سەرەکی » مانشێت » سێ دەیەی كوردستانی نوێ

سێ دەیەی كوردستانی نوێ

هێرۆ ئیبراهیم ئەحمەد

كوردستانی نوێ‌ خزمەتێكی گەورەی بەكاروانی رۆژنامەگەری كردووە و ناوێكی‌ گەشی‌ ناو میدیای كوردییە

بەڕێزان، سەرنووسەر و رۆژنامەنووس و كادیر و كارمەندە دڵسۆزەكانی رۆژنامەی(كوردستانی نوێ)

سڵاوێكی گەرم..
بە بۆنەی ساڵڕۆژی دەرچواندنی رۆژنامەی كوردستانی نوێی ئازیزەوە، لەناخی دڵمەوە گەرمترین پیرۆزباییتان ئاڕاستە دەكەم، ھیوای بەردەوامی و سەركەوتنی زیاترتان بۆ دەخوازم.
كوردستانی نوێ، وەك یەكەم رۆژنامەی رۆژانەی كوردی دوای ڕاپەڕین، لە تەمەنی پڕ شكۆی خۆیدا، بەسەلیقە و دڵسۆزی و ماندوبوونی رۆژنامەنووس و كارمەندە ماندونەناسەكانی، خزمەتێكی گەورەی بەكاروانی رۆژنامەگەری كردووە و ناوێكی‌ گەشی‌ ناو مێدیای كوردییە و خاوەنی خەرمانێكی پڕ بەرهەمە كە جێگەی شانازی هەمووانە، ئومێد دەكەم كوردستانی نوێ لەگەڵ داگیرساندنی مۆمی تەمەنی نوێی ژیانی رۆژنامەگەریی خۆیدا هەر لەپێشكەوتن و تاوسەندن و درەوشانەوە و گەشەسەندنی زیاتردابێت و درێژە بەو رێبازە پیرۆزەی بدات، هەر ئەو پێگە رەسەن و درەوشاوەیەی هەبێت.
بەهیوای بەخشش و بەرھەمی زیاتر، سەركەوتو و سەرفرازبن.

هێرۆ ئیبراهیم ئەحمەد

قوباد تاڵەبانی جێگری سەرۆكی حكومەت:

ئەگەر دەتەوێت بزانیت سیاسەت ‌و روئیای یەكێتی چییە، بڕۆ كوردستانی نوێ بخوێنەرەوە

بە بۆنەی داگیرساندنی مۆمی 29 ساڵەی کوردستانی نوێ، قوباد تاڵەبانی جێگری سەرۆکی حکومەتی هەرێمی کوردستان لە لێدوانێکیدا بۆ کەناڵەکانی راگەیاندن رایگەیاند:

من خۆم دووجار لەسەر كوردستانی نوێ توشی توڕە بوون هاتوم لە لایەن هەڤاڵ مام جەلالەوە، لە بیرمە ئەو کاتەی کە لە ئەمریكا بووم و كاك بەرهەم تازە گەڕابۆوە، تەنها بووم لە ئۆفیسەكە مابوومەوە، لەو دەمەشدا خەریکی جێ بەجێكردنی ئیتیفاقییەی واشنتۆن بووین، كۆبوونەوەمان هەبوو لەگەڵ ئەمریكییەكان ‌و پارتی بەدواداچونی هەبوو، منیش تازە لە ئەمریكا بووم ئاگام لە تەفاسیڵ نەبوو، تەلەفونم دەكرد كەسم دەست نە دەكەوت، تەلەفونم دەکرد كاك سەعدی یان كاك عومەری سەید عەلیم دەست نەدەكەوت، بۆ ئەوەی بزانم دوایین پێشچونەكانی یەكێتیی‌ و پارتی گەشتونەتە كوێ، لە كۆتایدا وتم چار نییە، وتم تەلەفونێك بۆ مام بكەم‌ .
پاشان تەلەفونێكم بۆ مام كرد، ئەویش وتی: ها چییە. وتم باوكە گیان، سبەینێ كۆبوونەوەمان هەیە لەگەڵ ئەمریكییەكان، بزانم هەواڵ چییە بەڕاستی نازانم چی بڵێم. وتی چۆن نازانی چی بڵێیت، وتم ،وەڵا نازانم چی بڵێم، وتی تۆ دیارە كوردستانی نوێ ناخوێنیتەوە، بڕۆ كوردستانی نوێ بخوێنەرەوە دەزانی چی بڵێیت یان چی نەڵێیت و یەکسەر تەلەفونەكەی داخست بەسەرما. جارەكەی تریش هەمان چیرۆك بوو، بۆیە لەو وانەیەوە ئەوە فێربووم، ئەگەر دەتەوێت بزانیت سیاسەت ‌و روئیای یەكێتیی چییە، بڕۆ كوردستانی نوێ بخوێنەرەوە.

شاڵاو كۆسرەت رەسوڵ ئەندامی ئەنجومەنی گشتی سەركردایەتی:

كوردستانی نوێ شانازییە بۆ هەمووان ‌

بە بۆنەی داگیرساندنی مۆمی 29 ساڵەی کوردستانی نوێ، شاڵاو کۆسرەت رەسوڵ ئەندامی ئەنجومەنی گشتی سەرکردایەتی یەکێتیی نیشتمانی کوردستان لە لێدوانێکی تایبەتدا بۆ سۆشیال میدیای کوردستانی نوێ رایگەیاند:

ئەمڕۆ یادێكی پیرۆزە بۆ یەکێتی نیشتمانی کوردستان و گەلەکەمان ، کوردستانی نوێ یەكێكە لەو رۆژنامە مێژوویانە، كە لە دوای راپەڕینەوە دەستی پێكردووە، ئەمەش شانازییە بۆ هەمومان ‌و دەستخۆشی لە ستافەكەی دەكەم. هەروەها دەستخۆشی لەو هەڤاڵانە دەكەم، كە بەو هەورازو و نشێوانەوە كاریان كردووە‌و بەردەوام بوون.
هیوادارین چۆن کوردستانی نوێ تاكە دەستپێك بووە لە دوای راپەڕینەوە، لێرە بە داواوەش، بە قۆناغێكی تر و شێوازێكی نوێ لەو ستایلانەی كە هەیە، بتوانن کاری تیا بكەن و زیاتر پێشبکەوێت. ئێمەش هاوكارتان دەبین و دەستخۆشی لە هەموو هەڤاڵان دەكەم لەسەرنوسەر و هەموو هەڤاڵانی تر کە لەم رۆژنامەیەیەدا کار دەکەن، دووبارە دەستەكانتان خۆشبێت و هەر بژین بۆ یەكێتیی نیشتمانی كوردستان‌ و گەلەكەمان.

حاكم قادر حەمەجان:كوردستانی نوێ‌ وەك دەستكەوتێكی گەورەی یەكێتیی نیشتمانیی كوردستانە
بەڕێزان / سەرنووسەرو بەڕێوەبەران ودەستەی كارگێڕی وڕۆژنامەنووس وتەواوی كارمەندانی ڕۆژنامەی كوردستانی نوێ‌ ..
بەسڵاوێكی گەرمەوە وبەبۆنەی بیست ونۆیەمین ساڵیادی یەكەمین ڕۆژنامەی ڕۆژانەی سەردەمی ئازادی كوردی پاش ڕاپەڕینی ساڵی ( 1991 ) ەوە ، جوانترین پیرۆزبایی تان ئاڕاستەدەكەم .
كوردستانی نوێ‌ وەك دەستكەوتێكی گەورەی یەكێتی نیشتمانی كوردستان ، بەمەبەستی فراوانكردنی بیری ئازادو ئازادی ڕۆژنامەگەری لەژمارە سفری یەوە ڕۆڵی كاریگەری لەخستنە ڕووی مافەكانی گەلی كوردستان بۆ ڕزگاری یەكجارەكی بە ئومێدی گەیشتن بەمافی چارەی خۆنووسین گێڕاوەو بەردەوام بۆ گەیاندنی پەیامی ئاشتی ودیموكراسی ، پێكەوە ژیان وهوشیاری ، ئازادی ڕادەربڕین وتازەگەری ، گەورەترین ڕووبەرو درێژترین ستوونی لەنێو لاپەڕەكانیدا تەرخانكردووەو جێی داخوازی و كێشەوگرفتەكانی خەڵك لەو ڕۆژنامەیەدا بەردەوام دیاروبەرچاوبووە .
بەم بۆنەیەوە وێڕای دووبارە پیرۆزبایی لەكوردستانی نوێ‌ ، هیواخوازم لەكوردستانێكی نوێ‌ وهاوچەرخدا كەتیایدا گەلەكەمان لەكەشێكی ئارام وئاسودە خۆشگوزەران بێت ، هەروەك ڕابردوو لەئێستاو بۆ ئایندەش ڕۆژنامەكەمان بەشێكی گرنگی كاروانی ڕۆژنامەوانی كوردی بێت .
شادوسەربەرزوسەركەوتووبن ..

حاكم قادرحەمەجان ئەندامی ئەنجومەنی باڵای سیاسی یەكێتی نیشتمانی كوردستان
_________________

لاهور شێخ جەنگی: مام جەلال دەیوت لەكوردستانی نوێ ئازادانە ڕەخنەبگرن بۆ ئەوەی هەمووان هەست بەبەرپرسیارێتی بكەن
بەڕێزان سەرنوسەر و سكرتاریەتی نوسین وستاف وكارمەندانی ڕۆژنامەی كوردستانی نوێ
بەبۆنەی داگیرساندنی مۆمی بیست ونۆهەمین ساڵەی ڕۆژنامەی كوردستانی نوێ وەك یەكەم ڕۆژنامەی ڕۆژانەی دوای ڕاپەڕین، جوانترین پیرۆزبایی ئاڕاستەی یەك بەیەك ـ تان دەكەم ودەستی ماندوبونتان دەگوشم. كوردستانی نوێ فێرگەیەكی گەورە بوو بۆپێگەیاندنی زۆرێك لەڕۆژنامەنوسان ونوسەران ،وسەرەتاكانی ڕەخنە وڕەخنەلەخۆگرتنی بەدونیایی ڕۆژنامەوانی كوردییدا بڵاوكردەوە.
كوردستانی نوێ لەدوای ڕاپەڕینی بەهاری ساڵی 1991 لەهەلومەرجێكی هەستیاردا بوە مینبەرێكی سیاسی وڕۆشنبیری وهەموان لەچاوەڕوانی پرس وڕاڤەكانی كوردستانی نوێ دابون. كوردستانی نوێ بەشێوەیەكی سەنگین خزمەتی بە ڕەوتی ڕۆژنامەگەری كوردی كردوە، خوالێخۆشبوو سەرۆك مام جەلال دەیوت لەكوردستانی نوێ ئازادانە ڕەخنەبگرن بۆ ئەوەی هەموان هەست بەبەرپرسیارێتی بكەن.
ئەمڕۆش لەدونیای سۆشیال میدیادا، كوردستانی نوێ بەردەوام برەو بەخۆی دەدات وسەركەوتوانەدەیەوێت بەردەوام بێت لەپاراستنی قورسایی ڕۆژنامەی كاغەزدا.
جارێكی تر پیرۆزبایی خۆمتان ئاڕاستە دەكەم ودەخوازم بەردەوام بن لەسەركەوتن وخزمەت كردنی میدیای كوردیدا.
هەر شاد بن

لاهور شێخ جەنگی
_________________
عیماد ئەحمەد: کوردستانی نوێ گەیەنەری دەنگی خەڵکی هەموو شار و شارۆچکە و گوندەکانی کوردستان بوو
بەڕێزان سەرنووسەر و ڕۆژنامەنوسان و کارمەندانی ڕۆژنامەی کوردستانی نوێ
بەبۆنەی یادی 29هەمین ساڵەی دامەزراندن و دەرچونی یەکەم ژمارەی ڕۆژنامەکەتانەوە پیرۆزباییەکی گەرمتان ئاراستە دەکەم ،
ڕۆژنامەی کوردستانی نوێ شەرەفی یەکەمین ڕۆژنامەی ڕۆژانەی دوای ڕاپەڕینی پێبەخشرا و دیاری سەرۆک مام جەلالی ئازیز بوو بۆ ڕۆژنامەنوسان و ڕەخنەگران ،
کوردستانی نوێ گەیەنەری دەنگی خەڵکی هەموو شار و شارۆچکە و گوندەکانی کوردستان بوو بە بەرپرسان بۆیە هەمیشە ئێمە و مانان کە بەرپرسیارێتیمان لەحکومەت لە ئەستۆدا بووە خوێنەری ڕۆژنامەکەتان بوین و هۆکاری سەرچاوەیەکی گرنگی خزمەتکردن بووە بەهەموو شوێن و چین و توێژەکان ،
هیوادارم بۆ ساڵی نوێی کارکردنتان وەک هەمیشە ڕێنیشاندەر و سەرقافڵەبن بۆ کاری باش و خزمەتکردن ،
دووبارە پیرۆزبایتان لێ دەکەم.

عیماد ئەحمەد ئەندامی ئەنجومەنی گشتیی سەركردایەتی
_________________
رەفعەت عەبدوڵڵا حەمەڕەش: كوردستانی نوێ لەڕابردوودا پێشەنگی داهێنانەكان بووە، بۆیە بۆ داهاتووش هەمان چاوەڕوانیمان بۆی هەیە
بەڕێزان سەرنوسەرو دەستەی نووسەرانی كوردستانی نوێ
بەبۆنەی ساڵیادی كوردستانی نوێی وە گەرمترین پیرۆزبایتان لێی ئەكەم ،هیوادارم ساڵی نوێی رۆژنامەكە ساڵی داهێنانی زیاتر و كاری جدیتر بێت بەئاراستەی بیناكردنەوەی میدیایەكی نوێی هاوچەرخ كەتوانایی گەیاندنی هەواڵ و لێكدانەوەی رووداوەكانی هەبێت و لەم گێژاویی میدیایەدا وەك هەمیشە پێگەو شوێنی شایستەی خۆیی هەبێت،كوردستانی نوێی لە رابردوو دا پێشەنگی داهێنانەكان بوو ە ،بۆیە بۆ داهاتوش هەمان چاوەڕوانیمان بۆیی هەیە ،جارێكی تر پیرۆزبایتان لێی ئەكەم بەهیوای سەركەوتنتانم.

رەفعەت عەبدوڵڵا حەمەڕەش
_________________
‎سەعدی ئەحمەد پیرە: كوردستانی نوێ‌ هەمیشە وەك سەكۆی ئازادیخوازان وبڵندگۆی چین و توێژە جیاوازەكان بووە
‎بەبۆنەی بیست ونۆهەمین ساڵیادی دەرچوونی ژمارە (سفر)ی یەكەم رۆژنامەی روژانەی كوردی دوای راپەرینی بەھاری ساڵی ١٩٩١ رۆژنامە ئازیزەكەی (كوردستانی نوێ) لە ناخەوە گەرمترین پیرۆزبایی ئاراستەی سەرنووسەر و دەستەی نووسەران و ستاف و كارمەندانی ئەم رۆژنامە خۆشەویستە دەكەم.
‎لەو هەموو ساڵەی رابردوودا (كوردستانی نوێ) پێ بە پێ لەگەڵ قۆناغە جیاوازەكانی سیاسی و ئابووری و رۆشنبیری ھەمیشە لە پێشەوەی كاروانی خەباتی رۆژنامەگەری و رۆشنبیری بەردەوامی داوە بەو پەیامە روونەی كە ساڵەھایە كردویەتی بە دروشم كە خۆی لە راستی و دروستی زانیاریەكانی و ئازادی رادەربڕین و ڕای جیاواز دەبینێتەوە.
‎بۆیە هەمیشە وەك سەكۆی ئازادیخوازان وبڵندگۆی چین و توێژە جیاوازەكان بووە.
‎كوردستانی نوێ، فێرگەیەكی گەورەی ژمارەیەكی زۆر لە رۆژنامەوانان و مینبەرێكی كراوەی نووسەرانی كوردستان بووە لە دەرەوە و ناوەوە، سەرچاوەیەكی باوەرپێكراویش بووە بۆ زۆر لە كەناڵ و دەزگاو دامەزراوەی میدیایی.
‎جارێكی تر، پیرۆزباییتان لێدەكەم، دەستی یەكەبە یەكەی تەواوی خێزانە ماندوونەناسەكەی ئەم رۆژنامە ئازیزەمان دەگووشم و ھیوای سەركەوتن و پێشكەوتنی زیاترتان بۆ دەخوازم، سەری رێز و وەفاش بۆ هەموو ئەو تێكۆشەر و ئازیزانە دادەنوێنم كە رۆژێك لە رۆژان لە رۆژنامەی كوردستانی نوێ كاریان كردووە یان بە نووكی قەڵەمە بەبڕشتەكانیان لاپەرەكانی ئەم رۆژنامەیان پڕشنگدار كردووە.

‎سەعدی ئەحمەد پیرە‎ ئەندامی ئەنجومەنی گشتی سەركردایەتی یەكێتی نیشتمانی كوردستان
_________________
لیوا حەسەن نوری: كوردستانی نوێ‌ هەمیشە سەكۆیەك بووە بۆ دەربڕینی ئازار و مەینەتییەكانی گەلەكەمان

بەبۆنەی ساڵیادی دەرچوونی رۆژنامەی كوردستانی نوێ وە،پیرۆزبایی ئاڕاستەی سەرجەم ستافی رۆژنامە ئازیزەكەتان دەكەم، بەڕێزان گومانی تێدا نییە رۆژنامەی كوردستانی نوێ درێژكراوەی بڵاوكراوە و رۆژنامەكانی شاخە، بەردەوامیش لەسەر رێبازی چەپكە گوڵەكەی مام و كوردایەتی و تۆماركردنی راستیەكان و بەئاگا هێنانەوەی خەڵك و كاركردن بۆ پێشخستنی دۆزی كورد و گەیاندنی راستیەكان بەردەوام بووە، سەرمەشقی داهێنان و نوێگەری بووە. گومانی تێدا نییە هەرێمەكەمان بە فەرهەنگی فرە رەنگیەوە جوانترین نموونەی پێكەوەژیانی پێشكەش كردووە، كە رۆژنامە ئەزیزەكەی كوردستانی نوێ رۆڵی بەچاوی گێڕاوە لەم بوارەدا، هەمیشە سەكۆیەك بووە بۆ دەربڕینی ئازار و مەینەتیەكانی گەلەكەمان، بەردەوام بۆتە هەوێنی ئاشتەوایی و یەكڕیزی، ئەمڕۆش خزمەتكردنی زیاتری گەلەكەمان و بەرەوپێش بردنی دۆزە رەواكەی ئەركی هەرە پێشینە و هەنوكەیی گشت لایەكمانە، وێڕای پیرۆزبایی هیوای سەقامگیری زیاتری دەڤەرەكەمان لە خوای گەورە دەخوازم و سەری رێز و نەوازش بۆ شەهیدانی گەلەكەمان دادەنەوێنین، دووبارە ساڵێكی پڕ داهێنان و پڕ خەرمانترتان بۆ دەخوازین.
لەگەڵ رێزی براتان
لیوا/ حەسەن نوری بەڕێوەبەری ئاسایشی پارێزگای سلێمانی
_________________
د. جوان ئیحسان فوزی: لەسەر ڕێبازی مامی گەورەمان هەمیشە بەوپەڕی دڵسۆزی و لەخۆبووردوییەوە بەردەوام بوون و رۆژنامەكەتان بووەبەیەكێك لە سەروەرییەكانی یەكێتی
بەبۆنەی بیست و نۆیەمین ساڵیادی دامەزراندنی كوردستانی نوێ-وە، د. جوان ئیحسان بروسكەیەكی پیرۆزبایی ئاڕاستەی سەرنووسەر و دەستەی نوسەران و تەواوی میدیاكارانی ئەوڕۆژنامەیە دەكات كە ئەمە دەقەكەیەتی:
بەبۆنەی بیست ونۆیەمین ساڵیادی دامەزراندنی كوردستانی نوێ وەپیرۆزبایی ئاڕاستەی سەرنووسەر و دەستەی نوسەران و تەواوی میدیاكارانی ئەوڕۆژنامە پڕلەبایەخ و گرنگەدەكەم، كەسەرەڕای بڵاوكردنەوەی فكری ڕۆشنبیری و بەئاگاهێنانەوەی خوێنەرانی كوردلەڕوداووپێشهاتەكان لەبواری حزبی وڕێكخراوەیی دا لەسەر ڕێبازی مامی گەورەمان هەمیشە بەوپەڕی دڵسۆزی ولەخۆبووردوییەوە بەردەوام بوون و رۆژنامەكەتان بووەبەیەكێك لەسەروەرییەكانی یەكێتیی نیشتمانیی كوردستان. هیوادارم لەگەشەكردن وپێشكەوتن بەردەوام بن ورێگاتان ڕۆشن و ئایندەتان پڕدەستكەوت وبەرهەمی زیاتربێت .

د. جوان ئیحسان فوزی
________________
حەمەی حەمەسەعید: هەربژین بۆ بەرەو پێشبردنی بەرھەمی قەڵەمی ڕەسەنی ڕۆژنامەگەری لە كوردستان
هەڤاڵی بەڕێز كاك ستران عەبدڵا و ستافی ماندونەناسی كوردستانی نوێی ئازیز
سڵاو
دوای سڵاو هیوای سەركەوتنتان ئاواتمانە
پیرۆز بایی گەرم ئاڕاستەی خۆتان و ستافی كوردستانی نوێ دەكەم
بەبۆنەی ساڵیادی كوردستانی نوێوە
هەربژین بۆ بەرەو پێشبردنی بەرھەمی قەڵەمی ڕەسەنی ڕۆژنامەگەری لە كوردستان و خزمەت كردنی زیاتری بواری فەرھەنگ و رۆشنبیری رەسەنی كوردەواری و رۆژنامەوانی سەردەم

براتان/ حەمەی حەمەسەعید
_________________

بێگەرد تاڵەبانی: کوردستانی نوێ خاوەنی دەیان شانازی مێژووییە
لە دڵەوە پیرۆزبایی لە سەرنوسەر وسکرتاریەتی نووسین ودەستەی نوسەران وتێکرای ستافی رۆژنامە پر بڕشت وڕەنگین وسەنگین و بە ویقارەکەی کوردەواری (کوردستانی نوێ) ی ئازیز دەکەم، بەبۆنەی (29)یەمین ساڵیادی دەرچونی.
دەستی ماندووی یەکە یەکەی ستافی ئێستای رۆژنامەکەو هەموو ئەوهەڤاڵانەش دەگوشم کە لە مێژووی دەرچوونی رۆژنامەکەدا بەشێک بوون لەستافەکەی.
بەهەق (کوردستانی نوێ) هەمیشە چرایەکی گەش و رۆشنکەرەوەی بیری نەتەوەیی ونیشتیمانی و یەکێک لە مەیدانە هەرە سەرەکییەکانی خەباتی(ی.ن.ک)ە لەپێناو هۆشیاری گەل وهێنانەدی ئامانجە پیرۆز و رەواکانی کوردەواری و یەکێتی نیشتیمانی لە ئاشتی و دیموکراسی ومافی مرۆڤ ومافی چارەی خۆنووسین، لەگەڵ بەرپەرچدانەوە و لەگۆڕنانی خەونی دوژمنانی گەلی کوردستان.
ڕۆژنامەکە خاوەن دەیان شانازی مێژووییە، لەسەرووی هەموویانەوە شانازی دەرچوونی وەک یەکەم رۆژنامەی رۆژانەی کوردستانی لەقۆناغی رزگارییدا، بێگومان بەردەوامییەکەیشی بەدریژایی(29)ساڵ شانازییەکی دیکەیە لە پاڵ سەنگینی و دەستبردنی بۆ سەدان دۆسیەی گرنگ وخزمەتی بی شوماری هەمەلایەنی کوردستانەکەمان.
ئەوەی (کورستانی نوێ) زیاتر لە هەرهۆکارێکی تر خستووەتە بەر دڵان رێکردنی بەردەوامیەتی لەسەر شاڕێیەکەی مامی نەمر و جێبەجێ کردنی تەواوی راسپاردەکانی ئەو زاتە مەزنەیە کە هەمیشە رایدەسپارد “لەکاری راگەیاندن دا هەمیشە سێ ڕێیەکە لە بەرچاو بگرن : ڕاستگۆیی، رەوانی و رازاندنەوە“.
لای هەمووانیش روونە و لەسەرشانمان واجبە گەواهی بۆ (کوردستانی نوێ) بدەین کە هەمیشە رۆژنامەیەکی راستگۆ وهەق بێژ بووە ورەوانی یەکێک لەو خەسڵەتە دیارانەیە کە پێی دەناسرێتەوە و رازاوەییەکەیشی هەمیشە بەرچاوە.
ئومێدەوارم مۆمی سەدساڵەی دەرچونی داگیرسێنێ وهەگبەی دەستکەوت وشانازییەکانی ساڵ دوای ساڵ پڕتر بکات و بەم ریتمەی ئێستاو ساڵانی رابردووییەوە درێژە بە دەرچوونی بدات.
دووبارە پیرۆزباییتانی لێ دەکەم و هیوای سەرفرازی بۆ یەکە یەکەی ستافەکەتان دەخوازم.
هەمیشە شاد بن
دڵسۆزتان بێگەرد تاڵەبانی ئەندامی ئەنجوومەنی سەرکردایەتی گشتی ی.ن.ک

_________________

سیروان کوێخا نەجم: پێشمەرگە ئاساکانی کوردستانی نوێ دەستی ماندووبوونتان ئەگوشم
بۆسەرنوسەروکادرورۆژنامەنوس وھەموو ئەوانەی رۆژێک بەکوردستانی نوێ ەوە ماندووبوون
پیرۆزبایی گەرمی ٢٩ ساڵەی دامەزراندنتان لێ ئەکەم
کەئێوەبوون دوای ڕاپەرین بەلاپەرە زێریینەکانتان چاووگوێی روناکبیرانتان ئاشناکرد بەزمانی خۆی بدوێ
راستی لەرۆژمانەکەتاندا بخوێندرێتەوە
دیموکراسی تیافێربێت وئازادی ھەست پێبکات وببێت بەخوێنەری رۆژانەی کوردستانی نوێ
بۆیە ئێوەی پێشمەرگە ئاساکانی کوردستانی نوێ دەستی ماندووبوونتان ئەگوشم
دووبارەپیرۆزبایی گەرم لەخۆتان ورۆژنامەکەمان ئەکەم
ھیوادارم ھەمیشەبەردەوام وسەرکەوتووبن

سیروان کوێخا نەجم
_________________

پەروین بابەكر: پیرۆزبێت پاراستنی یادگارییە رۆژنامەوانییەكەی مامی گەورەمان ‌و زمانحاڵە شیرینەكەی یەكێتییەكەمان
برای بەڕێزمان كاك ستران
هاوڕێ‌‌و هەڤاڵانی رۆژنامەی كوردستانی نوێ‌
داگیرساندنی مۆمێكی تری تەمەنی رۆژنامەكەمان یەكەمجار لەئێوەو دواتر لەهەموو خوێنەران‌و لەخۆمان پیرۆز دەكەین، پیرۆزبێت 29 ساڵ تەمەنی پڕ سەروەری‌و شانازی، پیرۆزبێت پاراستنی یادگارییە رۆژنامەوانییەكەی مامی گەورەمان‌و زمانحاڵە شیرینەكەی یەكێتیەكەمان.
ئێوە بەردەوامیتان بێ ئەوەی ئاگاداربن پارێزەری كەلتوری رۆژنامەگەریی كوردین‌و لەناو دنیای تازەی سۆشیال میدیاو ئەو پێشكەوتنە بەرچاوەی تەكنەلۆژیا رۆژنامەكەمان هێشتا سەنگینی‌و پێشەنگی خۆی لەدەست نەداوەو گەشبینین لەدەستی ئێوەو ستافە بەڕێزەكەتان رۆژ بەرۆژ برەوی زیاتری پێ‌ دەدەن.
پیرۆزبایی لەیەك بەیەكی ستافە بەڕێزەكەتان دەكەین بەئومێدی ئەوەی هەموو ساڵێك ئەم یادە بكەینەوە هەرگیز كوردستانی نوێ‌ نەبێت بەڕابردوو.
دڵسۆزتان

پەروین بابەكر حەمە ئاغا
_________________

شێرکۆ میر وەیس: هەموومان شانازی بە کوردستانی نوێی بێنازەوە دەکەین
گەرمترین پیرۆزبایی ساڵیادی کوردستانی نوێ لە جەنابتان و سەرجەم هەڤاڵانی رۆژنامە دەکەم، هەموومان شانازی بە کوردستانی نوێی بێنازەوە دەکەین، بەهیوام هەمیشە لەش ساغ و سەلامەت بن، لەگەڵ رێزی براتان
شێرکۆ میر وەیس
_________________

زوبێر عوسمان: بەردەوام بن لە پەیڕەوکردنی سیاسه‌تی چه‌پکه ‌گوڵه‌که‌‎

بەرێزان / سەرنوسەر و ستافی بەڕێوەبردن و سەرجەم کادر و میدیاکارانی کوردستانی نوێ
بەبۆنەی یادی ٢٩ ساڵەی دەرچواندنی ڕۆژنامەی کوردستانی نوێ وە جوانترین پیرۆزبایتان ئاراستە دەکەم و هیوای هەمیشە سەرکەوتنتان بۆ دەخوازم.
یەکێتی نیشتمانی کوردستان هەر لەسەرەتای دامەزراندنیەوە گرنگی و بایەخێکی ئێجگار گەورەی بە راگەیاندن داوە و چەندین ئامرازی راگەیاندنی لە قۆناغە جیاوازەکاندا هەبووە .
رۆژنامەی کوردستانی نوێش لە پاش راپەڕین و لە ١٩٩٢/١/١٢ بەهەوڵ و کۆششی هەڤاڵی بەڕێز ( مام جەلال ) و سەرکردایەتی یەکێتی دەرکرا کەله‌ باسی رۆژنامه‌که‌دا ‌ ده‌ڵێت:” بۆ کوردستانێکی نوێیه‌ و له‌هه‌مووانه‌و هی هه‌مووانه‌و بۆ هه‌مووانه‌” ، کوردستانی نوێ هه‌میشه‌ سیاسه‌تی چه‌پکه ‌گوڵه‌که‌ی په‌یڕه‌و کردووه‌ و هه‌ستی به‌ لێپرسراوێتیی نه‌ته‌وه‌یی و نیشتمانی و پیشه‌یی خۆی کردوە و لە کاروانی رۆژنامەوانی کوردیدا بەردەوامە و خزمەتێکی مەزنی بەو بوارە گەیاندوە.
کوردستانی نوێ وەک یەکەمین رۆژنامەی رۆژانە و لەماوەی ٢٩ ساڵی تەمەنیدا خەرمانێکی پر بەرهەمی لە بواری رۆژنامەوانی کوردیدا فەراهەم کردوە و قوتابخانەیەک بوە بۆ پێگەیاندنی رۆژنامەنوسان ومیدیاکاران.
دووبارە پیرۆزباییتان لێدەکەم و هیوای سەرکەوتنی زیاترتان بۆ دەخوازم…

زوبێر عوسمان ئەندامی ئەنجوومەنی گشتی/ سەرکردایەتی
_________________

دکتۆر دارا رەشید: کوردستانی نوێ مێژوویەکی پر سەروەری هەیە لە بواری رۆژنامەگەری کوردیدا
بەرێزان سەرنوسەر و رۆژنامەنوس و ستافی(ڕۆژنامەی کوردستانی نوێ)ی ئەزیز
بەبۆنەی 29ساڵرۆژی دەرچونی ڕۆژنامەی کوردستانی نوێ گەرمترین پیرۆزباییتان ئاراستەدەکەم هیوادارم ڕۆژنامە ئەزیزەکەتان بەردەوام بێت لە بڵاوکردنەوەی هەواڵ و زانیاری دروست و سەردەمیانە.
دیارە کوردستانی نوێ مێژوویەکی پر سەروەری هەیە لە بواری رۆژنامەگەری کوردی و پێگەیاندنی دەیان رۆژنامەنوس و نوسەر کە ئێستا قەڵەمەکانیان لەخزمەت دۆزەرەواکەی گەلەکەمانە و هەموو ئەمانەش بەرهەمی شەونخونی و ماندوبونی ستافە خۆشەویستەکەتانە.
دووبارە پیرۆزە و هەر سەرکەوتووبن.

براتان دکتۆر دارا ڕەشید ئەندامی ئەنجومەنی سەرکردایەتی گشتی یەکێتی نیشتمانی یەکێتی نیشتمانی کوردستان
_________________

قائیمقامی سلێمانی: كوردستانی نوێ دیوێكی گەشی میدیای كوردستانە
بەرێزان سەرنوسەر و ستافی رۆژنامەی كوردستانی نوێ…
بەبۆنەی یادی دەرچونی یەكەم ژمارەی رۆژنامەی كوردستانی نوێی ئازیز لە كوردستانێكی نوێی دوای راپەڕیندا گەرمترین پیرۆزباییتان لێدەكەم و درود بۆ گیانی پاكی نوسەرە شەهیدەكان دەنێرین، پێمان وایە دەرچواندنی ئەو رۆژنامەیە لەوكات و سەردەمەدا دەحەدایەكی گەورەی بواری میدیایی بوو، لەم سەردەمەشدا تەحەدا و ئاڵنگارییەكی گەورەی رۆژنامەی كاغەزییە بەرامبەر رۆژنامەی ئەلیكترۆنی.
هەمیشە كوردستانی نوێ دیوێكی گەشی میدیای كوردستان و بەتایبەت شاری سلێمانیی پایتەختی رۆشنبیرییە و هەموومان شانازی پێوە دەكەین.
دووبارە هیوای سەركەوتن و بەرەوپێشبردنی زیاتری بۆدەخوازین، هیوادارین وەك هەمیشە قوتابخانەی پێگەیاندنی راگەیەندكاران بێت و سەرچاوەی یەكەمی هەواڵی روداوە ناوخۆیی و ناوچەییەكان بێت.
ئاوات محەمەد قائیمقامی قەزای مەڵبەندی سلێمانی
_________________

سەرۆكی زانكۆی سلێمانی: سەرۆك مام جەلال هەمیشە هانی دەداین بایەخی زیاتر بە كوردستانی نوێ‌و ئەو رۆژنامە تاقانەیەی یەكێتی‌و كوردایەتی بدەین
بەبۆنەی ساڵیادی دامەزراندنی رۆژنامەی كوردستانی نوێ-وە، پڕۆفیسۆری یاریدەدەر د. ڕەزا حەسەن سەرۆكی زانكۆی سلێمانی، بروسكەیەكی پیرۆزبایی ئاڕاستەی سەرنووسەرو دەستەی نوسەران‌و تەواوی میدیاكارانی ئەو رۆژنامەیە دەكات كە ئەمە دەقەكەیەتی:
بەبۆنەی داگیرساندنی بیست‌و نۆیەمین مۆمی تەمەنی پڕ دەستكەوتی رۆژنامەی ئازیزی كوردستانی نوێ بە ناوی سەرۆكایەتی زانكۆی سلێمانی و ئەندامانی ئەنجومەنی زانكۆی سلێمانییەوە، پیرۆزبایی ئەو یادەوەرییە شیرینە لە سەرنووسەرو دەستەی نوسەران‌و تەواوی میدیاكارانی ئەو رۆژنامە خۆشەویستە دەكەین و هیوای ئەوە دەخوازین بەردەوامبن لەسەر ئەو كاروانە گەورەیەی خەباتی میدیایی كە بێگومان وێڕای بەجێگەیاندنی ئەركێكی پیشەیی، هاوشان ئەركێكی حزبی‌و رێكخراوەیی‌و جێبەجێكردنی فەرمایشتێكی سەرۆك مام جەلال-یشە، كە هەمیشە هانی دەداین بایەخی زیاتر بە كوردستانی نوێ‌و ئەو رۆژنامە تاقانەیەی یەكێتی‌و كوردایەتی بدەین.
رۆژنامەی كوردستانی نوێ، رۆژنامەی رۆژانەی یەكێتی‌و دیاری مامی گەورەیە بۆ خوێنەرانی كوردستان، هەربۆیەش هەمیشە وەك مینبەرێكی گشتی دەرگای بۆ تەواوی نووسەرو رۆژنامەنووسانی كوردستان‌و قەڵەمە ئازاو ئازادەكانیش لەسەر پشت بووە، هەروەك ئەو كاروانە بۆتە قوتابخانەیەكیش بۆ پێگەیاندنی رۆژنامەنووسی بوێرو ئازاو چاونەترس، كە ئەمە جێگەی شانازییە بۆ ئەو رۆژنامەیە كە یەكەم رۆژنامەی رۆژانەی كاغەزییە كە لە دوای راپەڕینە مەزنەكەی بەهاری 1991 ەوە بێ وچان خزمەت بە بواری رۆژنامەگەری و رۆشنبیری و هونەرو كلتوری هەرێمی كوردستان دەكات.
دووبارە پیرۆزە..

پڕۆفیسۆری یاریدەدەر د. ڕەزا حەسەن سەرۆكی زانكۆی سلێمانی
_________________
سەرۆكی زانكۆی كۆیە: كوردستانی نوێ لە یەكەم ژمارەیەوە تاوەكو ئەمڕۆ بۆتە جێی متمانە
بۆ بەڕێزان لە رۆژنامەی كوردستانی نوێ
بەناوی خۆم ‌و ئەنجومەنی زانكۆی كۆیە پیرۆزبایی (29) بیست ‌و نۆیەمین ساڵیادی دامەزراندنی رۆژنامەی (كوردستانی نوێ) تان لێدەكەم.
وەك هەموومان دەزانین كوردستانی نوێ لە یەكەم ژمارەیەوە تاوەكو ئەمڕۆ بۆتە جێی متمانە ‌و سەرنجی خوێنەران ‌و نووسەران ‌و سیاسەتمەدارانی گەلەكەمان.
من خۆشم شەخسی شانازی دەكەم كە لە چەندین ژمارەی ئەم رۆژنامە خۆشەویستە ‌و گرنگە بابەتم تێدا بڵاو كردۆتەوە. كوردستانی نوێ‌و خێزانی كوردستانی نوێ لەهەموو قۆناغەكانیدا شەرەفی گەورە ‌و شانازی گەورەیان بەركەوتووە لە خەباتی رۆشنبیری ‌و راگەیاندن لە باشووری كوردستان.
هیوای سەركەوتنی زیاترتان بۆ دەخوازم هیوادارم بەردەوام بن تا دواكەس ‌و دوالاپەڕەی چاپی كاغەزیی چونكە، دڵنیام خزمەتێكی گەورە دەكەن دووبارە پیرۆزە.

پ.د. وەلی مەحمود حەمەد سەرۆكی زانكۆی كۆیە

_________________

دەزگای میدیایی كەركوك : كوردستانی نوێ‌ توانیویەتی ببێتە سەرچاوەی زانیاری ‌و بابەتە بەپێزەكان
29 هەمین ساڵیادی دامەرزاندنی رۆژنامەی كوردستانی نوێ لەسەرنووسەر‌و رۆژنامەنووسان ‌و تەواوی ستافی رۆژنامەكەتان پیرۆز دەكەین.
رۆژنامەی كوردستانی نوێ یەكەمین رۆژنامەی نوسراوی كوردیە پاش راپەڕینە مەزنەكەی ساڵی 1991 ە توانیویەتی ببێتە سەرچاوەی زانیاری ‌و بابەتە بەپێزەكانی سیاسی ‌و ئابووری ‌و كۆمەڵایەتی ‌و وەرزشی ‌وئەدەبی…هتد.
خوێنەرێكی زۆ بۆ لای خۆی رابكیشێ ‌و دەستكەوتێكی تری گەورە بخاتەپاڵ دەستكەوتەكانی (ی.ن.ك) لەبواری راگەیاندن ‌و رۆژنامەگەریدا.
هیوای گەشەكردن ‌و بەرەوپێشبردنی زیاتری رۆژنامەكەتان دەخوازین.
لەگەڵ رێزماندا

دلێر عەبدالقادر سەرپەرشتیاری گشتی دەزگای میدیایی كەركوك

_________________

دەزگای میدیایی راچڵەكین: كوردستانی نوێ، شوێنی بیروڕا جیاوازەكان و رەخنەو رەخنەلەخۆگرتن
بەبۆنەی ساڵیادی دەرچوونی ژمارە سفری رۆژنامەی كوردستانی نوێ كە یەكەم رۆژنامەی رۆژانەی دوای راپەڕینی بەھاری ساڵی 1991 بوو، گەرمترین پیرۆزبایی ئاراستەی خوێنەران و ستافەكانی رۆژنامەكە دەكەین لە ئێستاو رابردوودا كە توانیان رۆژانی زێڕین و ئەرشیفی بە نرخ بخەنە خەرمانی میدیای كوردی لە باشووری كوردستان.
كوردستانی نوێ، شوێنی بیروڕا جیاوازەكان و رەخنەو رەخنەلەخۆ گرتن بوو بەجۆرێك ئەوانەی پێچەوانەی ئایدۆلۆژیای ئۆرگانەكەش بوون رەخنەیان تێدا دەنووسی.
كوردستانی نوێ، جگە لەكاری میدیایی، لەرابردوودا مەڵبەندی پێگەیاندنی كادرو رۆژنامەنووسی كارامەبووە، بە جۆرێك زۆر میدیاو ناوەندە حكومی و ئەكادیمییەكانی ھەرێمی كوردستان، سوودیان لە توانا مرۆییەكانی كوردستانی نوێ بینی.

پشتیوان زاهیر بەڕێوەبەری دەزگای میدیایی راچڵەكین
_________________

سەرۆكی ئەنجومەنی پارێزگای سلێمانی: بەھیواین رۆژنامەی كوردستانی نوێ، پێبەپێ لەگەڵ گەشەسەندنی تەكنیكی میدیا و تەكنەلۆژیا، گەشە بكات

بەبۆنەی بیست و نۆیەمین ساڵیادی دامەزراندنی كوردستانی نوێ-وە، ئازاد محەمەد ئەمین سەرۆكی ئەنجومەنی پارێزگای سلێمانی بروسكەیەكی پیرۆزبایی ئاڕاستەی سەرنوسەر و سكرتاریەتی نوسین و رۆژنامەنوسان و دەستەی كارگێڕیی ئەو رۆژنامەیە دەكات كە ئەمە دەقەكەیەتی:
بەڕێزان سەرنوسەر و سكرتاریەتی نوسین و رۆژنامەنوسان و دەستەی كارگێڕیی كوردستانی نوێ
لە یادی بیست و نۆیەمین ساڵەی دامەزراندنی رۆژنامەی كوردستانی نوێ-دا گەرمترین پیرۆزباییتان لێدەكەم.
كوردستانی نوێ وەك یەكەم رۆژنامەی دوای راپەڕین، جوانترین و بەنرخترین دیاری مام جەلال بوو بۆ كۆمەڵگەی كوردی و بایەخدان بە رەوتی رۆژنامەگەریی و رۆشنبیری لە ھەرێمی كوردستان.
29 ساڵە ئێوە وێستگەی گەیاندنی ھەواڵ و زانیاری و ناوەندی رۆشنكردنی بیر و ھزری كۆمەڵگەن و سەنتەری پێگەیاندنی چەندان رۆژنامەنووسن.
بەھیواین رۆژنامەی كوردستانی نوێ، پێبەپێ لەگەڵ گەشەسەندنی تەكنیكی میدیا و تەكنەلۆژیا، گەشە بكات و شوێندەستی بەردەوام و دیاربێت و ھیوای سەركەوتنی زیاترتان بۆ دەخوازم.
ھەرشاد و سەربەرز بن

ئازاد محەمەد ئەمین سەرۆكی ئەنجومەنی پارێزگای سلێمانی
_________________

بەڕێوەبەری گشتی فڕۆكەخانەی سلێمانی: هیوادارین چۆن لە رابردوودا پێشەنگ بوون لەسەرجەم بوارەكان لە ئایندەشدا هەر وا لە گەشەسەندن و پێشكەوتنی بەردەوامدابن
بەڕێزان/ سەرنووسەر و سكرتاریەتی نووسین و دەستەی نووسەران و رۆژنامەنووسان و كارمەندانی رۆژنامەی كوردستانی نوێ
بەبۆنەی (29) هەمین ساڵیادی دەرچوونی یەكەمین رۆژنامەی رۆژانەی دوای راپەڕین و سەرهەڵدانی ئازادی لە كوردستان، بە ناوی خۆم و سەرجەم بەڕێوەبەر و لێپرسراوان و ئەفسەران و فەرمانبەرانی فڕۆكەخانەوە جوانترین پیرۆزباییتان ئاڕاستە دەكەین، هیوادارین چۆن لە رابردوودا پێشەنگ بوون لە بڵاوكردنەوەی هەواڵ و زانیاری ڕاست و دروست و گرنگیدان بە كار و چالاكیەكانی دامەزراوە خزمەتگوزارییەكانی حكومەتی هەرێمی كوردستان لە ئایندەشدا هەر وا لە گەشەسەندن و پێشكەوتنی بەردەوامدا بن بۆ زیاتر خزمەتكردنی كۆمەڵانی خەڵكی كوردستان و پێشخستنی زیاتری بواری رۆژنامەوانی لە كوردستان دا.
هەر بژین سەركەوتوو بن.
ئەندازیار

طاهر عبداللە قادر بەڕێوەبەری گشتی فڕۆكەخانە
_________________

بەڕێوەبەری نشینگەی پارێزگای سلێمانی: پیشەیی بوون و خزمەتكردنی خوێنەرانی كوردستان بۆتە سیمای ئەم رۆژنامەیە
بەڕێزان سەرنووسەر و كارمەندانی كوردستانی نوێ
لە یادی (29)هەمین ساڵیادی دامەزراندنی رۆژنامەی كوردستانی نوێ، یەكەمین رۆژنامەی نوسراو، بەناوی خۆم و سەرجەم ئەفسەران و كارمەندانی بەڕێوەبەرایەتیمان، لەناخی دڵەوە گەرمترین پیرۆزباییتان لێدەكەم، هەروەها پیشەیی بوون و خزمەت كردنی خوێنەرانی كوردستان كە بۆتە سیمای ئەم رۆژنامەیە بەرز دەنرخێنین، هەموو ساڵێك كوردستانی نوێ هەر لە پێشكەوتندا بێت.
عمیدی ماف پەروەر
صالح عثمان خضر

بەڕێوەبەری نشینگەی پارێزگای سلێمانی
_________________

مه‌لا یاسین ره‌ئوف: یه‌کێک له‌و بنه‌ما سه‌ره‌کییانه‌ی که‌ کوردستانی نوێ به‌رده‌وام ره‌چاوی کردووه‌ راستگۆییبووه‌
برای به‌ڕێزم کاک ستران عه‌بدوڵڵا سه‌رنووسه‌ر و
سه‌رجه‌م هه‌ڤاڵانمان له‌ رۆژنامه‌ی کوردستانی نوێ
له‌ ساڵیادی ده‌رچوونی رۆژنامه‌ی کوردستانی نوێ-دا،گه‌رمترین پیرۆزباییتان ئاڕاسته‌ ده‌که‌م و هیوادارم هه‌میشه‌ هه‌ر له‌ گه‌شه‌کردن و سه‌رکه‌وتنی به‌رده‌وامدا بن.
کوردستانی نوێ له‌ رێگه‌ی بڵاوکردنه‌وه‌ی هه‌واڵ و زانیاریی راست و دروست و بایه‌خدان به‌ هه‌موو بوار و چین و توێژ و پرسه‌ گرنگه‌کان و پیشه‌ییانه‌ کارکردن و به‌رپرسیارانه‌ مامه‌ڵه‌کردنه‌وه‌، بۆته‌ جێگه‌ی متمانه‌ی هه‌موولایه‌ک. یه‌کێک له‌و بنه‌ما سه‌ره‌کییانه‌ی که‌ کوردستانی نوێ به‌رده‌وام ره‌چاوی کردووه‌ راستگۆیی بووه‌ له‌ گه‌یاندنی زۆرترین زانیاریدا. هه‌موو ئه‌مانه‌ش هۆکارێکی سه‌ره‌کی بوون بۆ ئه‌وه‌ی کوردستانی نوێ هه‌میشه‌ خاوه‌ن سه‌نگ و پێگه‌ی تایبه‌ت بێت لای هه‌موو چین و توێژه‌کانی کۆمه‌ڵگه‌ و ناوه‌نده‌ سیاسییه‌کان.
هیوادارم کوردستانی نوێ هه‌ر له‌گه‌شه‌کردن و پێشکه‌وتندا بێت و ئه‌رکی ئێمه‌شه‌ به‌رده‌وام هاوکاری ئه‌م دیارییه‌ به‌نرخه‌ی سه‌رۆک مام جه‌لال و یه‌کێتیی نیشتمانیی کوردستان بین و به‌رده‌وام له‌ خه‌می چه‌سپاندن و سه‌رخستنی سیاسه‌تی چه‌پکه‌گوڵه‌که‌دا بین.
دووباره‌ ئه‌م یاده‌ له‌ هه‌موولایه‌ک پیرۆزبێت.

مه‌لا یاسین ره‌ئوف نوێنه‌رى یه‌کێتیى نیشتمانیى کوردستان له‌ قاهیره‌
_________________

PUKmedia: كوردستانی نوێ سەكۆی رەخنە لەخۆگرتنە
بەڕێزان سەرنووسەر و رۆژنامەنووسانی رۆژنامەی كوردستانی نوێ-ی ئازیز
بەبۆنەی هەڵكردنی مۆمی 29 هەمین ساڵیانی دەرچوونی كوردستانی نوێ وەكو یەكەم رۆژنامەی رۆژانەی دوای راپەڕین، پیرۆزباییتان لێدەكەین و هیوای بەردەوامی و درێژەپێدانی كاروانی پڕ سەروەری رۆژنامەوانییتان بۆ دەخوازین.
كوردستانی نوێ جیا لەوەی سەكۆیەكی ئازا و بوێری رەخنە لەخۆگرتنی رۆژنامەنووسی بووە، ئەوا قوتابخانەی یەكەمی زۆرێك لە رۆژنامەنووس و نووسەرانی سێ دەیەی رابردووی هەرێمی كوردستانە.
ئەم رۆژنامەیە لەماوەی تەمەنیدا هەمیشە بە سەنگینی و هاوسەنگی و راستگۆیی ناسراوە، هەر ئەو خەسڵەتانەشە كەدەیخەنە ریزی پێشەوەی كەناڵە رێزلێگیراو و خاوەن پێگەكان و توانیوێتی بەسەر لەمپەڕ و ئاستەنگەكاندا زاڵبێت و پێشبڕكێی قۆناغ و مۆدێلە نوێیەكانی كایەی رۆژنامەنووسی بكات.
ئومێد دەكەین كە كوردستانی نوێ و راگەیاندنی یەكێتی بەسەرجەم كەناڵەكانییەوە بەرپرسیارانە و ماندوو نەناسانە وەك هەمیشە كار بۆ خزمەتی كۆمەڵگەی كوردەواری و پشتیوانی لە ئەزموونی دیموكراسی بكەن و هاوشانی نوێبوونەوەی یەكێتی كە دروشم و نەخشەرێی كۆنگرەی چوارەمی بوو، پشكی شێری پشتیوانی و نوێبوونەوە و كاراتر كردنی راگەیاندنی یەكێتی بەربكەوێت.
وێڕای دەستخۆشی بۆ رۆژنامەنووسانی، دەخوازین هەمیشە كوردستانی نوێ لەپێشكەوتن و تازەگەریی دابێت.
_________________
نوێنەری یەكێتی و كۆمیتەی رێكخستن لەیۆنان: كوردستانی نوێ وەك میدیای كاغەزو خزمەتكردنی وشەی شیرینی كوردی، خوێنەران خزمەتی زۆر كردووە
بۆ بەڕێزان/ سەرنووسەرو ئەندامانی دەستەی نووسەران و سەرجەم كارمەندە ماندووەكانی رۆژنامەی كوردستانی نوێ…
بەبۆنەی ساڵیادی دەرچواندنی ژمارە سفری رۆژنامەی كوردستانی نوێ، رۆژنامەی هەموو بیروڕا جیاوازەكان، پیرۆزبایی گەرممان بۆ هەموو هاوڕێ ئازیزەكانمان لە رۆژنامەی كوردستانی نوێ كە بەماندووبوون وشەونخونی و تێپەڕاندنی هەموو كەندو كۆسپەكانی رۆژانە، بەڵام بەجوامێری و تێكۆشان و خەمخۆریی و دڵسۆزیی دریژە بەكاروانی پڕسەروەریی رۆژنامەگەری كوردی و یەكێتیی نیشتمانیی كوردستان داو نەیانهێشت ئەو كاروانەی سەرۆك مام جەلال دەستپێك و سەرقافڵەی بوو بووەستێت، بۆ بەردەوامبوونی كاروانەكەش هەڤاڵانمان لەكوردستانی نوێ رۆڵی دیارو بەرچاویان هەبووە لەململانێی تەكنەلۆژیای نوێدا بۆ بەزیندوویی مانەوەی كوردستانی نوێ وەك میدیای كاغەزو خزمەتكردنی وشەی شیرینی كوردی، خوێنەرانی رۆژنامەكەش داینەمۆی گەشەپێدان و بەزیندوومانەوەی بوون، چونكە لایان مەعلوم بوو كە یەكەم رۆژنامەی رۆژانی دوای راپەڕینە مەزنەكەی ئاداری 1991 بەدەستپێشخەری ی.ن.ك وەرچەرخانێكی گرنگ بوو لەبزووتنەوەی رۆشنبیری كوردیدا.
لەیادی جوانیی كوردستانی نوێدا، خوازیاری سەركەوتن و بەردەوامیی و پێشەنگایەتی بۆ ئەم باخچە ڕەنگینەی ڕۆژنامەگەری كوردی دەخوازین و هەربژین…

نوێنەری ی.ن.ك و كۆمیتەی رێكخستنی یەكێتی لەیۆنان
_________________
یوسف بەحرکە: ئومێدەوارم کوردستانی نوێ بۆ هەمیشە لە نوێبوونەوەدابێت و لەگەڵ خوێندنگا نوێ و سەردەمیەکانی ئەمڕۆدا هاوشان هەنگاوبنێ
بەبۆنەی ساڵیادی کوردستانی نوێوە گەرمترین و جوانترین پیرۆزبایی لە خۆم وەک رۆژنامەنووسێک و خوێنەرێک لە سەرنووسەرو دەستەی نووسەران و ستافی ماندونەناسی رۆژنامەکەتان و تەواوی خوێنەرانی ئەورۆژنامەیەدەکەم …ئومێدەوارم کوردستانی نوێ بۆ هەمیشە لە نوێبوونەوەدابێت و لەگەڵ خوێندنگا نوێ و سەردەمیەکانی ئەمڕۆدا هاوشان هەنگاوبنێ و بتوانێ لە دونیای ئەمڕۆی سوشیال میدیادا کە بەداخەوە لەپاڵ خێرایی لەبڵاوکردنەوەی هەواڵدا ووردی و متمانەی لای خوێنەرانی راستەقینەو ئەکادیمیست لەدەستداوە ..کوردستانی نوێ بتوانی حەزو خولیای جاران و باشتر لەجارانی رۆژنامەی کاغەزی و کلاسیکی بگەڕێنێتەوە .. کەلەپاڵ خێرایی لەگەواستنەوەی هەواڵدا متمانەو ووردی و راستی و دروستی بۆ ئارەزوومەندان و خوێنەرانی هەواڵ و بابەتەرۆژنامەوانیەکانی تر بگەڕێنێتەوە ..دووبارە پیرۆزە لەیەکەم رۆژنامەی رۆژانەی کوردی لەدوای راپەڕین رۆژنامەی کوردستانی نوێ

رۆژنامەنووس و راگەیاندنکار ….یوسف بەحرکە
_________________

لێپرسراوی كارگێری دەزگای تەندروستی پێشمەرگە: بەهیوای سەركەوتنی زیاتر ‌و زیاترین بۆ كوردستانی نوێ‌
لە كانگای دڵەوە بەناوی دەزگای تەندروستی پێشمەرگەوە پیرۆزبایی ئەم یادە پڕ لە شكۆیەتان ئاڕاستە ئەكەین بەوهیوایەی هەموو ساڵێك بە گەورەیی ‌و جوانی ئەم یادە بكرێتەوە‌و دەستی یەكە بە یەكەی سەرنووسەر ‌و سەرجەم بەرپرسان ‌و كارمەندانی لاپەڕە جوانەكانی ئەم رۆژنامە گرنگە ئەگوشین ‌و بەهیوای سەركەوتنی زیاتر ‌و زیاترین.
هەر بژین

مقدم هاوبەش عوسمان لێپرسراوی كارگێری دەزگای تەندروستی پێشمەرگە
_________________

بەڕێوەبەرایەتی ئاسایشی شارەزوور، پیرۆزبایی لە كوردستانی نوێ‌ دەكات
بەناوی بەڕێوەبەر ‌و ئەفسەران ‌و سەرجەم كارمەندانی بەڕێوەبەرایەتی ئاسایشی شارەزوورەوە، پیرۆزبایی یادی 29 ساڵەی داگیرساندنی مۆمی تەمەنی رۆژنامە جوان ‌و سەوزەكەتان لێدەكەین ‌و هیوادارین بەردەوامی ‌و سەركەوتنی زیاترتان ببینین. دەستخۆشی لە ماندوبونی ئەو ستافە بەرێزەتان لێدەكەین.
_________________

لێپرسراوی كەرتی (5) نشینگە: كوردستانی نوێ بۆتە رۆژنامەی گشت هەڤاڵان
بەڕێزان/ سەرنووسەر و كارمەندانی كوردستانی نوێ
بەناوی خۆم و سەرجەم هەڤاڵانم لە كەرتی (5) ی رێكخستنی نشینگەی سلێمانی، جوانترین و گەرمترین پیرۆزبایی یادی (29) ساڵەی دامەزراندنی رۆژنامەكەتان لێدەكەم، رۆژنامەی كوردستانی نوێ لە ماوەی كاركردنی توانیویەتی خزمەتی خوێنەرانی كورد بكات و بە هەواڵەكانی رۆژ ئاشنایان بكات، هەروەها بۆتە دوانگەی نوسەران و رۆژنامەنووسان، هەروەها وەك رۆژنامەیەكی زمانحاڵی یەكێتیەكەمان، كوردستانی نوێ بۆتە رۆژنامەی گشت هەڤاڵان، بۆیە كاركردنتاتن بەرز دەنخێنین و شانازیتان پێوە دەكەین.
دووبارە ئەم یادە لە گشت لایەكتان پیرۆز دەكەین.

كاردۆ عوسمان هەورامی لێپرسراوی كەرتی (5) نشینگە

 

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*