سەرەکی » هەمەڕەنگ » ئەمڕۆ شەشەمین فێستیڤاڵی نێودەوڵەتی..

رانیە،

ئەمڕۆ شەشەمین فێستیڤاڵی نێودەوڵەتی..

رانیە، ئەمڕۆ شەشەمین فێستیڤاڵی نێودەوڵەتی کولتوورە جیاوازەکان دەستپێدەکات

ئەمڕۆ پێنجشەممە 19//9/2019 سەعات 8ی شەو لەپارکی دەروازەی رانیە، شەشەمین فێستیڤاڵی نێودەوڵەتی کولتوورە جیاوازەکان بە بەشداری چەندین تیپ و گروپی هونەریی کوردستان و وڵاتانی جیاجیا لە رانیە دەستپێدەکات.
فیستیڤاڵەکە هەتا رۆژی 21/9/ بەردەوامدەبێت و تێیدا لەلایەن تیپ و گروپە هونەرییە بەشدارەکانەوە چەندین نمایش و چالاکیی هونەریی پێشکەشدەکرێت. ئەو تیپ و گروپانەش کە لەم فێستیڤاڵەدا بەشدارن جگە لەشارەکانی سلێمانی، هەولێر، دهۆک، کەرکوک، پێکهاتووەن لە: تیپی نیشتمان بۆ رۆشنبیریی و هونەر و فۆلکلۆر(کۆماری میسر). تیپی نیشتمانی هونەرە میللیەکانی (عیراق). گرووپی نمایشی هونەری سروشت (هیندستان). گروه موسیقی هرای قوچان (خوراسان). تیپی میوزیکی ئەمازیغییەکان (مەغریب). کۆمەڵەی عمون بۆ هونەرو کلتوور (ئوردن). دەستەی هەڵپەڕکێی نیشتمان (ئێران). گروپی مۆسیقای نیگار بۆ نمایشی هونەریی (مکسیکی و ئەمریکای رەسەن).
ئەم فێستیڤاڵە بەچاودێریی وەزیری رۆشنبیریی و لاوان، بەڕێوەبەرایەتی گشتی لاوان، سەنتەری رایەڵ بۆ ئاڵوگۆڕی کولتوری بەڕێوەدەچێت، یەکێکە لەچالاکییە دیارەکانی سەنتەری رایەڵ بۆ ئاڵوگۆڕی کولتوری، ساڵانە لەشاری رانیە بەڕێوەدەچێت. ئامانج لەم فێستیڤاڵە کاکردنە بۆ (ئاشتی، هاوڕێیەتی، دیالۆگ)و پێکەوە ژیانی کولتورە جیاوازەکان، رەخساندنی زەمینەیەکی هونەرییە بۆ گرنگیدان بەکولتورو فۆلکلۆری گەلان.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

چالاکییەکەیان پێشکەش بە رۆژئاوا کرد

لەبەردەوامی چالاکییە هونەرییەکانیدا، سەعات 5ی ئێوارەی رۆژی یەکشەممە 13/10/2019 بەشی ...