سەرەکی » مانشێت » پیرۆزبایی بۆ هاوسەرۆكانی (پەیەدە)

پیرۆزبایی بۆ هاوسەرۆكانی (پەیەدە)

كۆسرەت رەسوڵ پیرۆزبایی
لە هاوسەرۆكانی پەیەدە دەكات

هەڤاڵان عائیشە حەسۆ و ئەنوەر موسلیم
بەبۆنەی كۆتایی هاتنی هەشتەمین كۆنگرەی پارتی یەكێتیی دیموكرات (پەیەدە) و هەڵبژاردنتان وەك هاوسەرۆك، پیرۆزبایی گەرمی خۆمتان ئاراستە دەكەم و هیواخوازم سەركەوتوو بن لە كارەكانتان.
‎ئەنجامدانی هەشتەمین كۆنگرەی پارتەكەتان هاوكاتە لەگەڵ دۆخی نەخوازراوی سوریا و رۆژئاوا، بە تایبەت كە هێشتا تیرۆریستان مەترسی گەورەن بۆ سەر جیهان بەگشتی و ناوچەكە بەتایبەتی، بۆیە ئەركە لەسەر هەموومان بەرەنگاری تیرۆریستان ببینەوە و بە هاوكاری هاوپەیمانان هەوڵی كۆتایی هێنانیان بدەین و لەپاڵ ئەوەشدا بەشێوەیەكی ئاشتییانە و دیموكراسی مافەكانی گەلەكەمان بەدەست بێنین.
‎جارێكی تر پیرۆزبایی گەرمی خۆم ئاراستەی ئێوە و ئەندام و لایەنگرانتان دەكەم و دووپاتی دەكەینەوە كە وەك یەكێتیی نیشتمانیی كوردستان پەرە بە پەیوەندییەكانمان دەدەین لەگەڵ سەرجەم هێز و لایەنە سیاسییەكان و خەبات دەكەین لەپێناو پاراستنی دەستكەوتەكانمان و گەیشتن بە مافە رەواكانی گەلەكەمان.

كۆسرەت رەسوڵ عەلی
‎سەرۆكی ئەنجومەنی باڵای سیاسی و بەرژەوەندی
یەكێتیی نیشتمانیی كوردستان

پیرۆزبایی بۆ هاوسەرۆكانی (پەیەدە)

قادر عەزیز: هیوادارم ئەم قۆناغە گرنگەش بەسەركەوتوویی تێپەڕێنن

بۆ هاوسەرۆكانی پارتی یەكێتیی دیموكرات (پەیەدە)
‎بەڕێزان: عائیشە حەسۆ و ئەنوەر موسلیم
بەبۆنەی بە سەركەوتوویی كۆتاییهاتنی هەشتەمین كۆنگرەی پارتە تێكۆشەرەكەتان، پارتی یەكێتیی دیموكرات (پەیەدە)، هەڵبژاردنی هاوسەرۆكان‌ و دەستەیەكی نوێ بۆ سەركردایەتی، لەناخی دڵمەوە پیرۆزباییتان لێدەكەم‌.
بەستنی كۆنگرەكەتان و هەڵبژاردنتان بە هاوسەرۆكی پەیەدە لە قۆناغێكی گرنگ و دۆخێكی هەستیاردایە لە رۆژئاڤای كوردستان، هیوادارم ئەم قۆناغە گرنگەش بەسەركەوتوویی تێپەڕێنن و دەستكەوتەكان لە رۆژئاڤای كوردستان زیاتر بچەسپێنرێن، وەك هەمیشەش لە باشووری كوردستان خەڵك ‌و هێزە سیاسییەكان لە سەرووی هەمووشیانەوە یەكێتیی نیشتمانیی كوردستان پشتگیر و پشتیوانتان دەبێت ‌و بەندەش لە پاڵپشتیكردنی خەباتە رەواكەتان بەردەوام دەبم.
‎جارێكی تریش پیرۆزبایی سەركەوتنی كۆنگرەكەتان لێدەكەم.

قادر عەزیز
‎ئەندامی ئەنجومەنی سەركردایەتیی ی.ن.ك

شاناز ئیبراهیم ئەحمەد: هیوادارم سەركەوتوو بن لە پێشخستنی ئەزموونی رۆژئاڤادا

بۆ بەڕێزان
هەڤاڵ عائیشە حەسۆ و هەڤاڵ ئەنوەر موسلیم
هاوسەرۆكانی پارتی یەكێتیی دیموكراتیك (PYD)
بەبۆنەی كۆتاییهاتنی كۆنگرەی هەشتەمی پارتەكەتان و هەڵبژاردنتان بۆ هاوسەرۆكایەتی پەیەدە، گەرمترین پیرۆزباییتان ئاڕاستە دەكەم.
پەیەدە هێزێكی كوردستانی و نەتەوەیی و دیموكراتی و رۆڵی سەرەكی و كاریگەری هەیە لە رۆژئاوای كوردستان، هیوادارم سەركەوتوو بن لە پتەوتركردن و پێشخستنی ئەو ئەزموونەی لە رۆژئاوای كوردستان و باكووری سوریا بەدیهاتووە و ئومێدی ئایندەیەكی گەشتر بۆ گەلەكەمان لەو بەشەی نیشتمانەكەمان دەخوازم.
هەمیشە سەركەوتوو و سەرفراز بن

شاناز ئیبراهیم ئەحمەد

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*