سەرەکی » وتار » له‌ غیابی مام جه‌لال دا

له‌ غیابی مام جه‌لال دا

سه‌ید عه‌تا

كارگه‌لێكی زۆر له‌كارترازا، له‌شاخه‌وه‌ بۆ ناوشار، له‌زاخۆوه‌ بۆ به‌سره‌، له‌ئاسمانه‌وه‌ بۆ سه‌رزه‌وی له‌ حزبه‌وه‌ بۆ حكومه‌ت، له‌ هه‌ولێره‌وه‌ بۆ به‌غدا، له‌ مالئاوایی به‌ڕێزیاندا یه‌كتر خورا، هه‌رچی غه‌در بوو كرا، ئه‌له‌كتریكی به‌غدا بوو به‌ چرا، نیگه‌رانین رۆشنبیران و ئه‌دیبان و دڵسۆزانی حزب پشتگوێ خران، حزبه‌كه‌ی مام درزی گه‌وره‌ی تێ كرا، گه‌ر بمانه‌وێت منه‌ی ئه‌و كه‌سایه‌تییه‌ سیاسی و نه‌ته‌وه‌ییانه‌ بكه‌ین، كه‌ له‌ دیرۆكی كوردستاندا رۆڵی به‌هێز و به‌رچاویان هه‌بووه‌، بۆ دروستبوونی شۆڕش و توانای به‌رخوردان، زۆرێك بوون، كاتێك ژیان له‌ئازادیدا ده‌گوزه‌را، مامه‌مان دی، ریشی بۆ سپی كردبوو، كه‌واته‌ تاوانه‌ له‌خه‌می ئه‌ودا نه‌ژین.
ده‌بێت به‌ڕۆحێكی خاوێن و بێگه‌ردی بێلایه‌نانه‌، پیره‌مێرد ئاسا به‌ویژدانه‌وه‌ باس له‌ ساته‌كانی ته‌مه‌نیان بكه‌ین، هه‌رچه‌نده‌ كوردستان له‌ مه‌یدانی شۆڕشگێڕان و قاره‌مانانی مێژوو پێگه‌یه‌كی به‌هێزی جیهانی بووه‌ بۆ ناوداران و دیپلۆماتكارانی ، هیمه‌تی ئه‌ویش هیچی كه‌مترنه‌بووه‌ له‌ ژیانه‌وه‌ی كوردستان و ‌ئازادكردنی له‌گه‌ڵ ژیانه‌وه‌ی عیراقێكی گه‌وره‌ و به‌هێزی ناوچه‌كه‌.
كه‌سایه‌تییه‌كی وه‌ك مام جه‌لال یه‌كێكی تربووه‌ له‌ كۆڵنه‌ده‌رانی ناو لاپه‌ڕه‌كانی مێژوو، ته‌نانه‌ت بۆ هه‌موو نه‌ته‌وه‌كانی تری عیراق، له‌به‌رئه‌وه‌ی رێزلێنانی بۆ نه‌ته‌وه‌كانی تری ئه‌م وڵاته‌ پڕله‌ ئازاره‌ داناوه‌، ئه‌وانیش به‌یه‌ك ده‌نگ بانگیان لێده‌كرد، تۆ بۆ هه‌مووان هه‌مووانیش بۆ تۆ، ئه‌و یه‌كگرتن و ئاشتییه‌ی گه‌ل له‌ ئه‌زمونه‌كانی تاڵه‌بانی وه‌ریگرت، وه‌ك ئه‌وه‌یه‌ دووجار ژیانه‌وه‌ بۆ وڵات گه‌ڕابێته‌وه‌، له‌و كاته‌وه‌ی له‌سه‌ر كورسی كۆماری دووره‌، درزێكی خسته‌وه‌ ناو گه‌لی عیراق ، درزێكی بچووكیش وڵاتێك، شاخێكی گه‌وره‌ هه‌ره‌س پێ ده‌هێنێت، هه‌ردوو نه‌ته‌وه‌ی كورد و عه‌ره‌ب كاتێك یه‌ژن بێوه‌فایه‌، ئێسته‌ داوای جێگره‌وه‌ی بكرێت، كه‌واته‌ تاڵه‌بانی زۆربه‌ی كێشه‌كانی كۆماری چاره‌سه‌ركردووه‌، كاریزمابوونی له‌ڕێگه‌ی رێكخستنه‌وه‌ و ‌هه‌ڵسوكه‌وته‌كانی بۆ برایه‌تی و پێكه‌ژیان بووه‌، كێی تر له‌دوای رووخانی رژێمی به‌عسه‌وه‌ توانی به‌یه‌ك چاو سه‌یری هاووڵاتیانی عیراقی فیدراڵ بكات؟ له‌سه‌ر كورسییه‌كی پڕ له‌ ئازار و ئاژاوه‌ بگیرسێته‌وه‌، هه‌موو گه‌لی عیراق به‌ كورد و عه‌ره‌ب و كه‌مایه‌تییه‌كان و مه‌زهه‌به‌كانه‌وه‌ یه‌كبخاته‌وه‌ به‌و هه‌موو ململانێ سیاسییانه‌ی ناوخۆو ده‌ره‌وه‌.
دروستكردنی زینده‌گی له‌سه‌ر زه‌وییه‌كی پڕ له‌ ژان ئاسته‌م بوو بۆی، به‌ڵام له‌ناو ئاگردانی شه‌ڕی تایفی و مه‌زهه‌بیدا خۆڕاگریی نواند، تا گه‌یشته‌ دوا لوتكه‌ی برایه‌تیی عیراقییه‌كان، له‌دوای دابڕانی، كۆچی دوایی، له‌م ماوه‌ كورته‌دا هه‌زاران هاووڵاتی بوونه‌ قوربانی نه‌زانینی سه‌ركرده‌كانی تری باشوور و دروستكردنه‌وه‌ی ده‌رده‌سه‌ریی. بۆ ئێمه‌ی كوردیش، سه‌رهه‌ڵدانی شه‌ڕی نه‌گریسی داعش كوشتنی به‌كۆمه‌ڵی كوردان و مه‌سیحییه‌كان و سوننه‌كان بوونه‌ تاوانی ره‌ش و شكاندنی شكۆی دانیشتووانی نیشتمان، هه‌وڵه‌كانی دووباره‌بوونه‌وه‌ی دیكتاتۆرییه‌ت زیاتر به‌ره‌وڕووی جه‌ماوه‌ر ده‌بێته‌وه‌.
له‌ یادی ماڵئاوایی سه‌رۆكدا، ئه‌مڕۆ ده‌یان ژن و منداڵ و به‌ساڵاچوو له‌سه‌ر شه‌قامه‌كانی به‌غداو كه‌ركوك و دیاله‌ و حلله‌ و سه‌ماوه‌ و ئه‌نبار و حه‌ویجه‌ و نه‌جه‌ف و به‌سره‌ بوونه‌ته‌ قوربانی، ده‌نگه‌ ناڕازاییه‌كانی كوردانی كه‌ركوك و ناوه‌ڕاست و باشووری كۆماره‌كه‌مان سه‌لماندی كه‌ ئه‌زموون و تواناكانی تاڵه‌بانی كێشه‌كانی ده‌وڵه‌تی چاره‌سه‌ر كردبوو، دووجار سه‌رۆك كۆماری به‌كایه‌ی له‌خۆ بورده‌یی بۆ ناوجه‌رگه‌ی ده‌سه‌ڵاتێكی پر له‌ جه‌نگه‌وه‌ بوو، هێمنی و ئارامی دابین ده‌كرا بۆ جه‌ماوه‌ر، ئه‌وه‌ هاووڵاتیانی كه‌ركوك و به‌غدان نزاو پاڕانه‌وه‌یان ئاسمانی شینی گرتووه‌، مام جه‌لال زاده‌یه‌ك بێت به‌هانایانه‌وه‌ بۆ كۆتاییهێنان به‌و نه‌هامه‌تییانه‌ی وڵاتی هه‌ژاندووه‌ و شه‌ڕی گه‌وره‌ی تایفی به‌شوێنه‌وه‌یه‌.
بۆ یه‌كه‌م جاره‌ له‌مێژووی نه‌ته‌وه‌ی كوردا له‌ مێژووی عه‌ره‌بی و جیهانیدا تۆماركرا كه‌ كوردێكی دیپلۆماتكاری خاوه‌ن ئه‌زموون پۆستی سه‌رۆك كۆماری به‌ده‌سته‌وه‌ گرتبوو، هه‌موو گه‌لی عیراقی یه‌كخست بوو، له‌دوای چه‌ندین ساڵ ململانێ و شه‌ڕی خوێناویی، سه‌رۆك كۆمار وه‌ك تێمیكی ئاگركوژینه‌وه‌ی چالاك توانی هه‌موو ساتێك ئاو بكات به‌ئاگری داخی شه‌ڕی ئه‌م وڵاته‌دا، بۆ چه‌ند ساڵێك جه‌رگی دایكانی عه‌ره‌ب نه‌قرچێ و ئارام بێت، له‌ سه‌رده‌می ده‌سه‌ڵاتدارێتیدا نه‌ته‌وه‌ی كورد و عه‌ره‌ب ئاسوده‌ ژیان ، نه‌بوونی برسێتی و قاتوقڕی یه‌خه‌ی گه‌له‌كه‌ی به‌ردابوو، له‌ دوای ماڵئاوایی جه‌نابیان نه‌ته‌وه‌كانی كه‌ركوك لێك جیابوونه‌وه‌، ئه‌و شاره‌ ئازاده‌ش داگیركرایه‌وه‌ و ته‌عریبیكی تر ده‌ستی پێكرده‌وه‌، كۆماری عیراقیش بۆ جاری سێیه‌م كرایه‌وه‌ به‌ گۆڕه‌پانی شه‌ڕ وه‌ك ئێستا ده‌بینین.
له‌كۆتایدا مافی هه‌مووانه‌ كه‌ نزای ئاسوده‌یی بۆ ڕۆحی به‌ڕێزیان بكه‌ین، ماوه‌ته‌وه‌ بڵێم به‌یه‌ك چاو سه‌یری هه‌موانت كرد، ڕۆحی شیرینت شادبێت هه‌موانیش پێكه‌وه‌ داوای ئاسوده‌ییت بۆ ده‌كه‌ین.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ترەمپ بۆ وای کرد؟

ئارام وەڵەدبەگی زۆر کەس بەسەرسوڕمانەوە لە سیاسەتی نوێی ویلایەتە یەکگرتووەکان ...