بۆجارێکی دیکە درۆنەکانی تورکیا بەنداوی تشرینیان لە رۆژئاوای کوردستان بۆردوومان کرد و بەوهۆیەوە کوژراو و بریندار هەیە.
میدیاكانی رۆژئاوای كوردستان بڵاویانكردووەتەوە، سوپای توركیا لە دەوروبەری بەنداوی تشرین ئەو هاووڵاتییە مەدەنییانەی كردووەتە ئامانج كە بۆ پارێزگاری لە بەنداوەكە وەك قەڵغان چالاكیی دەكەن و ژمارەیەكیشیان برینداربوون.
لە ماوەی سێ هەفتەی رابردوودا، چوار جار تورکیا و گرووپە چەکدارەکان راستەوخۆ خەڵکی مەدەنییان لە بەنداوی تشرین کردووەتە ئامانج، بەو هۆیەوە تاوەکو ئێستا لانیکەم 10 کەس گیانیان لەدەستداوە و 30 کەسی دیکەش برینداربوون.
