ئا: كوردستانی نوێ هەولێر
بە ئامادەبوونی ژمارەیەك لە بەرپرسانی حكومی و هونەرمەندان و هونەردۆستان كەسوكاری هونەرمەند، لە رێوڕەسەمێكدا پەردە لەسەر پەیكەری هونەرمەندی كۆچكردوو فوئاد ئەحمەد لادرا، كە دەكەوێتە دووڕیانی سافی نزیك مزگەوتی سەواف لەشەقامی 30مەتری شاری هەولێر.
فوئاد ئەحمەد هونەرمەندێكی دێرینی كوردە، لە ساڵی 1932 لە گوندی عەوێنەی شاری هەولێر لە دایكبووە، لە ساڵی 1955 دەستی بە كاری هونەری و گۆرانی كردووە، لەماوەی تەمەنی خۆیدا چەندین بەرهەمی لە ئێزگەی كوردی بەغدا و تەلەفزیۆنی كەركوك تۆماركردووە، 17/8/2004 لە هەندەران بەنەخۆشی كۆچی دوایی كرد.
