ئەی برایەکەم لە رۆژئاوا

شیعری شاعیرێکی مۆزەمبیق
و: نەوزاد عەلی ئەحمەد

ئەی براکەم لە رۆژئاوا
چۆن بۆت روونبکەمەوە کە ئێمە براین؟
جیهان لە لای دەرگای ئێوە تەواو نابێت.
لە لای ئەو رووبارەش تەواو نابێت، کە سنووری نیشتمانەکەتە.
لە لای ئەو دەریایەش تەواو نابێت، هەندێجار باوەڕت وایە، کە فراوانە
هەستی بێ کۆتاییم پێم دەڵێت:
لە پشتی گلەیی و لە پشتی دەریادا،
تێکۆشانێکی بەردەوام هەیە.
پیاوەکان روانینیان درەوشاوەیە، دەستەکان وەک زەوی قایمن
لە شەودا منداڵەکانیان لە باوەش دەکەن و لەگەڵ کازیوەشدا دەردەپەڕن.
زۆربەشیان ناگەڕێنەوە، ئەمەش گرنگ نییە
ئێمە پیاوین، کۆت و زنجیر ماندووی کردین.
بەلای ئێمەوە ئازادیی لە ژیان بە نرخترە
برادەر ئێمە حیسابێکت بۆ دەکەین، نەک حیسابی 
دەستێکی لە خشتەبەری شەرمەزار،
بەڵکو حیسابی هاوکارییەکی هوشیارانە کە جێگەی باوەڕە.
ئەی برامان لە رۆژئاوا
چۆن دەستبەرداری ئەمە دەبیت؟

سەرچاوە:  منتخبات من شعر موزمبیق، مرتضی الشیخ حسین 
مجلة الاقلام- بغداد، العدد الاول، السنة16، تشرین الثاني1980، ص 165