چارەسەرییا نەخوشیێن مرۆڤی ددەستێن مرۆڤی بخوەدایە، تە دڤێت دێ خوە رادەستی وێ نەخوشیێ كەی یان ژی دێ شەرێ وێ كەی و ئەز دڤی شەریدا یا سەركەفتی بووم. ئەڤە گوتنێن (دلڤین میرزا) بوون، دەما مە بەحسا شیانێن وێ یێن وێنەكێشانێ دكر، گوت: «نەخوشییا من دگەل پەنجەشێرێ وەك ھەڤركیەكێ بوو، ئایا ئەز خوە بدەستڤە بەردەم یان وێ دناڤ خوەدا بەرزەكەم و من شییا برێكا ھونەرێ وێنەكێشانێ ل سەر ڤێ نەخوشیێ زال بم و ئەز شییام وێ باوەریێ بۆ خوە پەیدا بكەم، كو چ تشتەك ئەستەم نینە، ئەگەر مرۆڤ حەز بكەت و ئەڤە بۆ ئەگەر ئەز بەرەڤ ھونەرێ وێنەكێشانێ بچم و حەزكرنا من بۆ جوانییا سرۆشتی، بەھرەمەندییا نڤیسەر و وێنەكێشێ جیھانی یێ ناڤدار (ڤان كوخی)، بەرێ من دا ژیانێ و وەلمنكر، ئەز خوە بكەمە ھەڤالێ رەنگان و فرچەیی و ئەز شیرەتێ ل ھەر كەسی دكەم، چ ئەو كەس یێ سالخەلم بیت یان نەخوشیەكێ خوە تێ ئالاندبیت، دشێت ژیانا خوە خۆش بكەت و ئارمانجەكێ ل بەر سینگا خوە دانیت.
