ئەمریکا پێناسی گومرکی بەسەر هاوبەشە بازرگانییەکاندا سەپاند و دۆناڵد ترەمپ، سەرۆکی ئەمریکا، ئەمڕۆی بە راگەیاندنی سەربەخۆیی ئابووری بۆ ئەمریکا ناوبرد.
سەرۆکی ئەمەریکا، لە کۆشکی سپی راگەیاندنی بڕیارێکی نوێی ئابوری راگەیاند کە بەگوێرەی وتەکانی، لە مێژووی ئەمەریکادا بێوێنەیە و بە فەرمانێکی مێژوویی ناوی برد.
ترەمپ وتیشی، ئەمە یەکێکە لە گرنگترین رۆژەکان لە مێژووی ئەمریکادا، ئەمڕۆ ڕۆژی سەربەخۆیی ئابووری ئەمریکایە.
بەپێی ئەم بڕیارە نوێیە، باج بە رێژەی 10% بەسەر هەمو کەلوپەلە هاوردەکاندا دەسەپێنرێت، هەروەها باجی 25% بەسەر ئەو ئۆتۆمبێلانە دادەنرێت کە لە دەرەوەی ئەمەریکا دروست دەکرێن.
سەرۆکی ئەمەریکا ئاماژەی بەوەش کرد کە ئەوروپا هیچ بەرهەمێکی ئەمریکی هاوردە ناکات، بۆیە باجێکی تایبەت بە رێژەی 20% بەسەر ئەوروپادا دەسەپێنێت.
ترەمپ بە توندی جەختی لەسەر ئەوە کردەوە کە چیتر رێگە نادەین هیچ وڵاتێک سامانی وڵاتەکەمان بدزێت و وتیشی ئەم بڕیارە ئەوە دەسەلمێنێت کە ئەمەریکا چیتر بەرانبەر دزینی سامانەکانی بێدەنگ نابێت.
