سەرەکی » دۆسێ » سوپای سوریا ناوچەكانی ژێر دەسەڵاتی ״بەرەی نوسرە״ كۆنترۆڵ دەكات

سوپای سوریا ناوچەكانی ژێر دەسەڵاتی ״بەرەی نوسرە״ كۆنترۆڵ دەكات

سوپای سوریا لە شەوی 14ی ئایاری 2019، دەستیكرد بە هێرشكردنە سەر هێڵەكانی پێشەوەی رێكخراوی «بەرەی نوسرە» لە شارۆچكەی حوێز لە ریفی باكووری خۆرئاوای حەمما.
بەپێی تۆمارێكی ڤیدیۆیی كە لەلایەن ئاژانسی (سپۆتنیك)ی روسییەوە دەستەبەركراوە، هێڵەكانی پێشەوەی بەرەی شەڕ دەردەكەوێت كە تێیدا هێزە حكومییەكانی سوری هێرش دەكەنە سەر سەنگەرەكانی رێكخراوی بەرەی نوسرە و هاوپەیمانەكانی لە دەوروبەری شارۆچكەی حوێز.
سەرلەئێوارەی 14ی ئایاری 2019، عەلی تەها فەر اندەی یەكێك لەو هێزانەی هێرشیان كردبوو كە لەژێر فەرمانی عەمید سوهێل حەسەن ناسراو بە «نمر»دایە، ڕایگەیاندبوو، دەستكرا بە ئۆپەراسیۆنی سەربازی بۆ رزگاركردنی حوێز و گوندەكانی تری سەر بە شارۆچكەكە لە میحوەری باكووری خۆرئاوای پارێزگای حەمما.
بە گوتەی تەها كە لە ڤیدیۆكەدا دەردەكەوێت، لەماوەیەكی كەمدا حوێز كۆنترۆڵ دەكەن.
پێشتر سوپای سوریا، شارۆچكەكانی حەمرا و فڕۆكەخانەی شراعی و زەراعی لە دەشتایی غاب لە ریفی باكووری حەمما كۆنترۆڵكردبوو.
عەقید یونس محەمەد، یەكێك لە فەرماندەكانی هێزەكەی (نمر) لەكاتی پرۆسەی كۆنترۆڵكردنەوەی حەمڕا بە (سپۆتنیك)ی رایگەیاندبوو»سوپا بەرەو (شاری حوێز و ئەو دیو حوێز..) دەچێت كە بە عەمباری سەرەكی چەكدارانی بەرەی نوسرە دادەنرێت لە ریفی باكووری خۆرئاوای حەمما».
هێزەكانی سوپای سوریا لە بەرەبەیانی 6ی ئایاری 2019وە، ئۆپەراسیۆنێكی سەربازییان لە ریفی باكووری حەمما دەستپێكردبوو، پەیامنێری ئاژانسی (سپۆتنیك)ی روسی لە زاری سەرچاوەیەكی سەربازی سوریاوە بڵاویكردبۆوە، سوپای سوریا لە پێگەی وەڵامدانەوەی گێچەڵپێكردنی چەكدارانی گروپە تیرۆریستییەكان و دەستدرێژییەكانیاندا نامێنێتەوە، بۆیە دەستكرن بە ئۆپەراسیۆنی پاككردنەوەی ناوچەی لەچەك داماڵدراو، وەك قۆناغی یەكەم بۆتە پێویستییەكی گرنگ و ناكرێت دوابخرێت.
«هەیئەی تەحریری شام» كە رووكاری ئێستای بەرەی نوسرەی سەر بە رێكخراوی تیرۆریستی قاعیدەیە، دەستیگرتووە بەسەر زۆربەی شار و شارۆچكەكان لە پارێزگای ئیدلیب.
لەگەڵ هەیئەی تەحریری شام «بەرەی نوسرە»، گروپە تیرۆریستییەكانی تری وەك «حراس الدین» و حزبی ئیسلامی توركستانی (چینی) و (أنصار التوحید) كە بەیعەتی بە داعش داوە، لەگەڵ گروپە تیرۆیستییە بیانییەكانی تردا، لە ریفی باكووری حەمما و باكووری خۆرهەڵاتی لازقیە بڵابوونەتەوە و هەر ناوچەیەك بە جێگەی هەژموونی گروپێك دادەنرێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دۆزینه‌وه‌ی رۆژی به‌ قه‌زابوونی شاری چـۆمان

محه‌ممه‌د گه‌لاڵه‌یی* له‌ زۆر لێكۆڵینه‌وه‌ی مێژوویدا، كه‌ له‌سه‌ر ناوچه‌ی باڵه‌كایه‌تی ...