كەمیی ئاو و كارەبا لە هەولێر كێشەیەكی گەورەیە كە رۆژ بە رۆژ قووڵتر دەبێتەوە، فراوانبوونی نالۆژیكی شار لەم سەردەمەدا، دەستێوەردان لە ژینگە و نەبوونی پلانی ستراتیژی بۆ بەڕێوەبردنی سەرچاوەكان، كێشەكەی زیاتر ئاڵۆزكردووە.
هەولێر بەشێوەیەكی سەرەكی پشت بە ئاوی ژێرزەوی دەبەستێت، لە ئەنجامی بەكارهێنانی بێ سنوور و حەفری بیرە ئاوە نافەرمییەكان، ئاستی ئاوی ژێرزەوی بە شێوەیەكی مەترسیدار دابەزاندووە، بەپێی توێژینەوەكان، ئاستی ئاوی ژێرزەوی لە هەولێر لە ماوەی دە ساڵی رابردوودا، بە سەدان مەتر دابەزیوە.
زیادبوونی دانیشتوان و دروستبوونی شارۆچكە و گەڕەكی نوێ، بەبێ پلانی تەواو بۆ دابینكردنی ئاو، بارودۆخەكەی خراپتر كردووە، هەروەها، كەمبوونەوەی بارانبارین و دیاردەی گۆڕانی كەشوهەوا، كاریگەریی نەرێنیی لەسەر سەرچاوەكانی ئاو داناوە.
بەپێی توێژینەوەكان، ئاستی ئاوی ژێر زەوی لە هەولێر لە ماوەی دە ساڵی رابردوودا، بە سەدان مەتر دابەزیوە
كێشەی كارەبا لە هەولێر، بە تایبەت لە وەرزی هاویندا، كێشەیەكی هەمیشەییە، فراوانبوونی شار و زیادبوونی ژمارەی دانیشتوان، پێویستی بە كارەبا زیادتر دەكات. بەڵام تۆڕی كارەبا و وێستگەكانی بەرهەمهێنانی كارەبا، گەشەیان لەگەڵ ئەم پێویستییە نەكردووە.
لە لایەكی دیكەوە، بەكارهێنانی ئامێرە كارەباییەكان لە ماڵان و پڕۆژە بازرگانییەكان، بەبێ هۆشیاری و بەشێوەیەكی نادروست، كێشەكەی قووڵتركردووە، هەروەها، پشتبەستن بە سووتەمەنی بۆ بەرهەمهێنانی كارەبا، كێشەی ژینگەیی و ئابووری دروستكردووە.
فراوانبوونی نالۆژیكی شار، بە شێوەیەكی نەخشە بۆ كێشراو، كێشەكانی ئاو و كارەبا زیاتر گەورە دەكات، ئەم فراوانبوونە نالۆژیكییە، بەبێ لەبەرچاوگرتنی توانای دابینكردنی خزمەتگوزارییەكان، گەشەی كردووە.
زیادبوونی دانیشتوان، دروستبوونی پڕۆژەی نیشتەجێبوون و بازرگانی و هەروەها فراوانبوونی پیشەسازی، پێویستی بە ئاو و كارەبا زیاتر دەكات. ئەم پێویستییە زیاتر لە توانای دابینكردنی سەرچاوەكانە، بەتایبەت لە هەلومەرجی ئێستای هەولێر.
بۆ چارەسەركردنی كێشەی كەمیی ئاو و كارەبا لە هەولێر و بەرگرتن لە كاریگەرییە نەرێنییەكانی لە ئایندەدا، پێویستە :
1 . داڕشتنی پلانی ستراتیژی بۆ بەڕێوەبردنی سەرچاوەكانی ئاو و كارەبا.
2. گەشەپێدانی سەرچاوەی وزەی نوێبووەوە وەك وزەی خۆر و با.
3. پلانی شارستانی گونجاو بۆ گەشەی شار.
4. ئاگاداركردنەوەی هاوڵاتیان لەبارەی بەكارهێنانی دروستی ئاو و كارەبا.
5 . بەكارهێنانی تەكنۆلۆژیای نوێ بۆ كەمكردنەوەی بەفیڕۆدانی ئاو و كارەبا.
6. سەرمایەگوزاری لە بواری ژێرخانی ئاو و كارەبا.
بە كورتی، هەولێر پێویستی بە پلانێكی درێژخایەن و بەردەوام هەیە كە هاوسەنگیی نێوان گەشەی شار و پاراستنی سەرچاوە سروشتییەكان رابگرێت، ئەگەر ئەم كێشانە چارەسەر نەكرێن، كاریگەریی نەرێنی لەسەر ژیانی هاوڵاتیان، ئابووری شار و گەشەی داهاتووی هەولێر دەبێت.
بەپێی توێژینەوەكان، ئاستی ئاوی ژێر زەوی لە هەولێر لە ماوەی دە ساڵی رابردوودا، بە سەدان مەتر دابەزیوە.
