هەفتەی ئایندە یارییەكان بەردەوام دەبن

خولی نایابی عیراق پێدەنێتە هەفتەی نۆیەمەوە

هەفتەی ئایندە، یارییەكانی هەفتەی نۆیەمی خولی نایابی تۆپی پێی یانەكانی عیراق دەكرێن و ئەم خولە پێدەنێتە هەفتەیەكی نوێوە و پێشمەرگە لە سلێمانی پێشوازی لە ناسرییە و گازی باكووریش میوانداریی لە عەفەك دەكات.
یەكێتیی ناوەندیی تۆپی پێی عیراق، خشتەی یارییەكانی هەفتەی نۆیەمی ئەم خولەی بڵاو كردۆتەوە، هەردوو یانەكەی كوردستان، پێشمەرگەی سلێمانی و گازی باكوور، لە یاریگای خۆیاندا یاریی دەكەن، بەپێی خشتەكە، یارییەكانی ئەم هەفتە نوێیە، رۆژانی یەكشەممەو دوو شەممەی ئایندە بەمشێوەیە دەكرێن:

یەكشەممە 29/12
*پ.سلێمانی × ناسرییە.
*گازی باكوور ×  عەفەك.
*رومادی × ئیتیساڵات.
*سەناعات كارەبایی × نەوتی وەسەت.
*جۆلان × مەسافی.
*كازمییە × مەسافی باشوور.
*سەناعە × بەحری.

دووشەممە 30/12
*ئەمانەی بەغدا × غەراف.
*موسڵ × ئەلحوسێن.
*فەهد × مەیسان.
سەبارەت بەریزبەندیی یانەكانیش پاش تەواو بوونی یارییەكانی هەفتەی هەشتەم،  كە یەكێتیی تۆپی پێی عیراق بڵاویكردۆتەوە، غەراف یەكەمی ریزبەندیی و جۆلان دووەم و پێشمەرگەی سلێمانی سێیەمە، گازی باكووریش ئەنجامەكانی دڵخۆشكەر نین و لەپلەی حەڤدەیەمی ریزبەندایە، ریزبەندییەكەش بەوشێوەیەیە كە لە خشتەكەدا دیاریكراوەو لە پەیجی یەكێتیی تۆپی پێی عیراقەوە وەرگیراوە.