سەرۆك كۆمار جەخت لە پتەوكردنی پەیوەندییەكان لەگەڵ ژاپۆن دەكاتەوە

دوێنێ، د.لەتیف رەشید سەرۆك كۆمار پێشوازیكرد لە فوتوشی ماتسوموتو باڵیۆزی ژاپۆن لە عیراق، كە بەبۆنەی كۆتاییهاتنی ئەركەكەی سەردانی كردبوو.
لە دیدارەكەدا، سەرۆك كۆمار جەختیكردەوە لە قووڵی پەیوەندیی دۆستانەی نێوان عیراق و ژاپۆن و خواستی پەرەپێدانی لە سەرجەم بوارەكاندا. 
هەروەها باڵیۆزی ژاپۆن، سوپاس و پێزانینی بۆ سەرۆك كۆمار دەربڕی لە پای پشتیوانیكردنی لە ئەركەكەیدا.