کوردسات ئەزموونێکی گرنگی میدیایی کوردییە.
ئەوەی وانەیەکی جوانی بە دەرەوەی خۆی بەخشی ئەخلاق بەرزی میدیایی بوو لە جوگرافیای کارکردنی کوردساتدا، لایەکیتر ئەوەبوو کە هێڵی نەتەوەیی و نیشتمانیی لەم کەناڵەدا بەردەوام لە ترۆپکا بووە، بە ئێستاشەوە ئەم کەناڵە خاوەن میتۆدێکی تایبەتە بە دۆزی نەتەوەیی کورد لە هەرچوارپارچەی کوردستاندا و سنورەکانی شکاندووە، ئەوەش هۆکاربووە کە کوردسات بەردەوام ببێتە کەناڵی هەمووان و خاوەنداریی راستەقینە لە گەل و نەتەوە بەشمەینەتەکەی خۆی بکات.
لە بواری کەلتوری، هونەری و نیشتمانی، کاریگەریی تێڕامانی گەورەی (هێرۆ ئیبراهیم ئەحمەد) زۆر جوان دەبینرێت و بەو کاریگەرییە کوردسات پڕ وزە کراوە. هێرۆخان وەک دامەزرێنەر و سەرپەرشتیاری گشتی، رۆڵی گەورەی گێڕاوە لە دروستکردن و پاراستنی شوناسنامەی راستەقینەی کوردسات کە شوناسنامەی هەمووانە و ئێستا بۆتە شۆڕشێکی کەلتوری و فەرهەنگی.
لە زۆر بواردا ئەم کەناڵە راچڵەکێنی دروستکردووە؛ ریتمی میدیایی بینراوی لە کوردستان بە تەواوەتی گۆڕیوە و بە ئەخلاقێکی بەرز، وەشانی خۆی کردووە، بە تایبەت لە بوارەکانی، کەلتور، هونەر، رەسەنایەتی و پەروەردەکردنی تاکی بەرپرسیار لە کۆمەڵدا، لەو بوارانەدا ئەرێنی ڕۆڵی دیوە، لە باتی ئەوەی کار بۆ شکاندن بکات کاری بۆ دروستکردن کردووە و بینای کەسایەتی کوردی دووبارە داڕشتۆتەوە.
ئێستا کە ئەو کەناڵە، بەرەو سەردەمێکیتری کاری خۆی هەنگاو هەڵدێنێت و لە راپرسییەکان هەمیشە لە لوتکەدایە و بۆتە کەناڵی خەڵک، کوردسات با بۆ هەمووان بێ و بەو رێگەیە زیاتر شۆڕشە نەرمەکەی ئامانج دەپێکێت، لەم سەردەمە نوێییەی خۆیدا دووبارە نامەی پێشەنگایەتی بگرێتەوە دەست و هەیە جانی فەرهەنگی لەکۆمەڵ دروستبکات، لە سەیوانی نێرگزەکەدا، کاری زیاتر بۆ لە خۆگرتنەوەی هونەرمەندان و دانایانی کورد و پێشەنگەکانی کۆمەڵ بکات.
مێژووە جوانەکەی ئەم کەناڵە بەکارە ناپیشەییەکان و گرێ لەم سەردەمەی لەدەستدانی ئیتیک، نەشێوێنراوە و وەک خۆی ماوەتەوە و ماڵە گەورەکەی هەمووانە.
