سەرەکی » زانست » WHO هۆشداری دەدات لە بەکارهێنانی ژەمی سێیەمی ڤاکسینی کۆرۆناپەڕە 27

WHO هۆشداری دەدات لە بەکارهێنانی ژەمی سێیەمی ڤاکسینی کۆرۆنا

ئا: ئالان رەئوف

رێكخراوی تەندروستی جیهانیی رەخنە لەو وڵاتە دەوڵەمەندانە دەگرێت كە پلانیان هەیە ژەمی سێیەمی ڤاكسینی كۆرۆنا بۆ هاووڵاتیانیان دابین بكەن لەكاتێكدا هەندێك لە وڵاتە هەژارەكان نەیانتوانیوە وەك پێویست ژەمی یەكەمی ڤاكسینی كۆرۆنا بۆ هاووڵاتیانیان دابین بكەن.

ئەم هەڵوێستەی رێكخراوی تەندروستی جیهانیی لەكاتێكدا هاتە ئاراوە كە ویلایەتە یەكگرتووەكانی ئەمریكا مژدەی خۆئامادەكردنی بەو هاوڵاتیانەی خۆیدا كە 2 ژەمیان وەرگرتووە‌و ئامادەبن بۆ وەرگرتنی ژەمی سێیەم بەمەبەستی بەرزكردنەوەی بەرگری لەش و باشتر كۆنترۆڵكردنی پەتاكە.

رێكخراوی ناوبراو ئاماژەی بەوەش داوە كە هیچ توێژینەوەیەكی زانستی‌و پزیشكی لە ئێستادا نییە كە وەرگرتنی ژەمی سێیەم بە پێویست بزانێت. رێكخراوی تەندروستی جیهانیی ئامادەكاری وڵاتان بۆ هاووڵاتیانیان بۆ وەرگرتنی ژەمی سێیەم بە كارێكی ناڕەوا‌و بێ ئاكار ناودەبات.

bbc

 

 126 جار بینراوە