گرنگیی رۆڵی کورد لە سەقامگیریی ناوچەکەدا.
- پشتگیرییە بۆ هەڵوێستی یەکێتی، وەک یاریکەرێکی سەرەکی لە هاوسەنگییە هەرێمییەکاندا.
- بەهێزکردنی پەیوەندییە سیاسییەکانە لەگەڵ هێزە نێودەوڵەتییە کاریگەرەکان، بە شێوەیەک کە خزمەتی بەرژەوەندییەکانی کوردستان و عیراق بە گشتی دەکات.
لەڕێگەی بەشداریکردنی سەرۆک بافڵ، لە کۆنفڕانسی میونشن، دەکرێت چەند پەیامێکی سیاسی دەربهێنرێت:
-1 جەختکردنەوە لەسەر رۆڵی یەکێتی وەک هاوبەشێکی ئەمنی متمانەپێکراو لە ناوچەکە، نەک تەنها یاریکەرێکی ناوخۆیی سنووردار.
-2 پیشاندانی توانای یەکێتی لە دروستکردنی پەیوەندیی هاوسەنگ لەگەڵ هێزە جیاوازەکان، تەنانەت لە سایەی ناکۆکییە ئیقلیمییە توندەکاندا.
-3 بەهێزکردنی پێگەی یەکێتیی نیشتمانیی کوردستان، وەک لایەنێکی سەرەکی لە داڕشتنی سیاسەتە ئەمنی و ئیقلیمییەکان.
ئامادەبوونی یەکێتی، لە کۆنفڕانسی ئەمنی میونشن، ئەوە پشتڕاست دەکاتەوە کە حزبەکە هێشتا یاریکەرێکی سەرەکییە لە شانۆی هەرێمیدا. بەهۆی ستراتیژیەتە هاوسەنگەکەی و پەیوەندییە بەهێزەکانییەوە، توانیویەتی خۆی وەک هاوبەشێکی سەرەکی لە رووبەڕووبوونەوەی ئاستەنگە ئەمنییەکان بسەلمێنێت، کە پێگەی لە گۆڕەپانی نێودەوڵەتیدا بەهێز دەکات و رۆڵێکی کاریگەرتری لە داهاتووی ناوچەکەدا بۆ دەستەبەر دەکات.
سەرۆک بافڵ، لە میانی بەشداریکردنی لە کۆنفرانسەکەدا چەندین دیداری ئەنجامداوە
