سەعد خەلیل سەرۆكی كۆمەڵەی دۆستایەتیی فەلەستینی-عیراقی، بەناوی ئەندامانی ئەنجومەنی بەڕێوەبردنی كۆمەڵەكەوە، پەیامێكی ئاڕاستەی سەرۆك بافڵ جەلال تاڵەبانی سەرۆكی یەكێتیی نیشتمانیی كوردستان كردووە بەبۆنەی سەركەوتنی هەڵبژاردنی پەرلەمانی كوردستانەوە.
لە پەیامەكەدا هاتووە: پیرۆزبایی لە گەلی كوردی برامان و هەرێمی كوردستان و سەركردایەتی و كادرانی ی.ن.ك دەكەین بە سەرۆكایەتیی بافڵ جەلال تاڵەبانی، بۆ ئەو سەركەوتنە یەكلاكەرەوەیە، كە ئەوە بەڵگەی متمانەی شەقامی كوردییە بە یەكێتی و رێبازەكەی لە بەرگریی لە مافەكانی گەلی كورد و ئایندەی ئەو گەلە.
پیرۆزبایی پارتی سۆشیالیستی یەمەن
هەروەها، د.موختار ئەلمەخلەفی لەجیاتی پارتی سۆشیالیستی یەمەن، لە پەیامێكدا پیرۆزبایی ئاڕاستەی یەكێتیی نیشتمانیی كوردستان دەكات بەبۆنەی ئەو سەركەوتنە گەورەیەی لە هەڵبژاردنی پەرلەماندا، بەدەستیهێناوە.
