سەرەکی » زانست » شۆڕشێكی نوێ له‌ كایه‌ی زانستی كۆئه‌ندامی ده‌مار و مێشك

شۆڕشێكی نوێ له‌ كایه‌ی زانستی كۆئه‌ندامی ده‌مار و مێشك

په‌ره‌پێدانی مێشكی بچووك له‌خانه‌ی مرۆیی ده‌بێته‌ جێگه‌ی مشتومڕێكی ئاكاریی له‌ داهاتوویه‌كی نزیكدا.
زانایانی زانكۆی سان دیگۆ له‌ كالیفۆرنیای ئه‌مریكا له‌ تازه‌ترین كاری داهێنانیان له‌ تاقیگه‌كانی ئه‌و زانكۆیه‌ په‌ره‌یان داوه‌ به‌ چه‌ند مێشكێكی بچووك كه‌ له‌ شانه‌ی له‌شی مرۆڤه‌وه‌ دروستیان كردووه‌ .
زاناكان ده‌ڵێن» له‌گه‌ڵ ئه‌وه‌ی ڕه‌نگه‌ ئه‌و كاره‌ مشتومڕێكی ئاكاریی به‌ دوای خۆیدا بهێنێت، له‌ هه‌مان كاتدا ده‌بێته‌ شۆرشێكی نوێ له‌ بواری زانستی مێشك و ده‌ماردا، چونكه‌ ئه‌و مێشكانه‌ ده‌توانێت هه‌ست به‌ شت بكات و ڕه‌نگه‌ هه‌ست به‌ ئازاریش بكات»
ئه‌و زانایانه‌ ده‌ڵێن» ئه‌و مێشكانه‌ بریتین له‌چه‌ند دڵۆپێكی شلی شانه‌كان كه‌ له‌ قه‌ده‌ خانه‌ی مرۆڤه‌وه‌ وه‌رگیراون بۆ ئه‌وه‌ی له‌ ئه‌ندامی بچووكی مێشك بچن له‌و دۆخه‌دا و له‌ تاقیگه‌دا گه‌شه‌یان كردووه‌».
ئه‌و زانایانه‌ وتیشیان» سه‌ره‌ڕای ئه‌وه‌ی مێشكه‌كان بچوكن و ڕه‌نگه‌ هێنده‌ی ده‌نكه‌ پاقله‌یه‌كی سودانیی بن، به‌ڵام چاودێریی كراون بۆ ئه‌وه‌ی گه‌شه‌ بدات به‌ شه‌پۆله‌ مێشكییه‌ ڕاسته‌وخۆكان كه‌ زۆر جیاواز نییه‌ له‌وه‌ی له‌ مناڵی نابه‌كامدا ده‌بینرێت»ز
زاناكان ده‌شڵێن» ئه‌و مێشكه‌ بچووكانه‌ به‌ گه‌شه‌كردنێكی گرنگ داده‌نرێن له‌ بواری زانستی مێشكدا، چونكه‌ ڕێگه‌ بۆ توێژه‌ره‌وان خۆش ده‌كات كه‌ باشتر توێژینه‌وه‌ له‌ شانه‌كانی مێشك بكه‌ن كه‌ خاڵی بێت له‌ڕێگرییه‌ باوه‌كان».
ئه‌م لاساییكردنه‌وه‌یه‌ش به‌كارده‌هێنرێت بۆ پشكنینی پشێوییه‌كانی وه‌ك ئۆتیزم و كه‌سایه‌تی دوو فاقی و كاریگه‌ریی ڤایرۆسی زیكا له‌سه‌ر گه‌شه‌كردنی مێشكی كۆرپه‌له‌ له‌ منداڵدانی دایكدا، هه‌روه‌ها به‌سوودیش ده‌بێت بۆ پشكنینی نه‌خۆشییه‌كانی زهایمه‌ر و پاركینسیۆن و كه‌میی ئۆكسجین و هه‌ندێك نه‌خۆشیی چاو.
هه‌ریه‌ك له‌ (ئیلان ئۆهایۆن) به‌ڕێوه‌به‌ری تاقیگه‌ی زانسته‌كانی ده‌ماریی له‌ ساندیگۆ و هاوكاره‌كانی ئه‌وه‌یان دوپاتكرده‌وه‌ كه‌ پێویسته‌ پشكنین بكرێت بۆ ڕێگریكردن له‌وه‌ی ئه‌و مێشكانه‌ به‌رگه‌ی هه‌ستكردن به‌ ئازار بگرن و وتیان «له‌ حاڵێكدا ئه‌گه‌ری ئه‌وه‌ هه‌بوو ئه‌و مێشكه‌ بچووكانه‌ هه‌ستیار بن، ئه‌مه‌ مانای ئه‌وه‌یه‌ ئێمه‌ ده‌توانین قۆناغی یه‌كه‌م ببڕین و ناشمانه‌وێت خه‌ڵك توێژینه‌وه‌ بكات كه‌ به‌ هۆیه‌وه‌ هه‌ندێك كۆژان دروست بێت».
ئه‌و تیمه‌ی زانكۆی ساندیگۆ ئه‌وه‌شی ئاشكرا كردووه‌ كه‌ ئه‌و مێشكه‌ بچووكانه‌ی تا هه‌شت مانگ په‌ره‌ی پێدراوه‌ و گه‌شه‌ی كردووه‌، توانیویه‌تی تۆڕی ده‌ماری تایبه‌ت به‌ خۆی دروستبكات كه‌ دوایی ده‌ركه‌وت نه‌ك ته‌نها چالاكه‌، به‌ڵكو ده‌توانێت كاتێك تیشكی ده‌خرێته‌ سه‌ر كاردانه‌وه‌ی خۆی هه‌بێت.
له‌ به‌رامبه‌ر ئه‌مانه‌ هه‌موویدا(هانك گریلی)به‌رێوه‌به‌ری سه‌نته‌ری یاسایی‌و زانستی بایه‌لۆژیی له‌زانكۆی ستانفۆردی كالیفۆرنیا وتی»ئه‌و مێشكه‌ بچووكانه‌ كه‌ له‌ تاقیگه‌ په‌ره‌یان پێدراوه‌ به‌و شێوه‌یه‌ پێشكه‌وتوونین كه‌ ببێته‌ مایه‌ی وروژاندنی مه‌ترسیی ڕاسته‌قینه‌، به‌ڵام پێویسته‌ ده‌ست بكرێت به‌ دانانی بنه‌مای ئاراسته‌كراو بۆ له‌به‌رچاو گرتنی ئه‌و پێشكه‌وتنه‌ی له‌و بواره‌دا دێته‌ دی له‌ داهاتوودا .

سه‌رچاوه‌ : elaph

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*