پارێزگاری بانكی ناوەندیی عیراق لە راگەیەندراوێكدا دڵنیای دەدات كە لە 2025دا هیچ گرفتێكی دارایی نابێتە بەربەست لەبەردەم پێدانی مووچەی مووچەخۆران و دەشڵێت،بەردەوامین لە سنوورداركردنی سپیكردنەوەی دۆلار.
عەلی عەلاق، پارێزگاری بانكی ناوەندیی عێراق رایدەگەیەنێت، عیراق خاوەن یەدەگێكی دراوی بەهێزە لە رێگەی سەرچاوەكانی و دەتوانێت خواستیش بۆ كڕینی دۆلار لە بازاڕەكانی عیراقدا دابین بكات.
راگەیەندراوەكەی پارێزگاری بانكی ناوەندی لەكاتێكدایە، دەنگۆی كەمبوونەوەی پارەی نەختینەیی لە عێراقدا هەیە و ترس هەیە لەوەی گرفت بۆ دابەشكردنی مووچە دروستبكات، چونكە مووچەی مانگی كانوونی یەكەمی ساڵی رابردوو بۆ بەشێك لە مووچەخۆرانی عیراق دواكەوت و لە كاتی خۆیدا دابەشنەكرا.
