دەرباز کۆسرەت رەسوڵ، لێپرسراوی مەکتەبی پەیوەندییەکانی یەکێتیی نیشتمانییکوردستان لە شاری هەولێر پێشوازیکرد لە ستیڤ بیتنەر، کونسوڵی گشتی ئەمریکا لە هەرێمی کوردستان.
لە دیدارێکدا گفتوگۆکرا لەبارەی پێشهات و گۆڕانکارییەکانی ناوچەکەو دۆخی سوریاو پێکهێنانی کابینەی 10 ی حکومەتی هەرێمی کوردستان.
کونسوڵی گشتی ئەمریکا جەختی لەجێبەجێکردنی بەرنامەیەکی گشتی کردەوە بۆ پێکهێنانی کابینەی نوێی حکومەت کە زامنی خۆشگوزەرانی و سەقامگیری هەرێمی کوردستان بکات.
لای خۆشیەوە دەرباز کۆسرەت رەسوڵ جەختی کردەوە کە یەکێتیی نیشتمانیی کوردستان پەرۆشی پێکهێنانی حکومەتێکی هاوبەشە کە خواستی هاونیشتمانیان تێیدا رەنگبداتەوە لە پرسی چارەسەرکردنی قەیران و بودجە و مووچە.
