سەرەکی » دۆسێ » نەتەوە یەكگرتووەكان باس لە بوونی بەكرێگیراوان دەكات لە لیبیاپەڕە 24

پشتیوانی لە حەفتەر دەكەن

نەتەوە یەكگرتووەكان باس لە بوونی بەكرێگیراوان دەكات لە لیبیا

راپۆرتێك كە لەلایەن شارەزایانی نەتەوە یەكگرتووەكانەوە ئامادەكراوە و چاودێری قەدەغەكردنی هەناردەكرنی چەك بۆ لیبیا دەكەن، ئاماژە بە بوونی بەكرێگیراوان دەكەن كە لە گروپەكانی فاگنەری روسی و چەكدارە سورییەكان پێكهاتوون و لە لیبیادا پشتیوانی لە موشیر خەلیفە حەفتەر دەكەن.

بەڵگەكان رادەستی ئەنجومەنی ئاسایش كراون
بەپێی بەڵگەكان كە لە 24ی نیساندا رادەستی ئەنجومەنی ئاسایش كراون، ئاماژە بە بوونی پەیوەندییەكانی نێوان گروپەكانی ڤاگنەر و پیاوە بەهێزەكەی خۆرهەڵاتی لیبا دەكەن كە لە نیسانی ساڵی 2019وە هەوڵ دەدات تەرابلوس كۆنترۆڵ بكات.

لێكۆڵینەوەی شارەزایانی نەتەوە یەكگرتووەكان لەو رووەوە، نوێكردنەوەی راپۆرتی ساڵانە كە لە كانوونی یەكەمی رابردوودا دەرچووە و لە بنەڕەتدا باس لە بوونی گروپە چەكدارە بیانییەكان دەكات كە لە چاد و سدانەوە هاتوون، بەڵام لە سەرەتاوە باسی لە بەكرێگیراوانی روسی نەكردبوو.

لە پوختەی راپۆرتەكەدا هاتووە كە ئاژانسی (فرانس پرێس) ئاماژەی پێكردووە»ژمارەیەك لە شارەزایان چاودێری بوونی چەند هێزێكی سەربازی تایبەتی +چی ڤی ڤاكنەر+یان لە لیبیادا كردووە لە تشرینی یەكەمی 2018، ژمارەی ئەو چەكدارانەش لەنێوان 800 بۆ 1200 كەسدا دەبن»، بەڵام شارەزایان «ناتوانن بەشێوەیەكی سەربەخۆی تەئكید لەسەر قەبارەیی بڵاوبوونەوەی ئەو هێزانە بكەن».

ئەمە یەكەمجارە كە نەتەوە یەكگرتووەكان تەئكید لەسەر بوونی بەكرێگیراوان لە لیبیادا دەكاتەوە كە سەر بە گروپەكانی ڤاگنەری روسین و بەوە ناسراون كە لە سەرۆك ڤلادیمێر پۆتینەوە نزیكن.

میدیاكانی ئەمریكا لە ساڵی 2019دا بوونی ئەو گروپانەی لە لیبیادا ئاشكراكردبوو، بە جۆرێك كە هەردوو رۆژنامەی (نیویۆرك تایمز) و (واشنتۆن پۆست) بڵاویانكردبۆوە، بەكرێگیراوانی ڤاگنەر بەشداریی لە شەڕەكانی لیبیادا دەكەن، بەڵام قەبارەی ئەو بەشدارییە لەنێوان دوو رۆژنامەكەدا جیاواز بوو، بەجۆرێك كە یەكەم ژمارەی بەكرێگراوانی بە 200 چەكدار مەزەندە كردبوو، لەكاتێكدا رۆژنامەی دووەم بە هەزاران.

مۆسكۆ بەردەوام هەموو تێوەگلان و بوونی بەكرێگیراوانی روسی لە لیبیادا رەتكردۆتەوە.

شارەزایان دەڵێن»چەكدارانی گروپی ڤاگنەر پشتیوانی تەكنیكی پێشكەش دەكەن بۆ چاككردنەوەی گالیسكە سەربازییەكان و بەشدارییش لە ئۆپەراسیۆنە سەربازییەكان و ئۆپەراسیۆنە كاریگەرەكاندا دەكەن»، بە هەمان یارمەتی هێزەكانی حەفتەر دەكەن لە بواری «تۆپخانە و چاودێری جموجۆڵە ئاسمانییەكان و زانیارییان پێدەبەخشن لە دەستنیشانكردنی هێرشە ئەلیكترۆنییەكان و بڵاوكردنەوەی قەناسبەدەستەكان».

«هێزی زیاتر»
شارەزایان بەشداریی ئەو «گروپە بەكرێگیراوانە» بە زیاكردنی هێزەكانی حەفتەر لەقەڵەم دەدەن.

لە پوخەتەی راپۆرتەكەیاندا هاتووە»شارەزایان چاودێری بوونی هێزە سەربازییە تایبەتەكانی گروپی روسكیی سیستم بیزۆباسنۆست (RSB) یان كردووە كە سەرپەرشتی چاككردنەوەی و تەیاركردنی فڕۆكە سەربازییەكانیان كردووە».

هەروەها دەڵێن»لێكۆڵینەوە لەبارەی زانیارییەكانی تایبەت بە بڵاوەپێكردنێك لە كانوونی دووەمی 2020 لە بنغازی خۆرهەڵاتی لیبیا دەكرێت سەبارەت بەو گروپە سەربازییە تایبەتەكانی مۆران سیكیوریتی گروپ+ و شیت سیكیوریتی گروپ».

بە وتەی شارەزایانی نەتەوە یەكگرتووەكان»ئەو زانیارییانەی دەستبەرییان كردووە، پەیوەندییەكانی كاری نێوان نێوان هێزەكانی حەفتەر و هێزە بەكرێگیراوەكان ئاشكرا دەكەن كە بە شڵەژاوی دەردەكەون، تەنانەت دوای ساڵێكیش لە بڵاوبوونەوەیان تائێستاش ناكۆكییەكان لەنێوانیاندا بەردەوامن».

چەكدارانی سوریا لە لیبیادا
شارەزایان تەئكید لەسەر بوونی بەڵگەی گواستنەوەی چەكدارانی سوریا لە دیمەشقەوە بۆ لیبیا دەكەنەوە.
توركیا لە شوباتی رابردوو تەئكیدی لەسەر بوونی چەكدارانی سوریا كردەوە كە لەلایەن ئەنقەرەوە پشتیوانی دەكرێن لە لیبیادا پشتیوانی لە حكومەتی ویفاقی نیشتمانی دەكەن لە ترابلوس كە نەیاری موشیر حەفتەرە.

بەڵام زانیارییەكان لەبارەی بوونی ئەو چەكدارانەی لە سوریاوە هاتوون بۆ یارمەتیدانی حەفتەر پێشتر ئاشكرانەكرابوو. دەسەڵاتدارانی خۆرهەڵاتی لیبیا لە سەرەتای ئاداری رابردوو، باڵیوزخانەی لیبیایان لە دیمەشق كردەوە لە پاش هەشت ساڵ لە پچڕانی پەیوەندییە دیپلۆماسییەكانی نێوان لیبیا و سوریا.

شارەزایان لە راپۆرتەكەیاندا رەتیدەكەنەوە بتوانن بەرپرسانی بەسەربازكردن و كۆمەككردنی بەكرێگیراوان دیاریی بكەن كە بۆ شەڕكردن شان بەشانی هێزەكانی خەلیفە حەفتەر رەوانەی لیبیا كراون.
بەپێی راپۆرتەكە»ژمارەیەك لە شارەزایان لێكۆڵینەوەیان لەبارەی زۆرێك لە چەكدارە سورییەكانەوە كردووە كە لە سوریاوە گواستراونەتەوە بۆ لیبیا لەڕێی (اجنحە الشام)-ەوە كە كۆمپانیای فڕۆكەوانی تایبەتی سوریاوە و بارەگاكەی لە دیمەشقە».

هەروەها دەڵێن»لە سەرەتای كانوونی دووەمی رابردووەوە، 33 گەشتی ئاسمانی لەلایەن فڕۆكەوانی (أجنحە الشام)وە بەڕێخراوە، هەندێك لە سەرچاوە مەیدانییەكانیش مەزەندەیان كردووە ئەو چەكدارە سوریانەی پشتیوانی لە هێزەكانی موشیر حەفتەر دەكەن لە شەڕەكاندا، كەمتربن لە دوو هەزار».

هەر بە وتەی شارەزایانی نەتەوە یەكگرتووەكان»هەندێك لە سەرچاوەكان پێیانوایە ژمارەی چەكدارانی سوریا لە لیبیادا نزیكەی پێنج هەزار ببێت، ئەمەش بە دڵنیاییەوە ئەوانە دەگرێتەوە كە لەلایەن توركیاوە بۆ بەرژەوەندی حكومەتی ویفاقی نیشتمانی رەوانەی وڵاتەكە كراون».

ئەنتۆنیۆ گوتێریش سكرتێری گشتی نەتەوە یەكگرتووەكان لەو راپۆرتدا كە لە 5ی ئاداری 2020 پێشكەشی نەتەوە یەكگرتووەكانی كردبوو، باسی لەوەنەكردبوو كە روسیا و سوریا سەرچاوەی ئەو بەكرێگیراوانەن، بەڵام ئیدانەی ئەو «تێوەگلانی بیانیانی كردبوو لە شەڕی لیبیادا بۆ بەرژەوەندی هەریەك لە حكومەتی ویفاقی نیشتمانی و سوپای نیشتمانی لیبیا» وەك ئاماژەیەك بۆ پێشێلكردنی قەدەغەكردنی رەوانەكردنی چەك بۆ لیبیا كە لە ساڵی 2011وە سەپێنراوە.

بەڵام نە گوتێریش و نە شارەزایانی نەتەوە یەكگرتووەكان، هیچ راسپاردەیەكیان پێشنیارنەكرد بۆ سزادانی ئەوانەی بەرپرسن لە

print

 307 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*