سەرەکی » وەرزش » سەرەتای مانگی داهاتوو یەكلادەكرێتەوە

سەرەتای مانگی داهاتوو یەكلادەكرێتەوە

بڕیارە لە رۆژی 4 ی مانگی داهاتوو هەریەك لە سەرۆكی یەكێتی تۆپی پێی ئەڵمانیا و یواخیم لۆف راهێنەری هەڵبژاردەی ئەڵمانیا گفتوگۆ بكەن لەسەر داهاتووی پێگەی راهێنەری هەڵبژاردەكە ئەمەش لەدوای ئەو ئەنجامە قورس و كاریگەرەی كە ئەڵمانیا لە بەرامبەر ئیسپانیا بەسەری هات كاتێك لە نەیشنس لیگ بە 6 گۆڵی بێ وەڵام شكستیان هێنا.

ئەگەرچی دوابەدوای یارییەكە بەرپرسانی تۆپی پێی ئەڵمانیا متمانەیان بە لۆف دایەوە بۆ ئەوەی لەسەر ئەو 14 ساڵەی كاركردنی وەك راهێنەر بەردەوام بێت ، بەڵام لە ئێستادا دۆخەكە گۆرانكاری بەسەرداهاتووە و بەهۆی ئەو رەخنە و گلیەییانەی كە ئاراستەی یەكێتییەكە و راهێنەریش كرا ، پێدەچێت ئەمە وابكات كە لۆف ناچار بە دەستلەكاركێشانەوە بكات بۆ ئەوەی توشی سوكایەتی پێكردن نەبێتەوە.

سەرچاوەكانی هەواڵیش چەند رۆژێكە هەڵمەتێكیان دروست كردووە بۆ باسكردن لە شونێگەرەوەی لۆف ئامادەسازیان بۆ یۆرۆی 2020 كە بەهۆی هاتنی كۆرۆناوە ئەو پاڵەوانێتییە دواخرا و ئەڵمانیاش لە كۆمەڵەی ئاگرین خۆی دەبینێتەوە لەپاڵ هەڵبژاردەكلانی فەرەنسا هەڵگری نازناو و پرتوگال و هەنگاریا.

دیارترین ئەو پاڵێوراوانەش كە باسی لێدەكرێت یۆرگن كلوپ راهێنەری لیڤەرپوڵ و هاینز فلیك راهێنەری بایرن مویننشن و تۆماس تۆخێل لە پاریس سان جێرمان و رالف رانگینگ راهێنەری پێشووی لایپزیگ و ستاڤان كۆنتز راهێنەری تیپی تازەپێگەیتوانی ئەڵمانیا.

ئەگەرچی بەپێی زانیارییەكان لە كۆبونەوەكەدا پێناچێت لۆف ئامادە بێت ، بەڵام قسەكردن تەنیا لەسەر یارییەكەی 17 ی ئەم مانگە نابێت، بەڵكو باس لە پێشكەوتنەكانی هەڵبژاردەكەش دەكرێت لە ماوەی دوو ساڵی رابردوودا.

 66 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*