سترانگوتنا وی ستایلەكێ تایبەت هەبوو، ئەز باوەرم ئەو ستایل وی بخوە بۆ خوە دروستكربوو و د بەرێخوەدانا مەدا ژبۆ فیلمێ بەلگەیی ل سەر ژیانناما وی، ئەو فیلمێ دچلیا ماتەمینیا ویدا هاتیە پیشاندان، خەلكەكی ژ جاددێ، فرۆشیار، شوفێر و كرێكار و پالە، بەحسا سترانێن وی دكرن و دئینانە سەر زمان و ئەڤ بەلگە فیلمە باشترین پەیامە بۆ هەر كەسەكی، ھونەرمەندەكی، نڤیسەرەكی و سیاسەتمەدارەكی، ئەگەر وە بڤێت ناڤێ وە بمینیت، ھین یێن خوە نابن، بەلكو دێ یێن میللەتی بن و دەما چالاكی ب دووماھی هاتی، ل بەر دەرۆكێ ھولێ كەسەكی دگوت: دەما من مرنا ھونەرمەند حەسەن ئەمین) بھیستی، بێ حەمدی خوە ئەز چوومە ناڤ یوتیوبی و بۆ چەندین رۆژان من گوھدارییا سترانێن وی دكر و ئەوا دبێژیت: (مانە بەسە، ئێدی ژ جانێ من چ دخوازی...)، كەلا گریێ دئێخستە حەفكا من و هەر وی گوت: راستە ھونەرمەندەك چوو، چوونەكا بێ ڤەگەریان، لێ دەنگێ وی یێ لڤێرە و رۆحا وی شاد بیت و گورێ وی تژی گول و گولزار بیت.
هەژی رەشید
