سەرەکی » مانشێت » ئەنجومەنی ناوەندی: دەبێ كۆنگرە لەم مانگەدا ببەسترێت و نابێت بەهیچ شێوەیەك كۆنگرە بۆ ساڵی داهاتوو دوابخرێت

ئەنجومەنی ناوەندی: دەبێ كۆنگرە لەم مانگەدا ببەسترێت و نابێت بەهیچ شێوەیەك كۆنگرە بۆ ساڵی داهاتوو دوابخرێت

ئەنجومەنی نــاوەندی پەیامێكی لەسەر كۆنگرە بڵاوكردەوە‎
كەسوكاری سەربەرزی شەهیدان
پێشمەرگە و فەرماندە قارەمانەكان
هەڤاڵان و جەماوەری ی.ن.ك
دوای بڕیاری ئەنجومەنی سەركردایەتی بۆ ئەنجامدانی كۆنگرەی چوارەم و ئامادەكاری لایەنە پەیوەندیدارەكان و ئەنجامدانی كۆنفرانسی كۆمیتەكان و مەكتەبەكانی یەكێتی بۆ خۆئامادەكردن بۆ كەرنەڤاڵی ئەنجامدانی كۆنگرە، بۆیە هیچ پاساوێك نییە بۆ دواخستنی كۆنفرانسی مەڵبەندەكان و سەرجەم كارە تەكنیكی و هونەری و لۆجستیەكان تەواوبووە و ئەنجومەنی ناوەندی لەسەر كۆی هەنگاوەكانی ئەنجامدانی كۆنگرەش بەم شێوەی خوارەوە هەڵوێستی نەگۆڕی خۆی دووپات دەكاتەوە:
1 – دەبێ لەسەرەتای هەفتەی ئایندەدا كۆنفرانسی مەڵبەندەكان بكرێت كە هەموو ئامادەكارییەكانی بۆ كراوە.
2 – دەبێ كۆنگرە لەم مانگەدا ببەسترێت و نابێت بەهیچ شێوەیەك كۆنگرە بۆ ساڵی داهاتوو دوابخرێت.
3 – ئەگەر لەبەر بەرژەوەندیی بەرتەسكی شەخسی، یان هەر هۆكارێكی دیكەی نامەشروع كۆنگرە بۆساڵی داهاتوو دوابخرێت، ئەوا ئێمە وەك ئەنجومەنی ناوەندی بە هیچ شێوەیەك ناچینە ژێرباری ئەو بەرپرسیارێتییە مێژووییە و رێز لە ئیرادەی یەكێتییەكان دەگرین.
4 – دەستخۆشی لە مەكتەبی هەڵبژاردن و لیژنەی باڵای هەڵبژاردنەكان دەكەین كە بە شێوەیەكی دڵسۆزانە و سەركەوتووانە ئەركەكانی خۆیان جێبەجێكردووە، داوایان لێدەكەین بەردەوام بن لەسەر كارەكانی خۆیان.
5 – ئەنجومەنی ناوەندی بەهەموو شێوەیەك گشت جۆرە لیستێكی داخراو رەت دەكاتەوە و لەگەڵ پرۆسەیەكی شەفاف و دیموكراسیداین.
6 -ئەنجومەنی ناوەندی سوپاسی دڵسۆزی و پشوودرێژی سەرجەم هەڤاڵان و ئۆرگانەكانی یەكێتی دەكات كە ڕوو لە ئەنجومەنی ناوەندی دەكەن و داوای هەڵوێست و پشتگیریمان لێدەكەن .
7 – بە وردی چاودێری بەڕێوەچوونی كۆبوونەوەی سەركردایەتی (ی.ن.ك) دەكەین و هیوادارین بڕیارێكی بەرپرسیارانە بدەن لەم ساتە هەستیار و مێژووییەدا و روحیانەتی سەرۆك (مام جەلال) و سەرجەم شەهیدانی گەلەكەمان شاد بكەن.
لەگەڵ رێزدا…

ئەنجومەنی ناوەندی ی.ن.ك
4/12/2019

print

 169 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*