سەرەکی » مانشێت » نه‌وه‌ی‌ پێنجه‌م، شۆڕشی‌ راسته‌قینه‌یه‌ یان ته‌نیا پێشكه‌وتنه‌؟

نه‌وه‌ی‌ پێنجه‌م، شۆڕشی‌ راسته‌قینه‌یه‌ یان ته‌نیا پێشكه‌وتنه‌؟

بۆب ئۆدۆنێل

نه‌وه‌ی‌ پێنجه‌می‌ بواری‌ په‌یوه‌ندیكردن واته‌ فایف جی‌ خه‌ریكه‌ له‌ ده‌رگامان ده‌دات‌و ته‌نیا چه‌ند مانگێكی‌ ماوه‌ له‌ هه‌ندێك وڵات بكه‌وێته‌ بواری‌ جێبه‌جێ كردنه‌وه‌، كه‌ ده‌ڵێین چه‌ند مانگێك واته‌ بكه‌وێته‌ كۆتایی ئه‌م ساڵه‌وه‌، یان سه‌ره‌تای‌ ساڵی‌ داهاتوو. هه‌رچه‌نده‌ نه‌وه‌ی‌ پێنجه‌م بڕیاره‌ لایه‌نی‌ باشه‌ی‌ زۆر پێبێت، به‌ڵام زۆر له‌ چاودێران پێیان وایه‌ نه‌وه‌ی‌ پێنجه‌میش ته‌نها پێشكه‌وتنێكه‌ له‌ بواری‌ ته‌كنۆلۆژیای‌ گه‌یاندندا‌و ناگاته‌ ئاستی‌ ئه‌وه‌ی‌ پێی‌ بوترێ شۆڕش، هه‌ڵبه‌ت ئه‌گه‌ر به‌راوردێكی‌ سه‌رتاپاگیری‌ بكه‌ین له‌گه‌ڵ نه‌وه‌ی‌ چواره‌مدا واته‌ فۆر جی‌.
توێژینه‌وه‌‌و لێكۆڵینه‌وه‌ زۆر كراوه‌ له‌سه‌ر بواری‌ ته‌كنۆلۆژیای‌ نوێی‌ گه‌یاندن‌و تیایاندا ئاماژه‌ به‌وه‌ كراوه‌ كه‌ ته‌كنۆلۆژیای‌ نه‌وه‌ی‌ پێنجه‌م تایبه‌تمه‌ندی‌‌و لایه‌نی‌ باشه‌‌و سوودی‌ زۆره‌، ئه‌و توێژینه‌وانه‌ تیشك ده‌خه‌نه‌ سه‌ر لایه‌نه‌ گرنگه‌كانی‌ ئه‌و ته‌كۆلۆژیایه‌، هه‌ندێك كه‌س له‌و باره‌یه‌وه‌ ده‌ڵێن، هه‌رچه‌نده‌ نه‌وه‌ی‌ پێنجه‌م تایبه‌تمه‌ندی‌‌و ته‌كنیكی‌ زۆر تازه‌ی‌ تێدایه‌، به‌ڵام له‌گه‌ڵ ئه‌وه‌شدا، به‌ڵام پێی‌ ناوترێ شۆڕشی‌ گۆڕانكاری‌ له‌به‌ر ئه‌وه‌ی‌ نه‌یتوانیوه‌ له‌ پێشكه‌وتندا به‌سه‌ر نه‌وه‌ی‌ چواره‌مدا سه‌ر بكه‌وێت‌و ته‌نها هه‌ندێك سیفاتی‌ تازه‌ی‌ هه‌یه‌ ئه‌و سیفاتانه‌ش جه‌وهه‌ری‌ نین، هه‌ر ئه‌و ره‌خنه‌گرانه‌ ئاماژه‌ بۆ ئه‌وه‌ش ده‌كه‌ن، دوای‌ هاتنی‌ نه‌وه‌ی‌ پێنجه‌میش، نه‌وه‌ی‌ چواره‌می‌ ته‌كنۆلۆژیای‌ گه‌یاندن هه‌ر ده‌مێنێت‌و بۆ ماوه‌ی‌ چه‌ند ساڵێكی‌ تریش كاری‌ پێده‌كرێت. له‌به‌رامبه‌ردا هه‌ندێك كه‌سی‌ تر ده‌ڵێن، ده‌كرێ بڵێین نه‌وه‌ی‌ پێنجه‌م شۆڕشی‌ به‌رپا كردووه‌، له‌به‌ر ئه‌وه‌ی‌ هه‌ندێك ته‌كنیكی‌ نوێی‌ تێدایه‌ كه‌ بواری‌ ته‌كنۆلۆژیا پێشتر به‌خۆیه‌وه‌ نه‌دیوه‌.
ته‌كنۆلۆژیای‌ ئه‌مڕۆ، له‌ مۆبایلی‌ زیره‌ك‌و كۆمپیوته‌ر‌و زۆر له‌ داتاكان نه‌وه‌ی‌ چواره‌میان تێدایه‌‌و به‌كاری‌ ده‌هێنن، سوود له‌ نوێترین ته‌كنیكی‌ فۆر جی‌ وه‌رده‌گرن‌و له‌ زۆر بواریشدا ئاسانكاری‌ ده‌كات، به‌ڵام له‌ سایه‌ی‌ خێراتربوونی‌ شێوازی‌ ژیان‌و پێشكه‌وتنه‌ به‌په‌له‌كان‌و زیادبوونی‌ پشتبه‌ستن به‌ ئینته‌رنێت، ئه‌گه‌ری‌ هه‌یه‌ نه‌وه‌ی‌ پێنجه‌م بمانگه‌یه‌نێته‌ ئاستێكی‌ نوێ له‌ خێرایی، ئه‌وه‌ش له‌ بواری‌ ئینته‌رنێتدا زۆر گرنگه‌، به‌ڵام ئه‌گه‌ر ئه‌و خێراییه‌ به‌ جۆرێك بێت بۆ نموونه‌ دابه‌زاندن واته‌ داونلۆد له‌ 20 مێگابایت له‌ چركه‌یه‌كدا بگه‌یه‌نێته‌ یه‌ك گێگا له‌ چركه‌یه‌كدا، ئه‌مه‌یان به‌ راستی‌ ده‌بێته‌ جۆرێك له‌ پێشكه‌وتن كه‌ ده‌گاته‌ ئاستی‌ شۆڕش.
تۆڕه‌ ئه‌له‌كترۆنییه‌كانی‌ نه‌وه‌ی‌ چواره‌م له‌ چه‌ند ساڵی‌ كه‌می‌ رابردوودا پێشكه‌وتنی‌ به‌رچاویان به‌خۆیانه‌وه‌ بینیوه‌، چاكسازی‌‌و باشتركردنی‌ زۆریشی‌ تێدا كراوه‌، چونكه‌ ئه‌و فۆرجییه‌ی‌ ئێستا هه‌یه‌ ئه‌وه‌ی‌ ساڵی‌ پێشووتر نییه‌، به‌ڵام ئه‌گه‌ر له‌ تۆڕه‌ نوێیه‌كه‌ی‌ فایف جی‌ ورد بینه‌وه‌، ده‌بینین تایبه‌تمه‌ندییه‌كانی‌ ته‌نها له‌ خێرایی دابه‌زاندندا نییه‌، به‌ڵكو خێرایی كاردانه‌وه‌‌و وه‌ڵامدانه‌وه‌شی‌ به‌ راده‌یه‌ك به‌رزه‌ كه‌ له‌گه‌ڵ ئه‌وه‌ی‌ پێشوودا به‌راورد ناكرێت، چونكه‌ ئه‌و تۆڕه‌ی‌ ئێستا هه‌یه‌ نێوه‌نجی‌ وه‌ڵامدانه‌وه‌ی‌ بۆ راپه‌ڕاندنی‌ كاره‌كان ده‌گاته‌ 20 مللی‌ چركه‌، به‌ڵام ئه‌و رێژه‌یه‌ له‌ نه‌وه‌ی‌ نوێدا كه‌ نه‌وه‌ی‌ پێنجه‌مه‌ ته‌نیا یه‌ك مللی‌ چركه‌یه‌، (تێبینی‌: یه‌ك چركه‌ هه‌زار مللی‌ چركه‌یه‌ – وه‌رگێڕ).
ره‌نگه‌ زۆر له‌ به‌كاربه‌ران گرنگییه‌كی‌ ئه‌وتۆ نه‌ده‌ن به‌م ورده‌كارییانه‌، به‌ڵام گومانی‌ تێدا نییه‌ كه‌ ئه‌م ورده‌كارییانه‌ جێگه‌ی‌ گینگیپێدانی‌ كۆمپانیاكانی‌ بواری‌ په‌یوه‌ندی كردنن، ئه‌و كۆمپانیایانه‌ هه‌واڵ ده‌ده‌ن تۆڕ‌و ته‌كنۆلۆژیای‌ نه‌وه‌ی‌ پێنجه‌م به‌ده‌ست بهێنن، له‌به‌ر ئه‌وه‌ی‌ ئاستی‌ ركابه‌رییان به‌ره‌و پێشه‌وه‌ ده‌بات، ره‌نگه‌ ئێستا به‌كاربه‌ر زۆر به‌ په‌رۆش نه‌بێت بۆ به‌ده‌ستهێنانی‌ ئه‌م ته‌كنۆلۆژیا تازه‌یه‌، به‌ڵام كاتێك له‌سه‌ر ئه‌رزی‌ واقیع ده‌كه‌وێته‌ بواری‌ جێبه‌جێ كردنه‌وه‌، ئه‌و كات زۆر شت گۆڕانكاریی به‌سه‌ردا دێت، ئه‌و كات بوار نامێنێت بۆ به‌راورد كردنی‌ تۆڕه‌ نوێیه‌كه‌ له‌گه‌ڵ ئه‌م تۆڕه‌ی‌ كه‌ ئێستا به‌كار دێت‌و پێی‌ ده‌وترێ نه‌وه‌ی‌ چواره‌م.

الخلیج – تك أوبنیان

print

 73 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*