بەپێ کارنامەی کۆبوونەوەکە، سبەینێ لە ئەنجومەنی نوێنەرانی عیراق دەنگ لەسەر دوو پڕۆژەیاسا دەدرێت و چوار پڕۆژەیاسای دیکەش خوێندنەوەیان بۆ دەکرێت.
ھەروەھا لە کۆبوونەوەکەدا گفتوگۆکردن و خوێندنەوەی دووەم بۆ ھەمواری یاسای باری کەسێتی ساڵی ١٩٥٩ دەکات.
رۆژی ٢٤ی تەمموزی رابردوودا ئەنجومەنی نوێنەران خوێندنەوەی یەکەمی بۆ ھەموارەکە کرد کە رێگە بە ھاوسەرگیری کچانی تەمەن ٩ ساڵ دەدات، ئەوەش ناڕەزایەتی فراوانی لەسەر ئاستی عیراق و ھەرێمی کوردستان لێکەوتەوە و بەشێک لە پەرلەمانتاران و رێکخراوەکان و چالاکوانانی ژنان و کۆمەڵگەی مەدەنی بە پێشێلکردنی مافی منداڵ و ژنانی دادەنێن و داوادەکەن رێگری لە ھەموارکردنەوەکەی بکرێت.
