لە مانگی رابردوودا 127 نەشتەرگەری لە نەخۆشخانەی سووتاوی و نەشتەرگەری جوانکاری ئیمێرجنسی لە سلێمانی کراوە.
لەوبارەیەوە بەڕێوەبەرایەتی گشتی تەندروستی سلێمانی، رایگەیاند: لە ماوەی مانگی 6 دا، لە نەخۆشخانەی سووتاوی و نەشتەرگەری جوانكاری ئیمێرجنسی لە شاری سلێمانی، هەزار و 483 كەس سەردانیان كردووە و چارەسەری پێویستیان بۆ كراوە.
هەروەها وتیشی: ئەو نەخۆشانەی مانگی رابردوو، سەردانی نەخۆشخانەی سووتاوییان كردووە 235 كەس سەردانی بەشی فریاكەوتن و 819 كەس سەردانی بەشی راوێژكاری نەخۆشخانەكە و 429 كەس سەردانی بەشی چارەسەری سروشتییان كردووە.
هاوکات باسی لەوەشکرد، لە مانگی رابردودا لە نەخۆشخانەی سووتاوی و نەشتەرگەری جوانكاری 127 نەشتەرگەری گەورە کراوە و هەروەها 132 كەس داخڵكراون و 24 كەسیان لەبەشی سووتاوی و 108 نەخۆشیان لەبەشی جوانكاری بووە.
