چ بۆ كرێكارێن چاندنێ بكەت و ئایا ھین چەند خوە ل كێشێن وان دكەنە خودان؟ ئەڤە ئێك ژ پرسیاران بوو دەما مە ئەڤ دیدارا كورت دگەل بەرێز تاریق عەبدال سەرۆكێ سەندیكا كرێكارێن چاندنێ كری، گوت: «ئامانجا سەندیكا مە، ھیشیاركرنا كرێكارانە ل سەر ماف و ئەركێن وان، برێكا ئالاڤێن راگەھاندنێ و وۆرك شوپ و سمینار و ڤەكرنا خولان و ئارمانجا دووێ بەرەڤانیكرنە ژ مافێن وان، دەما ژلایێ خودانێ كاریڤە دھێنە پێشێلكرن.
دبدار: ع. بامەڕنی
*تە گوت ئاریشێن كرێكاران، ئایا چ جورە ئایشە؟
-هەر ئاریشا بهێتە بەرسینگا كرێكاری ئەم لێ دبینە خودان، چ نەدانا كرییا وی بیت ژلایێ خودانكاریڤە یان ژی توشی گرفتەكێ ببیت و ئەم دیڤچوونێ ل سەر كەیسا وی دكەین.
*ل هەمی وەلاتان كرێكاری ماف هەیە بھێتە دابینكرن، ئەگەر ھات و تووشی روودانەكێ بوو یان تەمەنێ وی ھاریكار نەبوو ل سەر كاری یێ بەردەوام بیت، ئایا رێكارێن دابینكرنێ ل هەرێما كوردستانێ لدویڤ یاسایێ چاوانن؟
-دڤێت كرێكار ل سەر كارەكێ بیت و دڤێت 17 % ژ مووچێ وی بۆ رێڤەبەریا دابینكرنا جڤاكی بزڤریت و بڤی رەنگی، خودان كار دێ 12 % دەت و 5 %ژی ل سەر كرێكاری بخو دكەڤیت و دەما خزمەتا كرێكارێ نێر بوونە 30 سال و تەمەنێ وی گەھشتبیتە 60 سالیێ، دێ هێتە خانەنشینكرن و بۆ ژنان دڤێت تەمەنێ وێ بگەهیتە 55 سالیێ و ئەگەر ل سەر كاری كرێكار توشی روودانەكێ بوو، دێ داخوازا راپۆرتا نوژداری ژێ هێتە خاستن و ئەگەر رێژە 35 % بوو، دێ ھێتە خانەنشینكرن، ژبەركو نەشێت كار بكەت.
*كرێكارێن هەین چ كارێن جێگیر نینن، وەك ئەڤێن كارێ رۆژانە دكەن، ئایا ئەو دێ ھێنە دابینكرن؟
-ئەو كرێكارێ رۆژانە بەرامبەری كریەكا نە جێگیر كار دكەت، لدویڤ یاسایێ ئەو ناهێتە دابینكرن و بۆ ڤێ ژی ئەم وەك سەندیكا هەردەم دگەل لایەنێن پەیوەندیدار داكوكیێ لوێ چەندێ دكەین، كو پێدڤییە رێگە چارەیەك بۆ ڤێ تەخێ ژی بهێتە ڤەدیتن.
