چەفتەکەی سەرشانی دايکم

یاسین رەشید بەرزنجی

‎پرياسکەی خەياڵی منە،
‎بێ ژمارە و بێ ژمێريار
‎وێنەکە ناتەواو دەبێت،
‎منداڵێك دەگری و تەنهايی رۆحم
‎ لەچەفتەکەی دايکم دەچێ،
‎رەشێکی قەترانیی
‎بە درێژايی تەمەنی لە کۆڵیدا بوو
لە عەباکەی کەعبە دەچوو،
رەشتر لە خەم
‎تەنانەت رۆژی لە دايک بوونمم، بير چۆتەوە.
‎قوتیدا ژمارە
‎بۆ ناتەوايی وێنەکە رۆیشتووە خەياڵم
‎بۆ دەور و زەمانێکی کۆن،
‎چەندە جوانە کۆڵوانەکەی پشتی دایکم
‎ پڕ خۆزگە و خەياڵە زەمبيلەکەی دەستی.
‎رۆژێکیان گرێی فەقيانەی
کراسە گوڵ گوڵيیەکەيم کردەوە
‎گريانی منداڵییش کۆتايی پێ هات.
‎تەختی کراسەکەش پڕ بوو لە ئەستێرە
‎درەوشايەوە ئاسمانی، پڕ تيشکی خۆر، پڕ لە جوانیی
‎واهەستدەکەم
بێ ئەو ناتەواوە شێوەی گۆی زەویی.
‎پڕی کردووم لە خۆی و
‎ چەندەها جار رامکێشاوە
‎چەفتە رەشەکەی سەرشانی،
‎تابيکاتەوە فەقيانەکەی و
‎پێم بدات چەند فلسێ
بۆئەوەی بیگێڕم ئاهەنگی لەدایکبوونم.
لە دڵم دەرناچێت منداڵیی و
یادی دایکم و جەفتە رەشەکەی سەرشانی.