سەرەکی » وەرزش » تۆتنهام باجی مۆندیالی 2018 ده‌دات

تۆتنهام باجی مۆندیالی 2018 ده‌دات

یانه‌ی‌ تۆتنهام ئه‌م وه‌رزه‌ به‌ ئاستێكی به‌رز تێپه‌ڕ ده‌بێت به‌ڵام پێكان به‌رۆكی یاریزانه‌كانی به‌رنادات و له‌دواین زنجیره‌ی پێكانه‌كانیشی هاری كه‌ینی ئه‌ستێره‌ی یه‌كه‌می یانه‌كه‌ 2 مانگ دوور ده‌كه‌وێته‌وه‌.
تۆتنهام له‌ پله‌ی سێیه‌می پریمه‌رلیگه‌و له‌ چامپیۆنس و لیگ و كاراباو كه‌پ و جامی یه‌كێتی ئینگلته‌را و چامیۆنس لیگیش له‌ ركابه‌ری كردن به‌رده‌وامه‌، به‌ڵام زۆری پێكانه‌كان مه‌ترسی له‌سه‌ر ئه‌و یانه‌یه‌ دروست ده‌كات.
له‌كاتی به‌ڕێوه‌چوونی مۆندیال هانده‌رانی یانه‌ی‌ تۆتنهام دڵخۆش بوون و شانازیان به‌وه‌وه‌ ده‌كرد كه‌ 8 یاریزانی یانه‌كه‌ به‌شداری قۆناغی پێش كۆتایی مۆندیالیان كرد، به‌ڵام ئه‌و خۆشیه‌ هه‌رزوو گۆڕا بۆ ناخۆشی و تا ئێستاش یانه‌كه‌ باجی مۆندیال ده‌دات.
له‌ كۆی ئه‌و 8 یاریزانه‌ی‌ به‌شداری قۆناغی پێش كۆتایی مۆندیالیان كرد 7 یاریزانیان ئه‌م وه‌رزه‌ چه‌ند جارێك توشی پێكانبوون كه‌ دیلی ئالی 11 یاری دووركه‌وته‌وه‌و دانی رۆز 9 یاری و ئیریك دایه‌ر 12 یاری و كیران تریپه‌ریش 6 یاری دووركه‌وتۆته‌وه‌ كه‌ ئه‌مانه‌ یاریزانی ئینگلته‌را بوون.
له‌ هه‌ڵبژارده‌ی‌ فه‌ره‌نسا تۆتنهام خاوه‌نی لۆریس بوو كه‌ ئه‌م وه‌رزه‌ 6 یاری دووركه‌وتۆته‌وه‌، له‌ به‌لژیكاش یان فۆرتینخن 17 و موسا دیبملی 20 یاری به‌هۆی پێكان دووركه‌وتونه‌ته‌وه‌.
تاكه‌ یاریزانیش كه‌ پێكان به‌رۆكی نه‌گرتوه‌ تۆبی ئه‌لدرفیڵده‌ كه‌ ئه‌ویش له‌ زۆرێك یارییه‌كان سه‌ره‌كی نه‌بووه‌.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

تایسۆن فیۆری سه‌ركه‌وتنی..

تایسۆن فیۆری سه‌ركه‌وتنی به‌رامبه‌ر تۆم شڤارتس تۆماركرد هه‌روه‌ك به‌ڵێنی دابوو ...