بەمەبەستی گفتوگۆكردن لەسەر پێكهێنانی حكومەت و تێڕوانینەكان بۆ چوار ساڵی داهاتوو، هەروەها ئامادەكردنی رەشنووسی هاوبەشی هەردوولا لەوبارەیەوە، وەفدی یەكێتیی نیشتمانیی كوردستان و پارتی دیموكراتی كوردستان، دوێنێ لە بارەگای مەكتەبی سیاسیی یەكێتی لە هەولێر، كۆبوونەوە.
بەپێی زانیارییەكان، بە جیا یەكێتی و پارتی، كۆبوونەوەی خۆیان دەكەن لەسەر داواكارییەكانی یەكتری لەبارەی پێكهێنانی حكومەتەوە، هەروەها رۆژی پێنجشەممە جارێكی دیكە لیژنەی باڵای دانوستان، لە هەولێر كۆدەبنەوە.
بۆ هەمان مەبەست پێشتر وەفدی یەكێتی و پارتی لە 30/11/2024 لە سلێمانی و 17/12/2024 لە هەولێر كۆبوونەتەوە.
