سەرەکی » کەلتوور » یەكێتی، لە ڕەفەكانی كتێبخانەی كوردییدا

بەرەو یادە مەزنەكە

یەكێتی، لە ڕەفەكانی كتێبخانەی كوردییدا

مێژووی یەكێتیی نیشتمانی كوردستان
1975-1976
كتێبی (مێژووی یەكێتیی نیشتمانی كوردستان 1975-1976) لە نووسینی د. سەروەر عەبدولڕەحمان عومەر كە باس لە دامەزراندن و دەستپێكردنەوەی شۆڕش دەكات لەلایەن یەكێتیی نیشتمانیی كوردستان.
چاپی دووەمی لەساڵی 2011 لە هەولێر لەچاپخانەی هێڤی لەسەر ئەركی نووسەر خۆی چاپكراوە، ئەم كتێبە بەسەر چوار بەش دابەشكراوە:
بەشی یەكەم : بارودۆخی ئابوری و سیاسیی و كۆمەڵایەتی باشوری كوردستان لەساڵی 1975 دا
بەشی دووەم: قۆناغی دوای هەرەسی 1975 و سەرهەڵدانی بزووتنەوەیەكی نوێ‌
بەشی سێیەم: یەكێتیی نیشتمانیی كوردستان و هەڵیگرسانەوەی شۆڕشی نوێ‌ 1976.
بەشی چوارەم: پێوەندییەكانی یەكێتیی نیشتمانیی كوردستان لەنێوخۆو دەرەوەی وڵات.

ئینسكلۆپیدیای یەكێتیی نیشتمانی كوردستان
كتێبی ئینسكلۆپیدیای یەكێتیی نیشتمانی كوردستان، یەكێكە لە ئینسكلۆپیدیا دەوڵەمەندەكانی یەكێتی، لەبارەی ناساندن و بڵاوكردنەوەی ژیاننامەو كاركردنی سەركردەو كادیرەكانی یەكێتی كە بەپێی پیتی ئەلفوبێ‌ دابەشكراوەو تا ئێستا چەند چاپێكی لێكراوەو چاپی یەكەمی لەساڵی 2013 لە سلێمانی كراوە بەسەرپەرشتی گشتیی و سەرۆكی دەستەی كارا فەرید ئەسەسەرد و سكرتێری نووسین كەیوان سەعید.
ئەم كتێبە لەلایەن ئەكادیمیای هۆشیاری و پێگەیاندنی كادیران چاپكراوەو دوا چاپی 1145 ناونیشانی لە خۆگرتووە كە بەسەر ژیاننامەی كەسایەتییە دیارەكان و شەهیدان و بڵاوكراوەو راگەیانددراوەكان و شەڕەكانی هێزی پێشمەرگەو ئۆرگانەكان و كۆبوونەوە و پلنیۆم و كۆنفرانس و كۆنگرەكان و رێككەوتننامەو هتد دابەشكراوە.

رابەری رۆژنامەگەریی نهێنی یەكێتیی نیشتمانی كوردستان
كتێبی (رابەری رۆژنامەگەریی نهێنی یەكێتیی نیشتمانی كوردستان 1975-1991)، لە ئامادەكردنی نەوزاد عەلی ئەحمەدو ساڵی 2014 لەسەر ئەركی رۆژنامەی كوردستانی نوێ‌ لە چاپخانەی شەهید ئازاد هەورامی چاپكراوە.
ئەم كتێبە سەرجەم ئەو بڵاوكراوانە لەخۆدەگرێت و ناساندنی بۆ كراوە، كە لەنێوان ساڵانی 1975 – 1991 لەلایەن دەزگا جیاجیاكانی یەكێتی-ەوە بە نهێنی چاپكراون كە مێژووی رۆژنامەگەری یەكێتییە.. كە بە بڵاوكراوە (الشرارە) و (رێبازی نوێ‌) دەستپێدەكان و بە گۆڤاری رەنگاڵە كۆتایی دێت.

مام جەلال بیبلیۆگرافیاو پێڕستی لە كتێبی كوردیدا
كتێبی (مام جەلال بیبلیۆگرافیا و پێڕستی لە كتێبی كوردیدا 1964-2010)، كە لە ئامادەكردنی بوار نوورەدین ەو چاپی یەكەمی لە چاپخانەی پیرەمێرد لە سلێمانی كراوەو لە بڵاوكراوەكانی رۆژنامەی كوردستانی نوێ-یە.
ئەم بیبلیۆگرافیایە بەسەر پێنج بەش دابەشكراوە:
بیبلیۆگرافیای یەكەم: كتێبەكانی مام جەلال 1964-2010، بیبلیۆگرافیای دووەم: چاوپێكەوتنەكانی مام جەلال 1998-209، بیبلیۆگرافیای سێیەم: كتێبی نووسراوی راستەوخۆ لەبارەی مام جەلال-ەوە 1995-2009، بیبلیۆگرافیای چوارەم: نووسینەكانی مام جەلال لە كتێبی كوردیدا 1989-2010، بیبلیۆگرافیای پێنجەم: نووسین لەبارەی مام جەلال-ەوە لە ناوەڕۆكی كتێبی كوردیدا 1993-2010.

راگەیاندنی یەكێتی نیشتمانیی كوردستان
كتێبی (راگەیاندنی یەكێتی نیشتمانیی كوردستان 1976-2008)، د. ئەمیر نامیق عەبدوڵڵا، لە بڵاوكراوەكانی رۆژنامەی كوردستانی نوێ-یەو لە چاپخانەی شەهید ئازاد هەورامی چاپكراوە.
ئەم كتێبە بەسەر چەند بەشێك دابەشكراوە، كە كورتەی نامەی ماستەری نووسەرە، كە بە عەرەبی نووسراوەو كورتەیەكی بەكوردی نووسراوە، كە لەدووتوێی ئەم كتێبە خراوەتە ڕوو.
بەشێكی بۆ سەرەتاكانی دامەزراندنی یەكێتی نیشتمانیی كوردستان و گەشەكردنی تەرخانكراوە، هەروەها باس لە رۆژنامەو چاپەمەنییەكان دەكات، لەگەڵ ئێزگەی كوردی و دەنگی گەلی كوردستان، لەگەڵ سەرجەم تەلەفزیۆنە ئاسمانی و لۆكاڵییەكانی یەكێتیی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

کورتە مێژووی جوولەکەکانی کوردستان

270لاپەڕەدا کتێبی (کورتە مێژووی جوولەکەکانی کوردستان) نووسینی (بەرزان ئەحمەد کوردە)، ...