سەرەکی » هەواڵ » ״رۆژ نییە یادی شەهیدبوونی قارەمانێكی یەكێتی نەبێت״

״رۆژ نییە یادی شەهیدبوونی قارەمانێكی یەكێتی نەبێت״

كۆسرەت رەسوڵ: یادی زیاتر لە بیست هەزار شەهیدی یەكێتی و گەلەكەمان دەكەینەوە

مەكتەبی سیاسی: یەكێتی هێزی راپەڕاندنی ئەركە سەختەكانە

كۆسرەت رەسوڵ عەلی جێگری سكرتێری گشتیی یەكێتیی نیشتمانیی كوردستان لە پەیامێكدا بۆ رۆژی شەهیدی یەكێتی، رایگەیاند: لەمڕۆژەدا یادی هەموو شەهیدانی یەكێتی دەكەینەوە، تاجەگوڵینەی ئەمەك ‌و وەفاداریی لەسەر مەزاری پیرۆزیان دادەنێین و پێیان رادەگەیەنین »هەموو رۆژێك یادی سەروەری و جوامێری و ئازایەتی ئێوە دەكەینەوە، رێگاكەتان بەرنادەین و تا بەدیهێنانی دوایین ئاوات و ئامانج، كە لە پێناویدا گیانی خۆتان بەخشی، لە خەبات بەردەوام دەبین».

ئەمڕۆ رۆژێكی پیرۆزە

لە پەیامەكەدا هاتووە «ئەمڕۆ رۆژێكی پیرۆزە لە مێژووی یەكێتی و گەلەكەمان و بزووتنەوەی رزگاریخوازیی كوردستان، بە شانازییەكی گەورەوە، یادی زیاتر لە بیست هەزار شەهیدی یەكێتی و گەلەكەمان دەكەینەوە». دەشڵێت: رۆژ نییە یاد و بیرەوەریی شەهیدبوونی قارەمانێكی یەكێتی نەبێت.

درێژەپێدانی خەبات

مەكتەبی سیاسیی یەكێتیی نیشتمانیی كوردستانیش لە بەیاننامەیەكدا بۆ رۆژی شەهیدی یەكێتی، رایگەیاند: وەفاداریی بۆ شەهیدان، درێژەپێدانی خەباتەكەیانە، پابەندبوونە بە رێبازی مام جەلال و بەستنی چوارەمین كۆنگرەی یەكێتی ‌و سەركەوتنێتی بەگیانێكی بەرزی هەڤاڵانە و پەرۆشی بۆ ئایندەی یەكێتی.
لە بەیاننامەكەدا هاتووە «لە رۆژژمێری ساڵدا، رۆژ نییە یادی شەهیدبوون و سەروەری و ئازایەتی رۆڵەیەكی یەكێتی تیانەبێت، گۆڕستان نییە بە دەیان كێلی بەرز و پیرۆزی پێشمەرگە و تێكۆشەری یەكێتی تیانەبێت». ئاماژەبەوەشدراوە «یەكێتیی نیشتمانیی كوردستان، هێزی راپەڕاندنی ئەركە سەختەكان بووە، هێزی رۆژی تەنگانەیە، بۆیە هەمیشە رۆڵەكانی لە پێشەوەی سەنگەری قوربانیدان بوونە بۆ كوردستان».

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*