سەرەکی » وەرزش » پاڵاوتنی هەڵبژاردەكانی كیشوەری ئاسیا بەرەو مۆندیال و جامی وڵاتانی ئاسیا

پاڵاوتنی هەڵبژاردەكانی كیشوەری ئاسیا بەرەو مۆندیال و جامی وڵاتانی ئاسیا

یارییەكانی پاڵاوتنی هەڵبژاردەكانی كیشوەری ئاسیا بۆ گەیشتن بە مۆندیالی قەتەر – 2022 و جامی وڵاتانی ئاسیا – 2023 بەردەوامن و یارییەكانیش بەرەو كۆتایی هەنگاو دەنێن.

ئەم پاڵاوتنە دوو پاڵاوتنە لە یەك پاڵاوتندا، یەكەمیان بۆ گەیشتنە بە مۆندیالی قەتەر – 2022 و دووەمیش بۆ جامی وڵاتانی ئاسیا –2023- كە چین میوانداریی دەكات.

یەكەم و دووەم قۆناغی پاڵاوتنەكان كۆتاییانهاتووە، لە قۆناغی دووەمدا 40 هەڵبژاردەی كیشوەری ئاسیا بەشدار بوون، بەسەر 8 گروپدا دابەشكران (هەر گروپەی 5 هەڵبژاردە) بوون، لە قۆناغی دووەمەوە 12 هەڵبژاردەی ئاسیا گەیشتنە قۆناغی سێیەمی یارییەكانی پاڵاوتن بەمشێوەیە:

*یەكەمی هەر هەشت گروپەكان (سوریا، ئوستورالیا، ئیران، سعودیە، قەتەر، ژاپۆن، ئیمارات، كۆریای باشوور).

*باشترین چوار دووەمی گروپەكان (عیراق، عومان، ڤێتنام، لوبنان).

*كۆی هەڵبژاردەكان بوو بە 12 هەڵبژاردە.

*ئەم 12 هەڵبژاردەیە و چینی وڵاتی میوانداریكەر، راستەوخۆ گەیشتوونەتە دوا یارییەكانی جامی وڵاتانی ئاسیا 2023 – چین.
جامی وڵاتانی ئاسیا – 2023

*لە جامی وڵاتانی ئاسیادا 24 هەڵبژاردە بەشداریی دەكەن، 12 یان یەكەم و باشترین چوار دووەمی هەر هەشت گروپەكانی قۆناغی دووەمی پاڵاوتنەكان و چینی وڵاتی میوانداریكەرە.

دواتر سەرجەم هەڵبژاردەكانی تری گروپەكان (ئەو چوار دووەمەی بۆ قۆناغی سێیەم سەرنەكەوتوون لەگەڵ سەرجەم سێیەم تا پێنجەمی گروپەكان) بە پاڵاوتنێكی تر 11 هەڵبژاردەی تریان دچنە پاڵ 12 هەڵبژاردەكەی پێشوو لەگەڵ چینی وڵاتی میوانداریكەر 24 هەڵبژاردەكەی جامی وڵاتانی ئاسیا تەواو دەکەن.

پاڵاوتنەكان بەرەو قەتەر – 2022

*سەبارەت بە پاڵاوتنیش بۆ مۆندیالی قەتەر – 2022، ئەو 12 هەڵبژاردەیەی بۆ قۆناغی سێیەم سەركەوتوون، لە قۆناغی سێیەم و كۆتاییدا جارێكی تر بەسەر دوو گروپی نوێدا دابەشكرانەوە (هەر گروپەی 6 هەڵبژاردە).

گروپی یەكەم؛ عیراق، ئیمارات، لوبنان، ئیران، سوریا، كۆیای باشوور.

گروپی دووەم؛ چین، سعودیە، ڤێتنام، ژاپۆن، عومان، ئوستورالیا.

*یەكەم و دووەمی هەردوو گروپەكە راستەوخۆ دەگەنە مۆندیال.

*دوو سێیەمەكەش هیوایەكیان دەمێنێت بەوەی دوو یاریی یەكلا كەرەوە دەكەن و براوەكەیان بەشداریی پاشكۆی پاڵاوتنی مۆندیال دەكات.

یارییەكان
یارییەكانی ئەم قۆناغەش مانگی سێپتەمبەر 9/2021 دەستپێدەكەن و یەكەم جەولەی یارییەكانیش 2/9/2021 بەمشێوەیە دەبن:

گروپی یەكەم
*ئێران ×سوریا.
*كۆریای باشوور ×عیراق.
*ئیمارات ×لوبنان.

گروپی دووەم
*ژاپۆن ×عومان.
*ئوستورالیا ×چین.
*سعودیە ×ڤێتنام.

 84 جار بینراوە