شاراوه نییه، دۆخی ههرێمی كوردستان تێكچووه و باری ژیانی خهڵك ههموار نییه و نهداریی زاڵبووه و باری ئابووریی ههرێم لاوازه، چونكه دیاردهی گهندهڵی فراوانتر بووه و ههلی كار بۆ گهنجان دهگمهنه و بهشێكیان وڵات بهجێدههێڵن و روو دهكهنه غهریبستان و كوردستان له توانای عهقڵ و وزهیان بێبهش دهبێت.
متمانهی خهڵكیش به بهڕێوهبردنی ههرێم تابڵێی لاواز بووه و دهستوهردانی دهوروبهر له كاروباری ههرێمدا ترسناكتر بووه، پهیوهندییهكانی ههرێم به عیراقی فیدراڵهوه وهكو جاران نهماوه، تهرازووی هێز له نێوانیاندا بههۆی ههندێك سیاسهتی نادروستهوه، داكشاوه. بهلای بهغداوه به جۆرێكە ئهگهر بۆیان بكرێت ناوهڕۆكی ههرێم پووچهڵ دهكهنهوه.
ئێستا لهم رۆژگاره سهختهدا، یهكێتیی نیشتمانیی كوردستان دهبێت وهكو بارانی رهحمهت بێت بۆ وشكهساڵیی سیاسی و ئابووری و ئهمنی و قهوارهی ههرێم له پیلانی دوژمنان بپارێزێت.
بۆ راستكردنهوهی ئهم بارودۆخه نالهباره، پێویسته یهكێتیی نیشتمانیی كوردستان له ههوڵی چاكسازیی راستهقینه بهردهوام بێت، بهجۆرێك چۆن له ناوهڕاستی حهفتاكانی سهدهی رابردوودا ههرهسی به ههرهس هێنا و شۆڕشی نوێی ههڵگیرساند و ئومێدی دهباراند به سهرتاسهری كوردستاندا له رۆژگاری نائومێدیدا، ئاواش دهبێت لهم ههلومهرجهدا شۆڕشی نهرم و چاكسازیی نیشتمانی بهرپا بكات.
بهڵێ ئهركی ئهخلاقی و كوردایهتیی یهكێتیی نیشتمانیی كوردستان، راستكردنهوهی بارودۆخی مهترسیداری ئێستای كوردستانه، به دۆزینهوهی رێگه و شێوازی خهباتی مهدهنی، به مهبهستی گۆڕینی سیستمی دهسهڵات بهرهو سهقامگیركردنی ئاشتی و یهكسانی و حوكمی رهشید.
بۆ جێبەجێكردنی ئەم ئەركە نیشتمانییە، یەكێتی دەبێت ئەسپی خۆی تاوبدات بە زیادكردنی دەسەڵاتی خۆی لە دامودەزگا سەرەكییەكانی هەرێمی كوردستاندا، ئەویش لە رێگەی پرۆسەی هەڵبژاردن و سندوقەكانی دەنگدانەوە كە بڕیارە لە 20/10/2024 بەڕێوەبچێت.
بۆ پاراستنی قەوارەی هەرێم و دەربازبوون لەم هەموو قەیرانە مەترسیدارەی كە بەرۆكی خەڵكی كوردستانی گرتووە، یەكێتیی نیشتمانیی كوردستان بەرنامەی سەرەكی و راستەقینەی خۆی داناوە كە ئەمجارە ئەگەر دەنگی زیاتری خەڵك مسۆگەر بكات، بە هەموو توانایەكییەوە دەسەڵات دەگرێتە دەست و بەرنامەی هەڵبژاردنی خۆی جێبەجێ دەكات كە لە بنەڕەتدا لە خزمەتی خەڵكدایە.
بێگومان یەكێتی لە رۆژی دامەزراندنییەوە خەبات لەپێناوی دەسەڵاتی سیاسیدا دەكات بۆ جێبەجێكردنی بەرنامەی نیشتمانی و نەتەوەیی و فەلسەفیی خۆی كە جیاوازیی یەكێتی لەگەڵ لایەنەكانی تری سەر گۆڕەپانی كوردستان، لە بەرنامەكەیدایە، ئەوە جگەلەوەی لەشێوەی رێكخستنەكەیدایە.
ئەمجارە نە نیوە دەسەڵات و نە نیوە ئۆپۆزسیۆن، بەرگی یەكێتی نابێت، سیاسەتی یەكێتی گۆڕانكاری و جیاكاریی راستەقینەیە لە سیستمی بەڕێوەبردن و یاسادانان و دادوەریدا، ئەمەش بە پشتیوانیی خەڵك و رێكخراوەكانی كۆمەڵگەی مەدەنی دەبێت لە رێگەی دەنگدانەوە بە لیستی(129)ی یەكێتیی نیشتمانیی كوردستان.
هەڤاڵانی یەكێتی، بۆ ئەم داخوازییانەی سەرەوە و مسۆگەركردنی متمانەی خەڵك بۆئەوەی رۆحی شەهیدان شادبكەین و رێبازەكەی مام جەلال سەربخەین، با هەموومان لەگەڵ كەسوكار و دۆست و ناسیاو بچینە سەر سندوقەكانی دەنگدان و دەس بخەینە سەر دڵمان و دەنگ بە یەكێتییەكەمان بدەین و بە یەك دەنگ هاواربكەین: هەموومان لە پێناوی سەركەوتنی یەكێتی لە هەڵبژاردنی خولی شەشەمدا بۆئەوەی یەكێتی بەهێزتربێت و خزمەتی زیاتری كورد و كوردستان بكات.
پێویستە لەسەرمان هێزی كاریگەر و هەرە لەپێشی ئەو گۆڕانكارییە بین، دەنگی كەسوكار و بنكەی فراوانی یەكێتی رێكبخەینەوە، ماڵ بە ماڵ لە دەرگایان بدەین، پشتیوان بە بەرنامە و پرۆژەی یەكێتی، داوایان لێبكەین بێنە سەر سندوقەكانی دەنگدان و بەشداریی ئەو ئەركە بن و رۆڵیان هەبێت لە هەڵبژاردنی پەرلەمانێكدا كە رەنگدانەوەی ویستی ئەوان بێت.