سەرەکی » هەمەڕەنگ » كۆڕێك بۆ چوار بەرهەمی گەشەپێدانی بیرو هۆشیاری

كۆڕێك بۆ چوار بەرهەمی گەشەپێدانی بیرو هۆشیاری

لە چوارچێوەی چالاكیی رووناكبیریی هاوبەشی نێوان مەكتەبی راگەیاندن و مەكتەبی گەشەپێدانی بیرو هۆشیاریی پاش نیوەڕۆی دوێنێ‌ 12/9/2021، كۆڕێك بۆ خستنەڕوو و قسەو باس سەبارەت بە چوار بەرهەمی چاپكراوی نوێی مەكتەبی گەشەپێدانی بیرو هۆشیاریی بەڕێوەچوو.

لە كۆڕەكەدا جگە لە ژمارەیەك لە بەرپرسان و رووناكبیران وەك میوان ئامادەی بوون، ژمارەیەكیش لە ئەندامان و كادرانی هەردوو مەكتەب بەشداربوون.

لەو بارەیەوە هەریەك لە نووسەران و ئامادەكارانی كتێبەكان هەڤاڵان عادل عەلی، شاناز هیرانی، بورهان حاجی سلێمان، رێكەوت ئیسماعیل پووختەیەكیان سەبارەت بە ناوەڕۆكی كتێبەكان و ئامانجیان لە نووسین یان وەرگێڕانەكانیانەوە خستەڕوو.

دوای ئەو ماوەیەش كە بۆ ئەو هەڤاڵانە تەرخان كرابوو، ژمارەیەك لە ئامادەبووانی كۆڕەكە بەپرسیار و گفتوگۆی تێروتەسەل كۆڕەكەیان دەوڵەمەندتر كرد، كۆڕەكەش لەلایەن هەڤاڵ رەنگین عەبدوڵڵا ئەندامی مەكتەبی راگەیاندنەوە بەڕێوە برا.

 77 جار بینراوە