بەرەبەیانى ئەمڕۆ، ئاگر لە بەشێک لە بازاڕ و دوکانەکانی مەزادخانەکەی سەرەوە (دارە سووتاوەکە)ی شاری سلێمانی کەوتەوە.
هەڤاڵ ئەبوبەکر، پارێزگارى سلێمانى لەوبارەیەوە رایگەیاندووە کە بەهیممەتی دڵسۆزانەی بەڕێوەبەر و تیمەکانی بەڕێوەبەرێتیی بەرگریی شارستانی و بە هەماهەنگیی هاوڵاتییانی دڵسۆز و تیمەکانی فریاکەوتنی خێرای تەندروستی و ئاسایش و پۆلیس و پۆلیسی هاتوچۆ، بەبێ هیچ زیانێکی گیانی؛ ئاگرەکە کۆنتڕۆڵکرا.
دەشڵێت، لایەنە پەیوەندیدارەکان لێکۆڵینەوە لە هۆکاری ئاگرکەوتنەوەکە دەکەن.
