سەنتەری جینۆساید لە زانكۆی گەرمیان، چالاكییەكی بۆ زیندووهێشتنەوەی تاوانی ئەنفال لە بیرەوەریی نەوەی ئێستادا، رێكخست.
لەبارەی چالاكییەكەوە، مامۆستا سەباح عەلی جاف سەرۆكی لیژنەی چالاكییەكان لە سەنتەری جینۆساید، رایگەیاند: وەك بەرنامەیەكی دوورمەودا و لەپێناوی زیندووهێشتنەوەی تاوانی ئەنفال لە بیرەوەریی نەوەكانی ئەمڕۆ و دواڕۆژدا، چالاكییەكەیان رێكخستووە و وەك دەستپێكیش خوێندكارانی قۆناغی یەكەمی بەشی كوردی لە كۆلیژی پەروەردە بەشدارن، وتیشی: خوێندكارانمان بردووەتە مەزاری ئەنفالكراوان لە دێبنە و ماڵی مەریەم لە ناحیەی رزگاری و لەنزیكەوە ئاشناكراون بە تاوانی ئەنفال و دیمەنەكانی جینۆسایدی گەلی كورد.
باسی لەوەشكرد كە چالاكییەكە درێژەی دەبێت و ژمارەیەكی زیاتری خوێندكار بەشداریی پێدەكرێت.
سەنتەری جینۆساید لە زانكۆی گەرمیان، وەك ناوەندێكی توێژینەوە لە بواری جینۆساید و ئەنفال كاردەكات.
