سەرەکی » هەمەڕەنگ » کەرکوک، ئێوارەیەکی موزیکی بۆ چوار هونەرمەند

کەرکوک، ئێوارەیەکی موزیکی بۆ چوار هونەرمەند

نووسینگەی كەركوك،هێمن ئەحمەد

«ژوانێك لەگەڵ مۆزیك»دا، ئەمە ناونیشانی ئێوارە ژوانێكی مۆزیكیی رێكخراوی ماڵی هونەر بوو لەشاری كەركوك، كە ڕۆژی 28/11/2018، لەناوەندی رۆشنبیریی‌و هونەریی دیالۆگ بۆ چوار هونەرمەندموزیسیان رێکخرابوو کە بریتیبوون لە: (سامان عەزیز بەئامێری سەنتور، ئاراس كاكەیی بەئامێری عود، هێمن ئەحمەد بەئامێری ساز، كاروان محەمەد بەئامێری كەمان).
لەوبارەیەوە ئازاد شاكر بەرپرسی رێكخراوی ماڵی هونەر لەكەركوك بەكوردستانی نوێی وت: «روون‌و ئاشكرایە زۆر كات لەكەركوك‌و شارەكانی هەرێمی كوردستان كۆنسێرتی مۆزیك‌و گۆرانی پێكەوە سازدەكرێت، كارەكەی ئێمەش لەوەوە سەرچاوەی گرتووەو درك بەوە دەكەین كە هونەرمەندی ژەنیار سەربازی «ونە»و دیار نییە، ئەویشی كە ناوبانگ‌و خەرجی مادی بەدەستدەهێنێت تەنیا گۆرانیبێژە، نەك ژەنیار، بۆیە رێكخراوی ماڵی هونەر ئەو ئێوارە موزیکییەی سازکرد، بەڵام ئەوەی خۆشاڵی كردین ئامادەبوونی جەماوەرەكە‌و چینە رۆشنبیرەكە بوو كە ئامادەی شوێنەكە بوون‌و چێژێكی خۆشیان لەگەڵ مۆزیك‌و ئاوەزەكان بەسەربرد.
وتیشی: «ئامانجی ئێمە لەم كارە هاوشێوەی رێكخراوە هونەرییەكانی كەركوك بوو، مەبەستی سەرەكی رێكخراوەكەشمان تەنیا خزمەتكردنی بواری هونەرە لەكەركوك، هەروەها ئێمە رەچاوی ئەو هەموو نەهامەتیانەمان کردووە كە بەسەر كەركوك‌و كەركوكیەكاندا هاتووە وەكو «شەڕو نەهامەتی» چونكە هەست دەكەین خەڵكیی پێویستیان بەم جۆرە كارە هونەریانەیە.
هاوكات هونەرمەند ئاراس كاكەیی بەكوردستانی نوێی وت: «لەم ئێوارە هونەرییەدا بەندە بەدوو پارچە مۆزیك بەشداربووم یەكێكیان مۆزیكی «سەمای پەپولە»یە، كە هی خۆمە، پارچە مۆزیكەكەی دیكەشیان چەند پارچە ئاوازێك بوو لەگەڵ گۆرانییەكی هونەرمەند قادر مەردان».
شایانی باسە ماوەیەكە بەشێوەیەکی بەرچاو لەشاری كەركوك کۆڕو کۆبوونەوەو جموجۆڵی هونەریی و ئەدەبی بەڕێوەدەچێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

بەرهەمێکی نوێ بڵاودەکاتەوە

هونەرمەندی گۆرانیبێژ بورهان محەمەد سەرقاڵی تۆمارکردنی بەرهەمێکی نوێیەو دوای کلیپکردنی ...