سەرەکی » وەرزش » به‌شداری یه‌كه‌م پاڵه‌وانێتی ئه‌دیلایدی نێوده‌وڵه‌تی ده‌كات

به‌شداری یه‌كه‌م پاڵه‌وانێتی ئه‌دیلایدی نێوده‌وڵه‌تی ده‌كات

رێكخه‌رانی پاڵه‌وانێتی تێنسی سه‌رزه‌وی ئه‌دیلایدی نێوده‌وڵه‌تی رایانگه‌یاند سیمۆنا هالیپی رۆمانی له‌سه‌رو ئه‌و ئه‌ستێرانه‌ ده‌بێت به‌شداری له‌ پاڵه‌وانێتییه‌كه‌ ده‌كات كه‌ بۆ یه‌كه‌م جار سه‌ره‌تای ساڵی داهاتوو به‌ڕێوه‌ده‌چێت.
پاڵه‌وانێتی ئه‌دیلاید كه‌ بۆ ئاستی كوڕان و كچان به‌ڕێوه‌ده‌چێت جێگه‌ی‌ پاڵه‌وانێتی سیدنی ده‌گرێته‌وه‌ كه‌ له‌ رۆژنامه‌ی یه‌كێتی نێوده‌وڵه‌تی تێنسی سه‌رزه‌وی نه‌ما بۆ ئه‌وه‌ی‌ رێگه‌ی‌ بۆ به‌ڕێوه‌چوونی جامی یه‌كێتی نێوده‌وڵه‌تی تێنسی سه‌رزه‌وی خۆشبكات كه‌ بۆ یه‌كه‌م جار ئه‌نجام ده‌درێت.
یه‌كێتیه‌كه‌ رایگه‌یاند كه‌ سیدنی میوانداری یارییه‌كانی چوونه‌ ده‌ره‌وه‌ به‌یه‌ك شكست و یاری كۆتایی ده‌كات و یارییه‌كانی قۆناغی یه‌كه‌میش له‌ یاریگاكانی پاڵه‌وانێتی پێرس ده‌كرێن.
هالیپی چواره‌می ریزبه‌ندی جیهانیش بڕیاری داوه‌ به‌شداری له‌ یه‌كه‌م پاڵه‌وانێتی ئه‌دیلاید بكات كه‌ له‌نێوان رۆژانی 12 بۆ 18ی 1 به‌ڕێوه‌ده‌چێت و دواین ئاماده‌كاری ده‌بێت بۆ گراندسلامی ئوسترالیا هۆكاره‌كه‌شی بۆ خۆشه‌ویستی بۆ ئه‌و شاره‌ گه‌ڕاندۆته‌وه‌.
له‌و باره‌یه‌وه‌ وتی: كاتێك زانیم ئه‌و پاڵه‌وانێتیه‌كه‌ بۆ یه‌كه‌م جار ده‌كرێت به‌خۆمم وت به‌دڵنیاییه‌وه‌ به‌شداری ده‌كه‌م، ده‌مه‌وێت بگه‌ڕێمه‌وه‌ ئه‌دیلاید چونكه‌ ئه‌و شاره‌م زۆر خۆ شده‌وێت و یادگاری خۆشم تیایدا هه‌یه‌.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*