باڵیۆزی ئەمریکا لە ئەڵمانیا هەرا دەنێتەوە – knwe.org
سەرەکی » راپۆرت » هه‌واڵ و سیاسەت » باڵیۆزی ئەمریکا لە ئەڵمانیا هەرا دەنێتەوە

باڵیۆزی ئەمریکا لە ئەڵمانیا هەرا دەنێتەوە

لە پاش ئەوەی باڵیۆزی ئەمریکا لەگەڵ سەرۆکی کۆمپانیا گەورەکانی ئۆتۆمبیل لە ئەڵمانیا کۆبوویەوەو باسی لابردنی گومرگی ئەمریکا کرد، نیگەرانی گەورەی لەناو میدیایی و ناوەندە سیاسییەکانی ئەڵمانیا دروستکرد، سەرۆکی پارتی سۆسیال دیموکراتیش بەتوندی وەڵامی دایەوەو رایگەیاند: ئەڵمانیا کۆماری مۆز نییە.

کۆبوونەوەیەکی گرنگ
هەفتەی پێشوو ریتچارد گرینیل باڵیۆزی ئەمریکا لە بەرلین لەگەڵ سەرۆکی کۆمپانیا گەورەکانی بواری پیشەشازی ئۆتۆمبیل کۆبوویەوە، لەو کۆبوونەوەدا کە هەریەک لە « هێربێرت دیس ، سەرۆکی کۆمپانیای ڤۆلکس ڤاگن و دیتەر تستچە، سەرۆکی کۆمپانیای دایملەر، هارالد کروگەر سەرۆکی کۆمپانیای بێم ئێم دەبلیو کۆبوویەوە. پاشان گرینیل رایگەیاند: ئەمریکا ئامادەیە تاریفە گومرگیە نوێکەی لەسەر بەرهەمی ئۆتۆمبیلی ئەڵمانی لاببات ، بەو مەرجەی کە رێکەوتنێکی گومرگی لە نێوان هەردوو دەوڵەت سازبکرێت.

وەڵامێکی توند
ئەم کۆبوونەوەیە بووە مایەی نیگەرانی زۆرێک لە سیاسەتمەدار و میدیاکانی ئەڵمانیا، لە دیدارێکی تایبەتدا لەگەڵ رۆژنامەی « ڤێلت ئەم زۆنتاگ» ، ئەندریا نالس سەرۆکی پارتی سۆسیال دیموکراتی ئەڵمانیا بە توندی دژی ئەم کۆبونەوەیە وەستایەوەو رایگەیاند: گەر حکومەتی ئەمریکا دەیەوێت لەگەڵماندا باسی تاریفە گوومرگییە نوێکەی بکات، ئەوا دەبێت وەزیری بازرگانی ئەمریکا و لەگەڵ وەزیری بازرگانی ئەڵمانیا کۆبێتەوە ، نەک لەگەڵ کۆمپانیاکان. راشیگەیاند: ئەمە بەلای منەوەکارێکی نەشیاوە، کە باڵیۆزێک باسی ئەو جۆرە کارانە بکات. وتیشی: ئێمە کۆماری مۆز نین .
جێگەی ئاماژەیە لەماوەی پێشوودا دۆناڵ ترەمپ سەرۆکی ئەمریکا گومرگی زۆرتری خستە سەر هاوردەکردنی ئۆتۆمبیلی ئەڵمانیییو ئەوروپی، کەئەمەش بووە مایەی نیگەرانی ئەڵمانیی و ئەوروپییەکان.

سەرچاوە: -سایتی دۆیتچە ڤێلەی ئەڵمانیا

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

وەفادارییە،نەك بانگەشە

قوباد تاڵەبانی چ وەك هەڤاڵ و چ وەك جێگری سەرۆكی ...