ئێكەم دیدارا ئازادی لاوان/ دھوك، ب چار تەوەران برێڤەچوو. ل رۆژا 24/8/2024ێ ل ھوتێلا سەرگەلی و ب ئامادەبوونا هەڤال جەمال یوسف بەرپرسێ مەلبەندێ چارێ دھوك و ژمارەكا زورا لاوان ژ هەردوو رەگەزان، دیدارا ئێكێ یا لاوان بڤان تەوەرێن خارێ هاتە برێڤەبرن، ئەو ژی (ھوكارێن كوچكرنا لاوان، كاریگەرییا ماددێن ھوشبەر ل سەر لاوان، زێدەبوونا رێژا بەردانێ(تەلاق)، رێكێن چارەسەریێ بۆ باشتركرنا ژیانا لاوان) و بۆ پێشكێشكرنا ڤان بابەتان ژی چەندین ماموستایێن زانكویێ و كەسێن بسپور بەشدار بوون. رەنج دوسكی بەرپرسێ سەنتەرێ دھوكێ یێ رێكخراوا ئازادییا لاوێن كوردستانێ، سەبارەت رێكخستنا ڤێ دیدارێ گوت: «وەك د بەرنامێ رێكخراوا ئازادیا لاوێن كوردستانێ دا، ئەڤە دێ دیدارەكا سالانە بیت و ل هەر پێنج پارێزگەهێن كوردستانێ هێتە ئەنجامدان و مەبەستا مە ژی بڤان دیداران، ئەم زێدەتر ل سەر كێشەییێن لاوان راوەستین.
