سەرەکی » وەرزش » وەرزشكارانی روسیا لە ئۆڵۆمپیادی تۆکیۆ بەشدار دەبن

وەرزشكارانی روسیا لە ئۆڵۆمپیادی تۆکیۆ بەشدار دەبن

لیژنەی ئۆڵۆمپی نێو دەوڵەتیی رایگەیاند كە وەرزشكارانی روسیا بەشداریی ئۆڵۆمپیادی هاوینی داهاتووی تۆكیۆ- 2021 دەكەن كە 23/6/2021 دەستپێدەكات.

لەڕاگەیاندنەكەدا هاتووە: وەرزشكارانی روسیا بە ناوی لیژنەی ئۆڵۆمپی روسیاوە بەشدار دەبن و بە لاتینی بەكورتكراوەیی هەرسێ وشەی لیژنەی ئۆڵۆمپی روسیا لەسەر درێسەكانیان دەنووسرێت، ئاڵای تیپەكانیش ئاڵای لیژنەی ئۆڵۆمپی روسیا دەبێت نەك ئاڵای رەسمی حكومەتی روسیا.

ئێستا لیژنەی ئۆڵۆمپی نێو دەوڵەتیش بەرەسمی داوای لە لیژنەی ئۆڵۆمپی روسیا كردووە سرودێك لە جیاتی سرودی نیشتمانی روسیا دیاریی بكەن تا لەكاتی وەرگرتنی میدالە زێڕەكان لەلایەن وەرزشكارانی روسیاوە لە جیاتی سرودی نشتمانی روسیا لێبدرێت.

شایانی باسە ماوەیەكی زۆرە ناكۆكییەكی توند لە نێوان هەردوو لیژنەی ئۆڵۆمپی ناوبراودا درووستبووەو سزایەكی توندی وەرزشكارانی روسیا دراوە و بێ بەشكراون لەبەشدارییكردن لە بۆنە ئۆڵۆمپی و جیهانییەكان، ئەوەش بەهۆی ئەوەوە كە دەركەوتووە بە بەرنامە مادەی ووزەبەخش بە وەرزشكارانی روسیا دراوەو لیژنەی ئۆڵۆمپی روسیاش رەتیكردۆتەوەو تۆمەتەكەی بە هەڵبەستراو ناو بردووە.

 

 58 جار بینراوە