دەستەی دەستپاکی هەرێم نوسراوێک ئاڕاستەی پەلەمانی کوردستان دەکات و داوا دەکات ئەندامانی خولی شەشەم فۆڕم پڕبکەنەوە و سەروەت و سامانەکانیان تۆمار بکەن.
ئەحمەد ئەنوەر سەرۆكی دەستەی دەستپاكی لە هەرێمی كوردستان راگەیاند، كۆتا نووسراویان ئاڕاستەی دیوانی پەرلەمانی كوردستان كردووە لەبارەی ئاشكراكردنی سەروەت و سامانی پەرلەمانتارانی خولی شەشەمی پەرلەمانی كوردستان.
وتیشی، چاوەڕێی وەڵامی نووسراوەكە دەكەن لەلایەن پەرلەمانەوە بۆئەوەی فۆڕمی پڕكردنەوەی زانیاری ئاڕاستەی پەرلەمانتاران بكەن، دەبێت پەرلەمانتارانیش لەماوەی سێ مانگدا فۆڕمەكان پڕ بكەنەوە و سەروەت و سامانیان ئاشكرا بكەن.
ئەوەش لەکاتێکدایە، مانگی 10ی ساڵی رابردوو هەڵبژاردنی خولی شەشەمی پەرلەمانی کوردستان بەڕێوەچوو و لەئێستاشدا لایەنەکان سەرقاڵی گفتوگۆی پێکهێنانی حکومەتی نوێن.
