بەڕێزان کەسوکار و خانەوادەی تێکۆشەری دێرین کاک کەمال عەلی.
بۆ کۆچی دوایی تێکۆشەری دێرین، کاک کەمال عەلی، لە ناخی دڵمانەوە پرسە و ماتەمی خۆمان ئاڕاستەی ئێوەی بەڕێز دەکەین.
کاک کەمال لە هەڕەتی لاوێتیەوە چۆتە ناو کایەی سیاسی و کوردایەتییەوە و لەو پێناوەدا تووشی گرتن و ئازار بۆتەوە، پاش ئازادبوونیشی وەک کادرێکی سیاسی و پاشان ئیداری لەناو هێزی پێشمەرگەدا رۆڵی بەرچاوی بینیوە.
لە کایەی حزبیدا چەند ساڵێک لێپرسراوی ئیدارەی مەکتەبی سیاسی بووە و لە کایەی حوکمیشدا بریکاری وەزیری شارەوانی بووە و ئەرکەکانی بە دڵسۆزی راپەڕاندوە.
لە یەزدانی مەزن داواکارین گیانی پاکی کۆچکردوو بە بەهەشتی بەرین شادبکات، سەبووری و ئارامی بە هەموو لایەک ببەخشێت.
مەکتەبی سیاسیی
یەکێتیی نیشتمانیی کوردستان
