بەپێی هەواڵێكی رۆژنامەی میللییەت، مەزڵوم عەبدی فەرماندەی هێزەكانی سوریای دیموكرات لە لێدوانێكدا سەبارەت بە كۆبوونەوەكەی لەگەڵ مەسعود بارزانی سەرۆكی پارتی دیموكراتی كوردستان، وتوویەتی: باسیان لە پرۆسەی گۆڕانكاری لە سوریا كردووە و هاوڕابوون لەسەر ئەوەی هەڵوێستی كورد لە ناوچەكەدا یەكگرتوو بێت و گفتوگۆی ئاشتییانە لەگەڵ دیمەشق بكرێت لەپێناوی پاراستنی مافەكانی گەلی كورد .
لە لێدوانێكیدا بۆ ئەلشەرق نیوز، مەزڵوم عەبدی رایگەیاندووە، ئامادەن ئەو نەوتەی كە كۆنترۆڵی دەكەن رادەستی سوریای بكەن. وتوویەتی: ئێمە پێكهاتەیەكی فیدراڵی و پەرلەمانیمان ناوێت، خۆبەڕێوەبەریمان دەوێت، بەڵام نەك لە رووی ناسنامەی ئەتنیكی، بەڵكو لە رووی جوگرافییەوە.
