سەرەکی » وتار » شێرزاد شێخانی » جگجگانێ و پەلیكانێ

هەولێریات

جگجگانێ و پەلیكانێ

لەزەمانی مەدا مندار لەزۆر شتی دونیا مەحروم بو، ئەوێ ساران وەكی ئێستا نەبو مندار حەمو شتەكی هەبی، باوەڕم پێبكەن هەر مندارەك لەمندارەكانم بایی پارەی یەك سەیارەی ئێستا لەعابەم لۆیان كڕییە..هەر لەسەیارەی كۆنترۆل و پاسكیل، لۆ ئەتاریو پلای ستیەیشن، حەتا گەیشتە مۆبایلو ئای پاد..
لەزەمانی مەدا یاریەكانیش وەكی خۆمان سادەو ساكار بون.. سەیارەی بەتێل دروست كرای كە سوكانەكی درێژیان لۆ دەكردو لەدوكانی چەخماخچیەكانی ناو قەیسەری دەیانفرۆشت.. لەناو نەجارانیش دار پەلیكیان دروست دەكردو پەلیكانێمان پێدەكرد. لەدوكانی گەڕەكەكانیش كەلای رەنگاو رەنگو دەزدەقانێ لەناو  قتویەكی شوشە دایاندەناو قلی بەیەك فلس بو، كەلا بەردیش بەخۆمان دروستمان دەكرد، بەردەكی خڕمان دەدیتەوەو بە پارچە ئاسنەكی یان مەوردەك وردە وردە دەمانكوتا تا خڕ بی.. ئەوجا لە كۆران گەمەمان پێدەكرد، هەندەك كوڕی جاحێرو حەتا پیاویش لەسەر ساحەیەكی بەتاری سەر شێست مەتری كەلایانێیان دەكرد.
هەندەكجاریش دەچوینە قەسابخانەكەی كن قەبرستانی چراخ لەوێ دەگەڕاین  لەدو جگ ، كە وابزانم لە جومگەی حەیوانە سەربڕایەكان دەمایەوەو ئەمەش دەچوین خڕمان دەكردنەوەو پاگژمان دەكرد و گەمەی نیشانە شكێنیمان پێدەكرد.هەندەكجاریش دەچوینە دەشتاییەكانی دووری شارو لەوی بەردی پانمان دەدیتەوەو ساپ ساپێنمان پێدەكرد، ئەویش تێگرتنی بەرد بە یەكتری، ئەوجا لەدەشتەوە بەڕاوە بەردی یەكدی دەهاتینەوە مارێ.
هەندەكجار گەمەی جەرول حەبلیشمان دەكرد بەتایبەتیش لە گێژنان لەبن لەیلوگان سیفۆن پەیدا دەبو و بوتڵەكانمان بەحەمو هێزمان رادەوشاندو سەرە قەپاغەكەمان دەركردەوەو ئاوەكەی دەرژایە سەر عەردی ئەوەی ئاوەكەی زۆرتر برۆیشتبایە ئەو دەیبردەوە.
جەرول حەبلیش قەپاغی هەردوك بوتڵی سیفۆن یا كۆكایەكمان لەیەكدی گییر دەكرد ‌و ئەوەی قەپاغی بوتڵەكەی زووتر بكرابایە ئەو دەیدۆراند دەبایە پارەی هەردو بوتڵەكە بدات.
هەر لەوێش هەندەكجار رەسم رەسمانێمان دەكرد كە كارتۆنەك بو رەسمی مومەسیلی ئەمریكی وهیندی لەسەر تەبع كرابو بەمەقەس لێمان دەكردنەوە و هەر یەكەو رەقەمەكی لەسەر بو گەمەمان پێدەكردن.
لەولاشەوە هەندەك پیاوو كوڕی گەورە لەپشت كێلی قەبرەكان خڕ دەبونەوە بیستو یەكیان دەكرد.
ئەو كوڕانەی هەندەك هەرزەش بون دەچونە گازینۆ عەبۆو  گازینۆ سیروان لەوێ بلیاردیان دەكرد.
لۆ كچەكانیش عەینەن شت گەمەكانیان وەكی خۆیان جوانو ناسك بون.. دوو سێ كچی گەڕەك بازبازێنیان لەسەر حەبل دەكرد، یان خڕ دەبونەوە چار پێنجەكیان گەمەی پێنج بەردەیان دەكرد، هەر پێنج بەردەكەیان لەناو لەپی دادەناو یەكیان هەردەدایە عاسمانو پێش بەربونەوەی دەبایە هەر چار بەردەكە  لەسەر عەردی راخەنو دوایی هەرگرنەوە.
ئەوە حەمو یاریو گەمەكانی ئەو سەردەمەی مە بون، مندار لەوپەڕی بەرائەتو جوانیدا بون، حەتا رۆژی قییامەت ئەو بەرائەتەی مندارو ژنو پیاوی ئەو سەردەمە بەچاوی خۆمان نابینینەوە.. زەمانەكی سادە و پڕ لەخۆشەویستی، زەمانەكی پڕ بەرائەتو جوانی، زەمانەكی پڕ وەفاو مەڕحەمەت، زەمانەكی پڕ لەراستگۆیی و برادەرایەتیو جیرانەتی راستەقینە..
ئەو زەمانی حەمو گەمەكانمان جەماعی بون، كەلایانێ، پەلیكانێ، جگجگانێ حەبل حەبلانێ، ئێستاش حەمو گەمەی منداران تاكو تەنیاییە، لەمارەكیدا شەش منداریشت هەبی هەریەكەو لە سوچەك دانیشتیەو مۆبایلەك یان ئاپیادەكی لەدەستیە خەریكی یارییە و ئاگای لەو خوشكو برای تەنیشتی نەمایە، چویتە ناو دونیایەك معامەلە لەگەر ئالەت دەكا. ئاخر لۆیە ئەو زەمانە زفتەمان توشهات كە براو خۆشك پاش سارونیوەك ئەوجا بەبیری یەكدی دێنەوەو بەنادرییەوە تەلەفۆنەكی لۆ دەكا لۆ ئەحوال پرسین.. وازم لێبینن با بەیادەوەری ئەو رۆژە خۆشانەوە لەخەیاردابم، ئێوەش باقی وەلسەلام..
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

فه‌وازیری‌ ره‌مه‌زان

وه‌كی‌ له‌حه‌لقه‌یه‌كی‌ پێشتردا باسم كردیه‌ كه‌وا له‌مانگی‌ ره‌مه‌زاندا لۆ راگرتنی‌ ...