سویسرا باڵیۆزخانە لە بەغدا دەكاتەوە

دوای 33 ساڵ لە داخستنی نوێنەرایەتی پێشوی  خۆی بەهۆی شەڕی كەنداو لە ساڵی 1991، سویسرا كردنەوەی باڵیۆزخانەكەی لە عیراق راگەیاند.
باڵیۆزخانەی سویسرا لە عێراق ئاشكرایكرد، ئامانجیان پتەوكردنی پەیوەندییەكانە لەگەڵ عیراق و قوڵكردنەوەی هاوكارییەكان لە پرسە ئابوری و ئەمنییەكان و كۆچبەریدا
ئاماژەی بەوەشكردووە، دۆخی ئەمنی عیراق باشتر بووە، دوای ماوەیەك لە ململانێی ناوخۆیی توندی وڵاتەكە ئێستا دەچێتە قۆناغێكی گەشەسەندنی ئابووری.