سەرەکی » وتار » بارودۆخی عیڕاق و کاریگەری لەسەر هەرێمی کوردستان

بارودۆخی عیڕاق و کاریگەری لەسەر هەرێمی کوردستان

کۆژین سدیق
ماوەی چەند ڕۆژێکە عێراق ناسەقامگیری و نائارامیەکی زۆر ڕووی تێکردووە بەهۆی ئەنجامدانی خۆپیشاندانەکانی ناوچەکانی ناوەڕاست و باشوری عێراق . لەزۆربەی شارەکان ڕووبەڕوبونەوە لەنێوان هێزە ئەمنیەکان و هاوڵاتیاندا ڕوویداو بووە هۆی شەهیدو برینداربوونی چەندین کەس لە هەردوولا، هەرچی لەیەنە سیاسیەکانە پشتیوانی خۆپیشاندەران دەکەن و بەشێکیان داوای هەڵوەشاندنەوەی پەرلەمان و حکومەت و هەڵبژاردنی پێشوەختە دەکەن، بەڵام حکومەت لەهەوڵی کۆنتڕۆڵکردنی بارودۆخەکەدایە.
تائێستا هێزە ئەمنیەکان نەیانتوانیەوە بارودۆخەکە کۆنتڕۆڵ بکه‌ن. بارودۆخەکە خەریکە بەرەو هەڵدێر دەڕوات و بەجۆرێ مەترسیداربوە کە چاوەڕوانی ڕووخاندنی ئەم کابینەیەی حکومەتی لێدەکرێت .
بەبڕوای چاودێرانی سیاسی هۆکاری خۆپیشاندان و نائارامیەکان دوانن. بەشێکیان بۆ توڕەبونی هاوڵاتیان و گەنجانی دەگێڕنەوە لەپای ئەو ژیانە دەردەسەریەی کە هەیانە کەبەدەست نەبونی خزمەتگوزاری و ئاو کارەبا و بێکاری و نەبوونی ڕێگەوبان و گەندەڵییه‌ کۆمەڵێکی تر ده‌یگێڕنه‌وه‌ بۆ دەوڵەتانی زلهێزی جیهان کە شەڕیانە لەسەر سەپاندنی هەژمونی خۆیان بە سەرعێڕاقدا کە لایەنێکیان دەیەوێت ئەم کابینەیەی ئێستا نەمێنێ و بەبیانوی لایەنگیری بۆ لایەنی بەرامبەری. بەڵام لایەنەکەی تریان دەیەوێت هەرچی کردووە کۆتایی بەخۆپیشاندانەکان بێت و ئارامی بگەڕێتەوەو ئەم کابینەی ئێستا وەک خۆی بمێنێتەوەو پارێزگاری لێدەکات .
لە هەرێمی کوردستانیش کە بەشێکە لە دەوڵەتی عێڕاق لە میدیاکان و لای هاوڵاتیانی باس وخواسی گەرمی خۆپیشاندانەکان و ئایندەی عێڕاقە کە بەرەو کوێ دەڕوات چونكه‌ کاریگەری ڕاستەوخۆی لەسەر هەرێم هەیە .هاوڵاتیان لایان وایە بە شکستهێنانی ئەم کابینەیە کە لەسەرووبەندی گفتوگۆکان بوون و تاڕادەیەکی زۆر لێکنزیک ببونەوەو بەرەو ڕێکەوتن هەنگاویان دەنا کاریگەری زۆری لەسەر ژیان گوزەرانیان دەبێت و باردودۆخی ئابوریان بەرەو خراپ دەچێ. بۆیە لەسەر لایەنە سیاسی و لایەنی حکومەتی هەرێمی کوردستان پێویستە ناوخۆی خۆیان یەکخەن و خۆیان بۆ هەموو ئەگەرەکانی ئایندەی عێراق ئامادەبکەن و ئامادە سازبن بەوەی لە ئەگەری هەڵوەشانەوەی ئەم کابینەیە بتوانن گوزەرانی هاوڵاتیان و مووچەخۆران نەگەڕێتەوە سەردەمی سێ مانگ جارێ دابەشکردن و پاشەکەوتکردنی موچەکانیان جارێكی تر سەرهەڵنه‌داتەوە، وسیستەمی ئیداری ڕێکبخەن و پڕۆسەی چاکسازی ئەنجامبدەن و بەجورئەتەوە ڕووبەڕووی گەندەڵی دەردە کوشندەکەی وڵات ببنەوە و وڵات بەرەو کەناری ئارامی ببەن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*